متابعة رصد درجات الطلاب للفصل الدراسي الثاني 1434هـ

[البيك حراااق]

وين اخونا قود مان ياليت يجي يشوف حل الناس كلها راسبه وش السالفه الله يستر

والله خوفتوني جداً من المواد المتبقيه لي

[عالم نفس]

ودي أتأكد كم عدد الطلاب اللي ماخذين رسوب f في المهني .. لعل ما حصل خطأ تقني في الرصد مثل علم النفس التجريبي وتم إعادة الرصد من جديد .. كذلك اذا فيه أحد من جدة يكلم لنا الدكتور خالد مطحنة ويكفينا شر السفر والتعب و يساعدنا ويسوي فينا خير ويسهل على زملاءه الطلاب.

والله لو أني مو متأكد أو غير مذاكر خصوصا من الكتاب لما تكلمت .. لكن أنا لا أخرج من الإختبار الا وأنا عارف أخطائي .. لذلك أريد التواصل مع الدكتور لإعادة رصد الدرجة والتأكد لا أكثر

[عبودي القرني]

السلام عليكم ورحمة الله وبركاتهشباب يعطيكم العافيه ابي ايميل الاستاذ حسن الشهري مادة علم النفس التربوي لانه معطيني f وانا حليت ابي اراسله تكفون عطوني ايميله مقهورمررره لاني حليت ومعطيني f

[الله يوفق لي]

السلام عليكم ورحمة الله وبركاته

مبروك للي عدو ومعوضين خير الي ما عدو الاجتهاد اكثر من قبل
والهمه لاتنزل ....

ابي اعرف الدكتور خالد القيلوبي
وش يسوي باوراق علم الاجتماعي
لها اكثرمن 10 ايام بينما الفروق الفرديه بيومين نزلها هذا مو معقول
ليكون يصحح يدوي وفقره فقره

الله يهديه بس اقلقنا

[سقراط الغريب]

عالم نفس

ان شاء الله تزين أوضاعنا ربك كريم
نبقى متفائلين بتعديل الدرجة ، بكرة إذا ما استجد شي مضطر أغادر إلى جدة إذا ما حصلنا أحد من الزملاء ينوب عنا بالرغم من صعوبة وضعي كوني عسكري لكن بغامر والله يسهل الحال

[حمام السلام]

المشاركة الأصلية كتبت بواسطة سقراط الغريب عالم نفس ان شاء الله تزين أوضاعنا ربك كريم نبقى متفائلين بتعديل الدرجة ، بكرة إذا ما استجد شي مضطر أغادر إلى جدة إذا ما حصلنا أحد من الزملاء ينوب عنا بالرغم من صعوبة وضعي كوني عسكري لكن بغامر والله يسهل الحال

هلا اخوي سقراط وهذا رقم الدكتور السيد خالد 0504666769
بتوفيق يارب

[سقراط الغريب]

^
^

يعطيك العافية عزيزي حمام السلام ..

ولا رحلة متوفرة على جدة في جميع الايام , الاثنين , الثلاثاء , الاربعاء ..!

لا على الخطوط السعودية ولا على ناس ..


اللهم ربي لك الحمد على ما اعطيت ..

[عالم نفس]

المشاركة الأصلية كتبت بواسطة سقراط الغريب ^ ^ يعطيك العافية عزيزي حمام السلام .. ولا رحلة متوفرة على جدة في جميع الايام , الاثنين , الثلاثاء , الاربعاء ..! لا على الخطوط السعودية ولا على ناس .. اللهم ربي لك الحمد على ما اعطيت ..

أنا أرسلت للدكتور رسالة نصية .. وبكرة بتواصل معه على جواله وإن شاء الله يرد .. وإذا ربي يسر بحاول أكون في جدة السبت أو الأحد عشان أتواصل معه شخصيا .. إذا وصلت جدة لا أستطيع أن أبقى فيها أكثر من يوم لظروف العمل وأتمنى إنها تسعفني في شرح مشكلة نتائج الرسوب لأكثر من طالب للدكتور وإن شاءالله أحصل تجاوب


ياليت إذا أحد يتكفل بحصر المتضررين من هالمادة " جدياً ". فيه أشخاص حصلوا على نتيجة رسوب وهم بالفعل لم يذاكروا من الكتاب أو اعتمدوا على الملخص وكانت مذاكرتهم بسيطة وهؤلاء نسبة رسوبهم متوقعة ..

أخيرا ً .. لو فيه أحد من الزملاء من طلاب جدة يتكفل بمقابلة الدكتور وشرح له هالأمر وإعطاءه أسماء الطلاب وأرقامهم الجامعية لمراجعة الرصد والتأكد فالله يجزاه خير ..

[سقراط الغريب]

المشاركة الأصلية كتبت بواسطة عالم نفس أنا أرسلت للدكتور رسالة نصية .. وبكرة بتواصل معه على جواله وإن شاء الله يرد .. وإذا ربي يسر بحاول أكون في جدة السبت أو الأحد عشان أتواصل معه شخصيا .. إذا وصلت جدة لا أستطيع أن أبقى فيها أكثر من يوم لظروف العمل وأتمنى إنها تسعفني في شرح مشكلة نتائج الرسوب لأكثر من طالب للدكتور وإن شاءالله أحصل تجاوب ياليت إذا أحد يتكفل بحصر المتضررين من هالمادة " جدياً ". فيه أشخاص حصلوا على نتيجة رسوب وهم بالفعل لم يذاكروا من الكتاب أو اعتمدوا على الملخص وكانت مذاكرتهم بسيطة وهؤلاء نسبة رسوبهم متوقعة .. أخيرا ً .. لو فيه أحد من الزملاء من طلاب جدة يتكفل بمقابلة الدكتور وشرح له هالأمر وإعطاءه أسماء الطلاب وأرقامهم الجامعية لمراجعة الرصد والتأكد فالله يجزاه خير ..

الله يبارك في جهودك ..

كتبت موضوع الآن في القسم لمن أخذ f في مادة المهني الدخول وكتابة ذلك لحصر العدد ..

أنا ايضاً راسلت الدكتور برسالة نصيه على جواله وغداً سأتصل عليه وأي علم جديد راح نشعر بعض

وان شاء الله خير ..

[عماد آل نصير]

مبروك نزول درجات الشخصية

وشكرا