من يرغب في ادارة واقتصاد

[بتال القوس]

المشاركة الأصلية كتبت بواسطة ع ـجزت أنسآكـ آلله يوفقك ويريحك دنيآإ وآخرة يآإرب بجد إستفدت من معلومآتك وإن شآإء آلله حكون تنظيم وتطوير إدآري تسسسسلم وآلله يعطيك ألف ألف عآإفيه

هيواي وعجزت انساك بالتوفيق لكم ..

[بتال القوس]

المشاركة الأصلية كتبت بواسطة brincessa reem مشكور جزاك الف خير ع الموضوع انا اخترت ادراه وقتصاد بس انا ودي اجيب معدل يحولن انتظاام وخايفه مره من ادره واقتصاد يكون صعب وكمان راسبه في انقلش 102 يليت تفيدووني محتره ودي احول انتظام ادعولي يارب احول

الله يوفقك باذن الله بس حاولي انك تتخلصي من الانجليزي 102 على طول واعرفي سبب رسوبك فيه لان المادة ليست بتلك الصعوبة اما بخصوص التحويل للانتظام عيب الجامعة انها تعتمد في الاساس على الواسطة للاسف الشديد ..

[بتال القوس]

المشاركة الأصلية كتبت بواسطة مستر بوقس الله يعطيك العافيه أخووي بتااال عندي استفسار بسيط انا اخترت ادارة مستشفيات عشان طبيعة عملي في المجال الصحي السؤال هل الدارسه راح تكون بالانجلش او بالعربي ..

عربي كله عربي في الانتساب

[بتال القوس]

المشاركة الأصلية كتبت بواسطة ... الجــــــــــــود ... ارجوووووووووووووووووووكم ساعدووووووووووووووووووووني لحد الان مااخترت كليه ابغي اداره اعمال ابغي اعرف في اي كليه رابغ او اداره واقتصاد وايش افضل مسار في اداره الاعمال ابغي خبر اكيد الله يوفق اللي يرد على ويسعده في حياته

قسم موارد بشرية حلو .

[بتال القوس]

المشاركة الأصلية كتبت بواسطة om_assil اخي الكريم الله يجزاك خير ان شاء الله ويجعل اعمالك الطيبة في موازين حسناتك استاذ بتال انت نصحتني بالتنظيم بس عشان ابعد عن الرياضيات لكن أنا حابه اعرف ايش الأنسب ليا مع خبرتي العملية يعني اي تخصص اللي هيدعم خبرتي العملية واذا على مشكلة الرياضيات فالأفضل ليا هو اللي نمشي فيه بمشيئة الله حتى لو فيه تعب عليا وشاكرة لك اخي الكريم تعاونك معانا واستقطاعك من وقتك لينا

اختي ما عندك صعب في القسم الا بحوث وعمليات فيها عمليات مثل الرياضيات

اما المحاسبة والاقتصاد الجزئي تعتمد على مسائل حلوة بس اهم شي تفهمي المادة تمام راح تحبيها
وباذن الله نشرح لكم محاسبة لو تحبون في قسم الادارة العامة

[بتال القوس]

المشاركة الأصلية كتبت بواسطة blair ممكن اسأل سؤال انا نفسي ادخل اداره مستشفيات ومعدلي 3.75 هذا بس ترم اول لسه انا مادخلت الترم الثاني بس كيف التوظيف بالااداره الصحيه هل هوا كبير وبسرعه ولا مافي وظايف لانو في بعضهم يقولو لانو تخصص جديد يمكن مايكون موجود وظايف ولا كيييف؟ واش الفرق بالوظايف بين المسارين وعندي سؤال ثاني لو تخصصت اداره مستشفيات ان شاءالله وحولت انتظام كيف الدراسه تكون بالانجليزي مرا مو فاهمه يعني انا شايفه في مبادئ القانون ومبادئ الاداره العامه واخلاقيات العمل معقوله هادي انجليزي؟ اش المقصود بالانجليزي يعني كل الكتاب من الى؟؟؟؟؟ حتى دي المواد الحفظ كلها كلها؟ مو مستوعبه صراحه ههههههههه وكم ماده حتكون بالانجليزي لو حولت انتظام؟ ولو فضلت انتساب برضو كم ماده بالانجليزي؟ سوري طولت بس اتمنى ترد عليا بكل اسئلتي ^^ وشكرا

نعم الدراسة تختلف بين الانتظام والانتساب فيه انجليزي في الانتظام

اما بخصوص القسم المفضل الافضل انك تختاري قسم يكون شامل مثل المسار العام لكن للاسف غير موجود الا في الانتظام بالنسبة للبنات حاولي تختاري موارد بشرية او تطوير وتنظيم اداري

[بشبش عتيبه]

المشاركة الأصلية كتبت بواسطة بتال القوس لا ياوخيتي فيه في جدة ادارة مستشفيات تابعة للادارةالعامة

ياوناسسسسسسه الله مير يريح لي بالك ويكثر عيالك>>

طيب اخوي يعني ان شاء الله علطول ادخل بكذا اداره العامه صوح

[بشبش عتيبه]

عفكره انا انتساب ونسبتي 2.96
هاه اقدر اخش فيذا ولا ادور بدييييل

[بتال القوس]

المشاركة الأصلية كتبت بواسطة بندر30 اخي بتال جزاك الله عنا كل خير واسال الله ان يوفقك بالدنيا والاخرة عندي سؤال انا موظفي في شركة اتصالات كبرى بخدمات العملاء اخترت تخصص ادارة واقتصاد شو المسار اللي تنصحني فيه او اغير لكلية الاعمال برابغ سؤال ثاني رأيك في مسار الاعلام - علاقات عامة بكلية الاداب تنصحني فيه ؟

افضل قسم لك في ادارة الاعمال -- ادارة اعمال دولية مرغوب في شركة الاتصالات الله يوفقك

[بتال القوس]

المشاركة الأصلية كتبت بواسطة dode_eo عزيزي بتال هل اختبار المناطق سيستمر بنسبه لطلاب الانتساب في كلية رابغ او هو مؤقت لاني سمعت ان المباني بتخلص وبيلغونه السؤال الثاني ماهي التخصصات المتاحه حاليا للانتساب في كلية رابغ السؤال الثالث هل يوجد ادارة اعمال في كلية الاقتصاد والادارة او انه متوقف زي ماسمعنى

من حيث اختبار المناطق ما عندي والله فكرة عن هذا الموضوع لانه شغل اداري

اما قسم ادارة الاعمال فاعتقد انه سوف يكون فقط في رابغ .