سجل توقيعك للمطالبة بإلغاء السنة التحضيرية

[بدرناصر]

الله يوفق الجميع



والظاهر لا حياة لمن تنادي

[الـمـقـاول]

اخوي سياسي يزيدي انت تقول جامعة الامام تقصد الانتساب المطور ولا الانتساب العادي .. اذا تقصد الانتساب المطور فلازم تحضر دوره تاهييليه لمدة ست شهور لما تعديها يقبلونك بالانتساب المطور ان ماعديتها ماراح يقبلونك ( يعني زي الدوره المكثفه )

اما الانتساب العادي فتخصصاتها لغه عربيه والباقي شريعه واصول دين وفقه فقط يعني مافيها لا انقليزي ولا اداره واقتصاد ولا لو فيها كان وش يخلينا نروح جده و نبعد بعيد و جامعة الامام جنب بيتنا بس زي ماقلت تخصصات الانتساب مافيها لااقتصاد واداره ولا انقليزي !

[abdullah66zz]

بالنسبه للسنه التحضيريه !!
فيها تعقيد في بعض الامور مثل اللي تفضلو الاخوان قبلي يعني واحد ااخره مره يتعامل مع القوانين والمعادلات قبل اكثر من خمس سنوات على الاقل باول ثانوي بس اشوف ان فيها فايده بعض الشي الحين المواد اللي في السنه التحضيريه مواد عامه وكلها رمزها 101 سواء انجليزي او رياضيات او حاسب او اللي يكون يعني انا درسة قبل هالجامعه ثلاث مرات ومرت علي نفس المواد بكلية الاتصالات بجده والكليه التقنيه يعني مو مواد تخصصيه وهالمواد تعتبر كل ماده منها تعكس صورة القسم اللي ناوي تتخصص فيه يعني لو باختار قسم اداره اعمال اكيد بتجي مادة الاحصاء ومكثفه بعد ونفس الشي لو بختار انجليزي او علم نفس وتلاحظون ان المواد متنوعه يعني كل قسم له ماده تعرف فيه وكذا يقدر الواحد يحدد تخصصه بعد ما يفهمه ومن الغلط ان الواحد يتخصص وهو ما يعرف المواد اللي يبدرسها بنفس التخصص

[aseel88888]

بارك الله فيكم جميعا

وبدأت المسيرة المباركة .. الرجاء منكم يا أخوان أرسال : فاكسات ، ايميلات ، برقيات ، للمطالبة بالغاء السنة

التحضيرية أو المواد العلمية( رياضيات ، أحصاء ، تحليل كمي )

بلغوا الصحف الالكترونية : صحيفة سبق الالكترونية ،

وهذا رابطها http://www.sabq.cc/index.html

وصحيفة الوئام الالكترونية و هذا رابطها

http://www.alweeam.com/news/mailbox.php?action=newmail

ومفاد الرسالة كل واحد يقول (( طلاب الانتساب يتقدمون بشكوى جماعية لمدير جامعة الملك عبدالعزيز بخصوص

الغاء السنة التحضيرية ))وكل واحد يعبر باسلوبه وبسرعة وكما تعلمون الصحيفتين اذا ماجاهم عدد

شكاوى كثيرة من الطلاب ماراح يهتمون بالخبر .. لذلك نحتاج شيئين ..

1- أكبر عدد من الطلاب والطالبات

2- السرعة في الارسالية

وبالله التوفيق وعليه الإتكال

[الشامخ بدينه]

السلام عليكم اولا احب اوضح شي مهم الا وهو ان التعليم هنا في السعودية تلقين فقط لا يوجد هناك شي يسمى تطبيق
ثانيا الاخ الذي يقول التخصص من اول سنة كلامك صحيح ولكن من رايي انه يختبر في هذه المواد التي يرغبها
ثم يحدد ايصلح لذلك ام لاوشكرا لكم

[أبيض القلب]

فكونا يا ادارة الجامعه من السنه التحضيريه
مصاريف و غيره مالها داعي وتضييع وقت
حنا بني شهاده جامعيه نحسن اوضاعنا بس

[السقياني]

الى الاخوة المسوليين في الجامعة الموقره فان كلام الطلاب المنتسبين صحيح فهذا السنة التحضيرية تشتيت لهم والافكارهم ولو ان طالب فشل في السنة التحضيرية لانسحب من الدراسة ولو انة اتجة لتخصصة الذي يرغب فية لاستمر وتفوق واجتهد
لذا ارجو من المسوليئن العطف على الطلبة والالغاء هذة الفكرة وباللة التوفيق

[aseel88888]

أخواني الطلاب و الطالبات .. لا تنسوا الدخول الى الروابط التابعة للصحف ..

للإدلاء برفضكم .. للسنة التحضيرية .. حتى تكون هناك نسبة كبيرة من الأصوات

خصوصا .. إن أعداد المنتسبين كثير .. و لذا لا بد أن نكون صوتا واحدا ..

ويدا متعاونة للوصول إلى غايتنا السامية و النجاح إن شاء الله ..

[~* أخت أخـــوي *~]

بصراحه انا علمي ,, ودارسه ترم رياضيات بالكليه
وآخذه مدرسه خصوصيه بالإحصاااء والتحليل ,, وفهمتهم الحمدلله :)
ومع ذلك مصدووووووووووووووووومه للآخر من أسئلتهم :(
يعني اقل شي توقعت مستوى الاسئله يتنآآسب مع وقتهم العقيم!!
بالله كيف احل 13 صفحه في ساعه ونص ؟؟؟؟؟؟
الي اعرفه انه من عمر الدنيا من المتوسط وفترة الرياضيات 3 ساعات << ع الأقل يمديني أمخمخ ع المسأله وأطقطق بالحآسبه >>مو كذا أحل وانا ع أعصاااابي أشووف الساعه اكثر من الورقه :(
بإختصـــــآآآآر: ==>(( الوقت ضيق مرررره والاسئله وسيــــعه)))
ماأقووول الا: الله لايخيب الرجاء ولا يضيع التعب ...

[~* أخت أخـــوي *~]

أؤيــــــــــــــد ماقالته أختي أسيـــــل ....
شدوا الهمّه >> إن الله مع الجمآعه :)