وظائف نسائية في الخطوط السعودية (بكالريوس - ماجستير) جدة

[lady lala]

انا وصلتني رسالة اختبار الانجليزي بس في لخبطة بالتاريخ،، كاتبين السبت ١٢ سبتمبر وبالتقويم ١٢ يوافق الاثنين يعني امشي ع التاريخ ولا اليوم؟
وحالتي بالموقع ما تغيرت لسه تلقي المستندات

[أنا المتفائله]

يبنات انا جاني هدا المسج
برنامج التوظيف النسائي للخطوط السعوديه تقرر اجراء اختبار اللغه يوم الاحد 13 سبتمبر 2011 الساعة 07:30 صباحا وذلك بفندق المنزل (هابي تات) بجدة طريق المدينة المنورة النازل بتجاه البلد قبل جسر حراء
ضرورة احضار اصل بطاقة الاحوال او جواز السفر
معى تحيات ادارة التوجيه الوظيفي y&e

[أنا المتفائله]

المشكلة 13 يوافق يوم الاثنين
يابنات انتبهوا التاريخ بالميلادي لاتلخبطو مو بالهجري
بس برضوه لو بالميلادي انا قايلين الاحد وهو اصلا الاثنين
اتوقع باليوم مو بالتاريخ

[أنا المتفائله]

عفوا انا 13 يطلع يوم الثلاثاء مو الاثنين

[lady lala]

انا جتني الرسالة على يوم السبت ١٠ ونص صباحا وبالنسبة للتقويم انا مشيكة ع التقويم الميلادي ومتاكدة ١٢ سبتمبر يوافق الاثنين وهما قايلين السبت ١٢ !!

[نقطة انتهى]

انا كمان اختباري يوم الاثنين 14 سبتمبر والمفروض يكون الربوع مش الاتنين
اما اذا كان 14 شوال فهو صح الاثنين ؟؟؟؟؟؟؟؟؟؟ ايش يعني ،،عموما مين يعرف شي عن الاختبار سهل صعب اي شي يطمنّي ؟؟؟

[ريم مبارك]

أنا المتفائلة : انا جاتني نفس رسالتك بالزبط وصح في غلط بالتاريخ بس كيف نروح يوم الاحد يعني ولا الثلاثاء؟؟؟


وبنات بسالكم في وحده مقدمة وماهي من جده زي حالتي شويه شايله هم

[أنا المتفائله]

والله مااعرف
بس انا عندي فكرة اللي عندها رقم الفندق تتصل وتسال متى المواعيد اللي حاجزتها الخطوط لاختبار الانجليزي الخاص بالبنات
بيقولوا الايام
يعني هي ثلاثة ايام وراء بعض
12 و 13 و 14
يمكن السبت والاحد والاثنين
او راح يكون
الاثنين والثلاثاء والاربعاء
بالنسبة للاسئله اللي اعرفه انها مو سهلة يعني ركزو قالوا اسهل من التوفل بس اصلا التوفل صعب جدا
وكمان اصعب جزء اللسنينق يعني السماعي لان زي ماقالوا الشباب مايعيدوا المحادثه بس مره وحده
واللي انا اعرفه راح ياخذو الاعلى بالاعلى في مستوى الانجليزي
الله يسهل والله شايله هم مو عارفه كيف اذاكر لو نتساعد واللي عندهم نماذج يحملوها والله يعين بس

[إشراقة أمــل]

انا جاني 14 سبتمبر الاثنين ويش نسوي هالحين

[نقطة انتهى]

يعني الاختبار فيه ليسننغ وريدنغ وقرامر وكذا ؟؟؟؟