|| ❤فــضـفـضـة بـنــآآآت لــــهـــآ㋡ ¨ˆ|| ❤

[Brilliant Shores]

يب يب .. صادقة والله ..

تعرفي دخلت دورة السسكرتارية التنفيذية مع أ/ زين عطية مررة روعة .. كان من ضمن الدورة كيف تتحكمي في

اعصابك وششغلات هيك ...~> احس إني اخف الحمدلله من اول بكثير

[O-DODY-O]

اهاااا ماشاءالله... كويس
ذكرتيني بالمعهد... اخاف يجي رمضان وانا لسا ما داومت
باقيلي شهر ومتكسله اروح

[Brilliant Shores]

ايش الدورة اللي بتاخذيها ..؟؟

في اي معهد ..؟

[O-DODY-O]

اخذت دورتين من قبل 3 شهور او 4 شهور

كل دوره شهر

في معهد العلياء < بصراحه جداً سيئ وما عندهم تنظيم ابداً ويلطعوكي شهر عبال ما يوفرو استاذات وكل اسبوع جدول وانتي حظك اذا لقيولك استاذه يدوكي واذا ما لقيو استني

انا من شهر 3 سجلت دورتين مقدمة حاسب و تصميم فني

مقدمة حاسب اخذتها وباقيلي اسبوع واحد بس وتصميم الفني لسا ما بدأولي الين دحين

[Brilliant Shores]

وي وي ليه يسسووا كذا طيب من الاساس يقولوا لك إنه مافيه استاذة

~> على كذا اسألي قبل ماتروحي أي معهد حتى تضمني إنك راح تستفيدي ..~

التصميم الفني ..~> ايش مضمونها

[O-DODY-O]

المشاركة الأصلية كتبت بواسطة brilliant shores وي وي ليه يسسووا كذا طيب من الاساس يقولوا لك إنه مافيه استاذة ~> على كذا اسألي قبل ماتروحي أي معهد حتى تضمني إنك راح تستفيدي ..~ التصميم الفني ..~> ايش مضمونها

هما مشكلتهم كل شهر يجيبو استاذات جدد

عشانهم ما يدوهم رواتبهم كامله

حتى المديره كل مره تتغير < الوحيده اللي ما اتغيرت ابداً اللي تبيع في الكافتريا

التصميم الفني ( فوتوشوب .. فلاش.. البوربوينت ... وفي برنامج كمان بس ناسيتو برضو حق تصاميم والاشياء ذي)

[Brilliant Shores]

.




ماشاالله باين حلوة الدورة ... بالتوفيق ياقلبي وإن شاالله تستفيدي منها وتنبسطي فيها :|

[O-DODY-O]

امين :)

بس والله مره كرهت المعهد وطفشت منو

[Brilliant Shores]

.



لا يا قلبو لاتقولي كذا حطي في بالك إنه هالدورات اللي بتاخذيها راح تفيدك في حياتك العلمية والوظيفية

احتسسبي وربنا ييسر لك .. حتى لو المدة طويلة تمر بسسرعةغير كذا تونسسي في المعهد احسن

لك من انك تقعدي في البيت

[O-DODY-O]

يب ان شاء الله

دحين ذي الايام ابغا اروح اسجل في نادي عشان اتنشط ان شاء الله

بس ماادري متى راح يتعدل نومي