صور لفرع الشرفية للإفادة وإن شاء الله تنال إعجابكم,,

[S.Bn]

المشاركة الأصلية كتبت بواسطة prof.maha انا في الشرفيةة والله كنت ممرة خايفة بس الحمدلله طمنتوني =) بس في وححدا قالت ممنوع البناطيل من جد ×_× بلييييز ردوا عليا لانو م عندي تنانير و فالنهايةة شككرا على الصور

ايوا ممنوع في الشرفية

بس في السليمانية مسموح مع بلوزة طويلة

[this is me sa]

جميلة والله


ماتوقعتها كدآ شكرآآ ي حلوة ع الصور ..


آنآ اتقبلت فيها كمآنآ ..

[الله أكـبر]

جددد رائعه
الله يووفق الي بيدرسون فيهآآآ ياارب

[almalak small]

كيف النظام في دي الكلية ..
تغيرت ولا زي ماهيا ؟
يسمحون بجوالات الكاميرا ؟؟

[AoDi]

على حطت أيد الدفعات اللي قبل ..

و ما في شئ ممنوع .."غير الاسترتش"

بس المهم تضبطي جدولك من بدري مع استاذات كويسين


فاتن ..أحصاء

عائشة المباركي.. كيمياء


دول الافضل بالنسبة ليا

بالتوفيق

الودع للشرفية

[almalak small]

يعطيكي العافية حبيبي
طيب بالنسبة للجوالات ؟؟
طيب الاحياء و الفيزيا و الرياضيات و الانقلش ترشحون لي مين ؟؟

[د/ندى]

الله ااياممم
نفسي والله اكممل فيهاا مابا اروح السلمانية
ممرا راحهه يختي مافي مشي ولا في شمس تلطلع اهلكك
انا اول م انقبلت فيهاا كنت م اباها كنت احسبها زي المدرسهه بسس طلعت جميلهه
وانبسطتت فيهاا

[AoDi]

المشاركة الأصلية كتبت بواسطة almalak small يعطيكي العافية حبيبي طيب بالنسبة للجوالات ؟؟ طيب الاحياء و الفيزيا و الرياضيات و الانقلش ترشحون لي مين ؟؟

الجوالات .. بكاميرا او من دون مسموحة ..

بس اللاب توبات ممنوعة الا بإذن من الادارة

الرياضيات عواطف

و

اافيزياء ليلى جعبور

بس في استاذات تانيات كويسين البنات ان شاء الله يفيدوكي

بس ذول التوب

الانجليزي .. ذاكر قبل تحديد المستوى و افتكي .. أنا ذاكرت رحت للمستوى الرابع.. مع انو مستواي مو مررة

بالتوفيق

[د/ندى]

المشاركة الأصلية كتبت بواسطة almalak small يعطيكي العافية حبيبي طيب بالنسبة للجوالات ؟؟ طيب الاحياء و الفيزيا و الرياضيات و الانقلش ترشحون لي مين ؟؟

الجولات عادي تدخلي الجوال اللي تبيه
حتى اللبسسس البنطلون عادي
بس الليقنز ممنوع
نهاية الترم صصارو م يدققو ع الليقنز ويمشو

[بنت عز ما تنهز..]

السلام عليكم ورحمة الله وبركاته

اولا..الف مبروك لكم القبول في جامعة الملك عبدالعزيز وعقبال قبولكم في التخصصات اللي تبغوها بعد التحضيرية


حبيت ارد على كم سؤال فوق بحكم اني درست الترم اللي راح في الشرفية


وبصراحة كانت ايام جدا جميلة
ودكتورات واستاذات الشرفية قمة في الذوق


نجي نجاوب على الاسئلة

-لبس البناطيل في الشرفية مسموح زينا زي طالبات السلمانية ومو لازم البلوزة تكون مرة طويلة..بس المهم ما يكون البنطلون استرتش لانه ممنوع


-وجوالات الكاميرا مسموحة زينا زي طالبات السلمانية..بس ممنوع التصوير داخل الكلية


وحابة اقولكم كمان على الدكتورات
مافي فرق بين دكتورات السلمانية ودكتورات الشرفية..وكل مادة لها منسقتين منسقة في السلمانية ومنسقة في الشرفية

المنسقة>>هيا الدكتورة اللي تضع اسئلة الاختبارات

وفي دكتورات جدا كويسات في الشرفية
الاحياء:-انا كانت دكتورتي هيا منسقة المادة دكتورة فريال
انسانة قمة في الذوق والاخلاق والطيبة ما شاء الله عليها..وبصراحة الاحياء يعتمد على الحفظ اكثر شيء بس بحكم اني ما احب الحفظ كانت الفديوهات اللي تشغلها دكتورة فريال تساعدني في الحفظ وهيا حببتني في الاحياء

الكيمياء:-كنت احضر عند دكتورة عائشة المباركي
انسانة قمة في الذوق وشرحهها روعة ما شاء الله ومحاضرات السكاشن حقتها مرة مرة مرة مهمة
لان بتقول فيها الاخطاء اللي دائم يقعوا فيها البنات عشان ننتبه وما نخطئ نفس خطأهم
وكمان يقولوا دكتورة ريما مرة كويسة


الاحصاء:-كنت احضر عند استاذة هديل الرويثي
كانت جدا رائعة وتوصل الفكرة تمام..والاحصاء مادة جدا مهم التركيز وفهم كل فكرة في المحاضرة
وكانت محاضرات السكاشن حقتها مهمة+الورك شيت حقها جدا مهم
وكمان يقولوا منسقة المادة دكتورة فاتن جدا رائعة


طبعا الاسماء اللي فوق ما تعني انو باقي الدكتورات والاستاذات مو كويسات..بالعكس في كثير كويسين بس ما اعرف اسمائهم

اول 3 اسابيع حاولوا تفهموا مع دكتوراتكم الاساسيات واذا ما فهمتوا وقتها احضروا اضافي عند الدكتورة اللي ممكن تفهموا عليها

لان نظام الشرفية ما يسمح للطالبة تنقل من شعبة دكتورتها لشعبة دكتورة ثانية..فكنا نحضر عند دكتورتنا والدكتورة اللي طريقة شرحها تناسبنا "نحضر عند دكتورتنا عشان بيدها كل شيء ولان لو عدد الغيابات زاد عن 7 محاضرات ممكن ينزل للطالبة حرمان من المادة وكدا بينخسف المعدل"

في حالة تبغوا تحضروا اضافي عند دكتورة ثانية احيانا يحتاج تاخذو ورقة من الشؤون التعليمية واحيانا ما يحتاج..على حسب كل دكتورة


ان شاء الله اكون افدتكم عن خطتي خطة ب في الشرفية..واذا عندكم اي سؤال عادي اسألوا وبجاوبكم

وبالتوفيق للجميع