اسئله بخصوص سكن الطلاب

[another1]

هلآبك عزيزي ... ومرحبتين كبآر كبآر (:

أنا سآكن بالسكن ..
بصراحة جداَ جداً مريح .. أنا كنت ساكن الترم الأول مستأجر شقة وغلآ والموية دايماً مخلصه وكهرباء على حسابي والوضع سيئ للأسف .. من يوم جيت السكن إرتحت ..

الغرفة مقاسها حلو مرة وكبيرة تعتبر .. يعني ممكن 4*5 أو شيء زي كذا بالإضافة إلى [ دخلة ] على جوّا !!
فاهمني ؟
يعني الغرفة على شكل حرف L .. الدخلة هذه الزايدة أنا حاط فيها السرير .. وباقي الغرفة مررة واسعة ومريحة ..
الحمآم [ وانتو بكرآمة ] بنفس الغرفة ، لك لحآلك ومقاسه حلو مو ضيق وطيّب بصراحة (:

مشكلتها ان المكيف مكااانه غلط وجاي تحت وبنص الغرفة ..
بالنسبة إنه يسكن أحد معآك .. لازم يكون أحد معاك ، بس أنا مستحيل أسكن مع أحد [ حتى لو كآن أخوية /: ] فعشان كذا عندي أخوية يدرس بنفس الجامعة وسآكن برّا فأخذت إسمه ودفعت عنه .. يعني مسجل عندهم إنه هذه الغرفة فيها أنا وأخوية .. مستحيل يقبلوا يخلوك لحآلك .. وتدفع أكيد عنك وعن إسم الشخص اللي من المفترض إنه يسكن معآك .. يعني شوف لك واحد بالجامعة وأعتقد لازم يكون مو من جدة وروحوا إنتو الإثنين وقولوا إحنا مع بعض ونبغى نفس الغرفة ..
طبعا أعتقد ما عندهم شيء إسمه أنا بروح مع فلان .. يعني لما يجي اسمك وتفضى غرفة يحطوك مكان اللي طلع ، وإحتمال يحطوك مع واحد .. لكن إذا كنت لسه ما عندك غرفة ولا قدمت ولا تدري إيش الهرجة فكلمني عشان أحاول أساعدك .. صاحبي آخر سنة وأعتقد إنه سلّم الغرفة فلو قدرت يصير تجي مكانه وتآخذ غرفته بس لازم تجيب معاك واحد ثاني ..

الموووهم .. طولتها وهي قصيرة (:
بالنسبة إنه مسكون .. يعني مسكون جن !
هوا مباني كثيرة وأنا المبنى اللي أنا فيه مو مسكون ولا شيء .. ولا عمري سمعت احد يقول إنه مسكون .. يعني يآ خوّاف بطل خوف وتعآل !!

بالنسبة لمكان السكن عند كبري الملك عبدالله .. أبرق الرغامة .. خلف شركة dhl والله يعينك على إشارة كبري الملك كل صبآح !!
وهو مو بعيد بس مشكلته الإشارة هذه ..

أما الصور .. فهذه صور لغرفتي صورتها زمان .. ولا تدققوا على القربعة (:
بلآش فضآيح /:

اممم .. حاولت أنزل الصور هنا مآ جات .. مآ أدري كيف الروابط بفلكير !
إدخل على حسابي بفليكر وشوف آخر الصور ..

http://www.flickr.com/photos/another_ahmad

آني كويشنس .. دونت بي شآي

تحآتي لك
أحمد ..