جو الجامعه العام .. (طلاب الجامعه ,, تعالوا طمنونا)

[سُكر محروق]

المشاركة الأصلية كتبت بواسطة mzat kau اهلين ياحلوين الماث اللي بتكلم عليه هوا حقت التخصصات العلميه والله للاسف الاداري مادري عنو وبعدين بالنسبه للانجليش قرامر ريدنق رايتنق لسننق وسبيكنق<<اخر اتنين مجموعين في كتاب واحد وفي كتاب اسمو إي أي بي << البنات كلهم اخدو وخلصو ونجحو فيه وهما مهم عارفين عن ايش بيتكلم خخخخخخخخخخ مرة كتاب غبي وتحسي مو عارف ايش يبغى هادا الترم الاول الترم التاني اعطونا كتاب بدالو اسمو فوكابلري <<< كتاب مرة حلو ويعلمك كلمات مرة حلوة يعني بالعربي مفيد بس الانجليش عموما مرة لاتخافو منو سهل ان شا الله تقريبا زي الثنوي بس انو قلك يعاملوكم ع انكم كبار سو بس هوا دا ولا هوا نفسو

الحمدلله انو زي الثانوي مع إنو حتى حق الثانوي صعب < مدري ايش تبى

بس اهم شي يعني يكون التعليم كويس ..لإنو كل المشكلة في التعليم التعبان حق المدرسة..

ان شاء الله تعليم الجامعة مختلف

[wan]

المشاركة الأصلية كتبت بواسطة سُكر محروق wan أوف مسار واحد بس ؟ حتى الإذاعة والتلفزيون أتوقعت في بما إنو المتعارف عليه أهل جدة منفتحين. أم القرى عندهم مسارين صحافة + علاقات عامة ، وأنا على بالي جدة كل المسارات متوفرة . وكنت أفكر لو غيرت رأيي في الصحافة أشوف الإعلان بس خسارة عليهم ههه! عموماً ترا الصحافة حلوة أنا زيك حابتها عشان عندي ميول في متابعة الأخبار والقراءة..بس لاتقولي عشان معدلك خايس هههه يعني كدا زي لما يقولو الأدبي مايدخلوه غير الكسلانين ..قصدي قولي بدخلو عشان احبو < اش دخلك انتي ههههه طيب لوفرضاً معدلك عالي ايش في شي تاني حابة تدخليه.. ويب يب فهمتك عليكي على حكاية المستويات ^_^ < هرجها كتير

هههههههههههه انا الصراحه كدا ولا كدا ابغا اعلام .. بس يعني لو شي تاني ممكن علم نفس
بس الله يستر بنستنى احنا نص رمضان وقت نتايج التسكين و التخصص

و مسارات الإعلام هما كل ما كلمناهم قالو لسه القسم جديييد .. الله يعين

[سُكر محروق]

أطفال.

بالنسبة ليا أشوف أحلى شي في كلية الآداب والعلوم الإنسانية : الإعلام

[سُكر محروق]

المشاركة الأصلية كتبت بواسطة wan هههههههههههه انا الصراحه كدا ولا كدا ابغا اعلام .. بس يعني لو شي تاني ممكن علم نفس بس الله يستر بنستنى احنا نص رمضان وقت نتايج التسكين و التخصص و مسارات الإعلام هما كل ما كلمناهم قالو لسه القسم جديييد .. الله يعين

علم النفس حلو كمان ..بس وظايفو احسها معدمة

[wan]

المشاركة الأصلية كتبت بواسطة سُكر محروق علم النفس حلو كمان ..بس وظايفو احسها معدمة

بالعكس ..

شوفي لحد يقولك دا القسم مافيه وظايف و دا القسم مدري ايش

الوضع دحين اتغير ساير في اشياء كتير للمراءهـ و شي تاني كتيير شركات صارت تقولك معاكي بكالوريس ( أي تخصص ) + اللغه و الحاسب طبعاً ؟ تعالي
ما سارو يشترطو تخصص معين

ملحوظه : بعض الشركات مو كلها .

[سُكر محروق]

مممم wan طيب لودخلتي علم نفس ايش ممكن تشتغلي؟

طبيبة نفسية ؟


دا القسم يبالو واحد مزاجو صافي وماعندو مشاكل أسرية هههه عشان لو اتوظف يكون متهيء نفسياً..

بس ايش في غير طبيبة نفسية؟

[wan]

المشاركة الأصلية كتبت بواسطة سُكر محروق مممم wan طيب لودخلتي علم نفس ايش ممكن تشتغلي؟ طبيبة نفسية ؟ دا القسم يبالو واحد مزاجو صافي وماعندو مشاكل أسرية هههه عشان لو اتوظف يكون متهيء نفسياً.. بس ايش في غير طبيبة نفسية؟

مو شرط يبغالو شخص بالو صافي
يمكن انتي تكوني عندك مشكله لمن تدرسي علم نفس تتعلمي عنها و تدرسي و ممكن تعرفي تتعاملي معاها أحسن من قبل .. كفايه من القسم دا إنك انتي رح تستفيدي في حياتك الواقعيه اشياء كتير

و ادا ع الوظيفه ياستي ربك يجيب المطر زي ما قلتي غير اخصائيه نفسيه
في مرشده طلابيه و وو و و ما اتعمقت كتير في القسم :s

[سُكر محروق]

على قولك بس مدري ليش احسو يضيّق الخلق ، يعني ماينفع إلا كإطلاع لكن كشغلة أمارسها مرة لأ هههه
يعني الواحد تكفيه مشاكلو ويروح يدخل في مشاكل الناس عشان كدا قلت يبالها واحد بالو صافي ويحب الحياة والناس ، ويستمتع بحل المشكلات .هههههه

[wan]

ههههههههه

أعرف بنات في علم نفس يقولو كنا نسمع زمان حقون علم النفس يجيو مهلوسين و في خلل في مخهم بس ما كنا نصدق
بس دحين بعد ما درسنا و شفنا الدكاتره صدقنا و نبصم بالعشره ههههههههههههه
و بالفعل انا اللي درستني علم نفس في الثانوي مآ كنت احسها طبيعيه ههههههه استغفر الله العظيم

ياويلي لا يجوني بنات علم النفس يخشو في عيني دحين لوول

[سُكر محروق]

هههههه لوووووول..عسى ماتكوني في نفس ثانويتي انتي؟
حتى الي درستني كان مزاجها صعب وغريب وتفهمني غلط..

بس أنا في رأيي مايدخلوه إلا الأقوياء نفسياً ومزاجهم كدا رايق وعال العال