مهم جدا.. جديد(( الترم الصيفي )) انتساب طالبات (( الترم الصيفي )) انتساب طالبات

[وفاء*]

هابشرو ايش سار معاكم ؟؟؟؟؟؟؟

[ياارب نجحني]

يابنات انا بنفسي رحت لرئيسة قسم علم النفس د. شذى خصيفان وكلمتها عن الصيفي قالت جمعي عدد البنات وهاتي ارقامهم الجامعيه وممكن نفتح تقول المشكله انو ماااافي عدد يستاهل

[Mero The Best Student]

كم وصلنا

[هيفوووو]

ياأخوات ساعدوني كيف أسجل إسمي ورقمي الجامعي أو كيف أرسلها ما عندي خبرة عن أي شي الله يوفق من يساعدني لأني أبغى اتخرج

[فراشة شتاء]

يابنات ايش صر على الموضوع ليوم يارب يقبلونا
لان اصلا حتى لو احنا 70 طالبه فهذا مو رقم بسيط بالنسبه لاول مره نطلب ترم صيفي للانتساب
المفروض يوافقون اصلا

[فراشة شتاء]

المشاركة الأصلية كتبت بواسطة هيفوووو ياأخوات ساعدوني كيف أسجل إسمي ورقمي الجامعي أو كيف أرسلها ما عندي خبرة عن أي شي الله يوفق من يساعدني لأني أبغى اتخرج

هتلاقي في قم علم النفس برا تحت فيه اسماء بلااخضر
وحده منهم اسمها شمعة الجامعه
دوسي على اسمها بتدخلين على ملفها بتلاقين على اليمين اسمها وتحته كلمه (ارسال رساله
دوسي عليها واختاري رساله اكادميه
بيفتحلك مربع الرسله اكتبي فيها كل شيئ واكتبي عنونها وانزلي تحت شويه بتلاقي كلمه اعتمج الرساله
وبيكون تم

[ازدهار عدنان]

مساءكم سعادة
اعذروني انشغلت و ما دخلت المنتدى أول ما وصلت من الجامعة المهم يا حبيباتي رحت أنا و ياسمين و الرئيسة كان عندها اجتماع خارج الجامعة بس قدمنا الخطاب للسكرتارية وحطينا أرقام جوالتنا و قالت حتعطيها الأوراق وهي حتحدد موعد لنا عشان نقابلها و قلنا للسكرتيرة قولي لها إن هذا العدد أقل من العدد الفعلي للراغبات في الترم الصيفي لأن في بنات كانوا خائفين يعطونا أرقامهم بس إذا فتح التسجيل حيسجلوا و ترى عدد اللي مايبغوا يعطونا أرقامهم مو قليل يعني عندنا فرصة نزيد العدد لحد ما تكلمنا سكرتيرة الدكتورة شذى و إن شاء يفتحوا لأنهم قالوا لي لما كنت أسأل في البداية لو العدد مناسب حيفتحوا
وسلامتكم

[فراشة شتاء]

ياااااااااااارب يفتحو لنا المفروض اصلا يكون ترم عادي زيه زي اي ترم زي بقية جامعات العالم
مو زهق كده الله يعين

[أبان]

الله كريم مايخيب ظن عبادة. لا تنسو اهم شي الدعاء . بدعاء اغرق الله فرعون وبدعاء نجى الله ابراهيم وبدعاء حفظ الله الحبيب المصطفى في غار حراء من كفار قريش. واقول لكم بدعاء بأذن الله سيفتح الله لنا ترم صيفي مع اخذ الاسباب.طرقنا جميع الابواب ونسينا الباب الذي لا يفلق ابدا. اظن انكم عرفتموه. أذكر نفسي اولاً ثم اذكركم.
وفالكم النجاح والتوفيق يارب.

[ام حمادة]

جاري الارسال