كل ما يتعلق بـــ (نظم المعلومات الإدارية) تجدونه هنـااا ..حياكم الله..

[روحي لها جنحان...]

المشاركة الأصلية كتبت بواسطة قوربتشوف طبعا الشهاده صارت ماتنفع دون دورات ايش تنصحي ناخد دورات تكون مرتبطه بتخصص وكمان حابب اسالك هل دكتور هشام كتوعه شرحو ممتاز ولا مشي حالك وكمان حابب اسالك بما انك اخدتى عندوماده نظم المعلومات هل هو من النوع الى بيطلع عيونك بدرجات ولا تقدر تاخد a عندو وانتا مرتاح واي دكتور تنصحي ناخد ماده نظم المعلومات عندو واذا تسمحى تعطينا فكره مبسطه عن الماده واين تكمن صعوبتها حنتعبك

أي دورة في مجال الإدارة او الحاسب اكيد راح تفييييييدك كثييييييير

بالنسبة لـ د. هشام يدرس مادة تحليل وتصميم وهوا محتكر المادة في اغلب السنوات طبعا يقول افهموا معايا بس انت اعتمد على كاتبه نظم المعلومات اللي هوا مألفه اغلب الاسئلة منه وبرضو في اسئلة بالمنتدى راح تلقاها تتكرر دااايما بنفس الصيغة (نسخ لصق)
هوا يطلب حالة عليها 20 درجة لازم تكون مميزة ومتعوب عليها و تقدر تآخذ a بإذن الله
المادة مثل ما قلت لك كانت صعوبتها في الحالة العملية اللي ندرسها ونطبق عليها كل النظريات اللي درسناها

ماعندي خلفية عن دكاترة كويسين آخرين ...

بالتوووووفيق ياااااااارب ..

[rose-jeddah]

روحي لها جنحان الله يجزاك كل خير

ابغي اسالك


انا اخذت المادة مع أ. سحر أمين عبارة عن تدريب لمدة 60 ساعة وتعملي (تقرير) بس لازم يكون شيء مبتكر وتشتغلي برنامج او اي شيء بالكمبيوتر يعني تطبقيه عملي هذا إذا تبغي تآخذي a+

كيف اشتغل علي برنامج

وانا سمعت شي بليز صححي معلوماتي
انا وحده قالت لي في التدريب لازم تدورين مشكله في نظام المكان اللي تشتغلي فيه وتحليها

سوال كمان
لازم بحثي عن موضوع كان في نفس مكان التدريب
مره شايله هم مكان التدريب وكيف اسوي بحث <<<<الله يعين

[روحي لها جنحان...]

المشاركة الأصلية كتبت بواسطة rose-jeddah روحي لها جنحان الله يجزاك كل خير ابغي اسالك انا اخذت المادة مع أ. سحر أمين عبارة عن تدريب لمدة 60 ساعة وتعملي (تقرير) بس لازم يكون شيء مبتكر وتشتغلي برنامج او اي شيء بالكمبيوتر يعني تطبقيه عملي هذا إذا تبغي تآخذي a+ كيف اشتغل علي برنامج وانا سمعت شي بليز صححي معلوماتي انا وحده قالت لي في التدريب لازم تدورين مشكله في نظام المكان اللي تشتغلي فيه وتحليها طبعا كلامك صح هو هذا فكرة التقرير انك تآخذي مشكلة معينة حصلتيها في مكان تدريبك وتحليلها وتوجدي بدائل وحلول وتختاري الحل الأنسب والأفضل وتدعمي هذا الشيء بأي فكرة عمليه تشتغلي على اكسل او اكسس او فيجوال بيسك او تسوي برنامج مبسط توضحي فيه فكرتك بالبوربوينت سوال كمان لازم بحثي عن موضوع كان في نفس مكان التدريب مره شايله هم مكان التدريب وكيف اسوي بحث <<<<الله يعين المفروض يكون من نفس المكان بس عااااااادي مو لازم ممكن تكون ببالك مشكلة معينة وانتي اجمعي المعلومات واوجدي الحلول من خلال المكان اللي تتدربي فيه , لا تخافي اهم شيء تكون دكتورتك المشرفة متابعه معاك أول بأول عشان ما تجي تقولك (كل شيء غلط) وانتي تتعبي على الفاضي أحسن شيء كل ما خلصتي جزئية أسئليها وارجعيلها بكل شيء عشان تعرف انك مهتمه

بالتووووووووووفيق يااااااااااااااااااارب

[AL-5teera]

ربي يسعدك ياروحي لها جنحان وين ما كنتي اسعفتيني الصراحة

ما ننحرم يارب

[غـنـى]

ي عسل بدي اسالك عن الاختياري انا اخدت اقتصاد دولي و اخلاقيات عمل
وباقيلي وحده اختياري حايسة فيها و ما ابا علوم سياسية و لا نظام سياسي وسعودي اش تنصحي غيرهم ؟؟

و سوال تاني امل تركستاني او سحر امين افضل بالبحث و التدريب ؟؟

وجزاك الله خير ..

