السبب الرئيسي لاكمال الدراسة بنظام الانتساب ارجو مشاركتك

[محمد حسن العمودي]

وانا بصراحه ابغى اتزوج كل ماجيت اخطب يقولو ابي واحد جامعي زيي مالت عليهم يعني ويش بيتغير
المهم انا باخذ الشهاده وكل ماجيت اخطب باخذها معايه احطها في ملف علاقي
ههههههههههههههههههههههههههههههههههههه جايين نخطب ولا نقدم على وظيفه والله حاله

ياليت عمي يشوف رسالتي ويحن عليه

[ابو هلا العسيري]

المشاركة الأصلية كتبت بواسطة محمد حسن العمودي وانا بصراحه ابغى اتزوج كل ماجيت اخطب يقولو ابي واحد جامعي زيي مالت عليهم يعني ويش بيتغير المهم انا باخذ الشهاده وكل ماجيت اخطب باخذها معايه احطها في ملف علاقي ههههههههههههههههههههههههههههههههههههه جايين نخطب ولا نقدم على وظيفه والله حاله ياليت عمي يشوف رسالتي ويحن عليه

فعلاً سبب منطقي وأبداً ليس هذا السبب مجرد مداعبة فنحن في زمن لا يرحم وأصلاً من الصعب الأربتاط بفتاة تفوقك علماً أنا هنا أتكلم عن الشباب ومن ناحية البنات فهم مربيات الأجيال وأيضاً لا تقل أهمية تعلمهم عن أهمية الشباب الله يوفقك يا أخ / محمد العمودي . ويزوجك اللي في بالك وأيضاً لا تنسى أن السعادة ليست بالشهادة فالسعادة بالدين والأخلاق كما وصانا نبينا عليه أفضل الصلاة والتسليم عسى أن عمك يرأفك بحالك .

[المرقاب 888]

للوصول لاعلى المراتب في العمل الشهادة الجامعية مع الخبرة مفيدة جدا

[Abdualaziz Saleh]

بالتوفيق للجميع

[دآج وبقوة]

..

السبب الاول : نسبتي كانت موب ذيك الزود
السبب الثاني : القدراات خلت نسبتي اقل بعد جمعهماا
السبب الثالث : الواسطهه " ناس قدمو معي ونسبتهم اقل ودخلو انتظام "

..

الحين بقول ليش دخلت الجامعة و م توظفت على طول ..
اول شي .. صعب اني ادرس 12 سنة بمراحل متعدده واخر شي ..
اجلس ف البيت لا وظيفة ولا شي .. ثاني شي ماابي اكون فف المستقبل خريج 1432 .. 2011
ومعي ثانوي فقط .. صعبه لان كل اللي معك واللي بدفعتك وبعمرك
بيكونون جامعيين وانت لا وهم متخرجين معك هيناا كاارثه ..
ومن الاسباب تكون عندي موهلات افضل من غيري من ناحية الاستقدام على وظيفة ..
والحين ودي احوول انتظام لاني توني متخرج السنة اللي طافت .. ولسااتني صغير :$
الى كل من عنده واسسطه ويعرف اححد لاينسااني

+ انا سجلت الترم الثاني واهو اول ترم لي وخطتي كانت " ب " ونجحت بب الثقافة الاسلامية
ونجحت بب مهارات الحاسب الالي .. بس الانجليزي 101 f والرياضيات f و اللغة العربية f

ظلم قسم بالله .. موضوعكك جميل خلاناا نفضفض

[Health]

اممم حلو الموضوع
انا عندي شهادة اعمال مكتبيه يعني بما أني ما ابآاتوظف هالشهاده تكفيني
لكن الوالدة حابه أني اتخرج من جامعة الملك عبدالعزيز ولا بعد مصممه على هالشي < لحد الان مدري شنو السر ض1
رغم أني ما اتقألمت أبدا بالجامعة لان مشاكلهم لا تعد ولا تحصى
وما عندهم تخطيط اداري جيد ولحد الان ما استفدت علميا الا من مادتين
مهارات الاتصال و والتعلم والتفكير
باقي المواد كانت بالنسبه لي روتينيه
صراحه انا من النوع اللي يحب يأخذ الفايده من الكتاب رغم ان مستواي عادي مب دافوره

ثانكس ع الموضوع :)

[Health]

المشاركة الأصلية كتبت بواسطة amg~ مرنزل؟ خصبا؟ معليييش بس ظلم لو قبلوك انتظام هههههههههههه

يمقن الرجال قاعد يكتب من الايباد
لان بعض الاحيان تضغط انتر بعده تشوف الكلمه شي ثاني غير اللي كتبته
طبعا هالشي يتغير من الاعدادات اذا الاخ حاب يغير الخيارات التلقائيه

[فوفوالحريري]

تحيه طيبه للجمييع ......ياااارب حقق امنياااتي اللي كنت اتمناها وامانيكم اخواني واخوااتي ...عانيت بعد التخرج من الثانويه من فرراغ واصبحت عااااطل ماكان في وااسطه تخدمني لاجامعه ولاغيرها تعبت نفسيا حتى جاني اكتئاب شدييد وحاد اعاني منه حتى الان وخصوصا لمن اتذكر الماااضي الاسود.. والسبب كل ما ذهبت لجامعه ترفض ومافي وضايف وقتها وبهذله ...ايام ما اقدر انساها لانو حسيت اني خلاص فقدت الامل واصبحت عاطل ولكن الحمد لله بعدها قبلت في معهد وتخرجت منه بتقدير ممتاز وبداء التنافس من جميع الزملاء اننا نكمل الجامعه طبعن مجموعه ماشا الله استمرت ومجموعه انا منهم ماواصلت كسسسل وبعد فترة من عملي صارت الجامعه شي اساسي طبعن زوجتي الغاااليه كان لها الفضل في تشجيعي ع اكمال الجامعه وقررت اكمالها حتى لو خسرت كل شي وبالفعل سجلت في الجامعه اول سنة وكان معدلي 4% وتيسرت بنوور الله وسوف اكمل مهما صااار فالعلم ليييس له نهااايه وهو سلاح لكل انسان طموح الحين الحمد لله الاموور تسير الي خييييير وصلت للمستوى الرابع والحمد لله وجاني ولديين غيرو علي حياتي والديون خفت كثييييروالسبب اني اكملت الجامعه وترقيت الي مرتبة اعلى .يااااارب يحقق امنيااتي وامانيييييكم .

[ابو هلا العسيري]

داج بقوة ــــ ناوية أنتحر ـــ الشكر موصول لكم على مشاركتكم الرائعة والأخ / فوفو الحريري عسى ربي يحقق أمنياتك أهم شي تفضفضوا لنا قول اللي بخاطرك بالعكس ردودكم كما اسلف زادتنا حماس وصحيح أخ / فوفو لما يكون عندك مسئولية وزوجة وابناء تتشجع أكثر عسى ربي يوفقك مرة أخرى أنت وجميع الزملاء والأخوات.

[hloom800]

انا كنت انتظام عام 1420 وظروف ماقدرت اكمل بعدين انتسبت1427 وبرضو ماكملتت فرحان بوظيفه الحكوميه وكان عندي مدير زي العسل وبعدين جاني مدير الله لا يبلي احد شايف نفسه وقلت ان االله راد اشد حيلي واخد الجامعه وغير من وضعي الوظيفي