[احمد بورا]

المشاركة الأصلية كتبت بواسطة dhm اسمحي اختي ارد عنك مادة بحوث عمليات مادة رائعة انا اخذتها عند استاذة امل تركستاني وكان شرحها جدا راااااائع وتفهم واسألتها حلوة توعا ما لكن ما اعرف انتوا الطلاب كيف الاساتذة عندكم والمادة فهم كلها ومسائل ومو حفظ لغات برمجة اخذتها مع دكتور كمال خوالدي الله يسامحه بس الشرح لك عليه والأسئلة شي مختلف عن المنهج تماماوبالنسبة للمادة مرررررره حللللوة تتكلم عن برنامج الفجوال بيسك وهو سهل ياخذوا ثالث ثانوي قواعد بيانات مادة ممتعة وفهم اغلب المنهج مشاريع صغيرة مااادة سهلة وكلامها معروف وهي حفظ بس نصيحتي جدولك كذا مضغوط بدل غير لغات برمجة مادة حرة او اختياري وبكذا يكون كويس يارب اكون افدتكم

جزاك الله الف خير اختي الغالية
والله يوفقكي في دنيا واخره

[وهقـه]

سؤال كيف مادة نظم معلومات صعبة ولا لا خصوصا ان احنا الدفعة اللي حندرسها بالأنجليزي

واش اشهل نظم معلومات أو مبادئ تسويق أو اساسيات تممويل بلييييز جاوبوني ):

[روحي لها جنحان...]

المشاركة الأصلية كتبت بواسطة غـنـى ي عسل بدي اسالك عن الاختياري انا اخدت اقتصاد دولي و اخلاقيات عمل وباقيلي وحده اختياري حايسة فيها و ما ابا علوم سياسية و لا نظام سياسي وسعودي اش تنصحي غيرهم ؟؟ و سوال تاني امل تركستاني او سحر امين افضل بالبحث و التدريب ؟؟ وجزاك الله خير ..

علوم سياسية اكيد صعبه ، انا اخذت نظام سياسي سعودي مع دكتورة راح اسمها عن بالي للأسف رائعه واسلوب وشرح أظن اسمها امال ..المادة حلوة بس اسئلتها يبغالها تركيز شوي .. عطيني المواد الاختيارية اللي عندك ؟؟

امل تركستاني الكل يمدحها وهيا درستني بحوث عمليات رائعه وما تظلم احد المهم تكوني مهتمة واللي شفته من البنات اللي اخذوا معاه بحث وتدريب انها ما تطلب منهم اشياء تعجيزية وما تلخبطهم لانها فاااااهمه

سحر امين اخذت معاها بحث وتدريب هي طيوبة بس تحسيها مهي فاهمه وتجي في نص الطريق وانتي بتشتغلي في البحث تقولك الفكرة مو عاجبتني يعني هي تضيع الواحد وتطلب برنامج او اي شيء عملي عشان تآخذي a+ بس لاننا كنا وراها ونراجعها الحمدلله عدت المادة بإمتياز وما ظلمتنا ابدا


بالتووووفيق ياااااارب

[روحي لها جنحان...]

المشاركة الأصلية كتبت بواسطة وهقـه سؤال كيف مادة نظم معلومات صعبة ولا لا خصوصا ان احنا الدفعة اللي حندرسها بالأنجليزي واش اشهل نظم معلومات أو مبادئ تسويق أو اساسيات تممويل بلييييز جاوبوني ):

اساسيات تمويل .. ما درستها

مبادئ تسويق .. مادة سهلة بس انا درستها مع د. شذى عزي وطلعت عيوننا طلبت بحث وعرض نقدمه واسئلتها خارجية برا المنهج اغلبها صعبه لكن المنهج كمنهج سهل وما فيه شيء

نظم معلومات .. انا درستها بالانجليزي مع د. شيماء سعيد شرح واسلوب وتشرح عربي انجليزي عشان نفهم المنهج طبعا يبغاله فهم وتركيز واسئلتها متنوعة صعبه وسهله لكن مكررة وتراعي البنات وتحاول تساعدهم

بالتوفيق عزيزتي ..

[AL-5teera]

مين يعرف عن استاذه شيماء موسى نازلى لي معها مادتين ومحتاره اخليها ولا احذفها
تجارة اليكترونيه وادارة قواعد بينات معها اخليها ولا احذفها افضل واخليها الترم الاخير
؟؟؟؟؟؟