ممكن تستشيروني 😢

[Laam]

السلام عليكم ،

حدخل في الموضوع على طول
انا من وانا صغيره طموحي ادخل طب تخرجت من الثنوي بنسبة 98.96 وكنت ضضااممننه اني بدخل طب دخلت التحضيري وجبت معدل 4.84 وللاسف ما انقبلت طب دخلت تغذية اكلينيكيه وع اساس ارفع معدلي واحول بس برضو نزل معدلي وجبت 4.78
كنت متفائله اني حدخلو واخذت صيفي بس عشان طفش الاجازه وطولها ما كنت احسب انو المعدل يدخل في المفاضلة حقت التحويل والحمدلله جبت معدل 5 واترفع نقطه صار 4.79 ومررراا انبسطت انو زادت امكانية القبول المهم نزلت امس اظن النتايج وطلع انو قبلو اخر شي 4.82 انهررتتت وانقهرت انو املي كلو راح ع الفاضي ..
دحين محتااررهه بين حلين :
الاول : اكمل تغذية (مع اني ما احس اني مبسوطه ومستمتعه فيه)
الثاني : اسحب ملفي من الجامعة وارجع اسجل مرا ثانيه في الجامعه واعيد القدرات والتحصيلي والسنه التحضيريه واشد حيلي اكثر وادخل طب .

صحباتي قالولي الحل الاول وانو عمرك بيروح وانتي تدرسي
واهلي الحل الثاني ويقولو انو مافي شي يستناني والعمر قدامي
اشيروني والله محتاره الله يسعدكم ياارربب ☹☹💔

[picasso]

ما شاء الله
يمكن خيره لك
الحل الثاني لا تفكري فيه
الله يوفقك

[FNS]

مافيه حل إلا انك تكملين في تخصصك وتشوفين نهاية السنة إذا اقتنعتي فيه خلاص كملي، وإذا ما اقتنعتي اسحبي وعيدي التحضيري بدون تردد ومو أول وحدة تسوينها كثير سووها ودخلوا اللي يبون.

[ملك الهوكي]

وعليكم السلام ورحمه الله وبركاته ،

الطب مهنه عظيمه ونبيله .. من رأيي انك تكملي واذا فيه امكانيه تحويل السنه الجايه او بعد ترم تحولي لطب بس حافظي على معدلك
سحب الملف والتقديم من جديد صار لازم قبل لا تقدمي تكوني ساحبه ملفك اقل شي 3 شهور على ما اعتقد فمن رأيي لا تسحبي وتضيعي من عمرك كم سنه الواحد ما يدري فين الخيره
التقديم قفل فجامعه الملك عبد العزيز والقبولات طلعت فما تقدري تقدمي إلا السنه الجايه .
وشوفي يمكن فيه فرز ثاني ،واذا لك رغبه مرررره ادعي ربي واستخيري قبل كل شيء ان ربي يكتبلك الخير. الله يوفقك يارب ويجيب لك اللي تبغيه

الله يوفقك يارب ويجيب لك الخير يارب العالمين .

[Absolutely]

الحين انقضت سنتين تقريباً لك ف الجامعة واذا تفكري تعيدي من جديد بتضيعي السنة الثالثة كمان وذا شي يبغاله تفكير كثير،
اما بالنسبة للطب قدري تروحي العمادة وتسألي عن الطب الموازي اللي هوا بدون مكافأة مدري النسبة الاخيرة تنطبق عليهم او لا،

نصيحتي اذا مستعدة تضحي بسنة كمان وتعيدي ع امل تنقبلي لازم تشدي حيلك طول السنة وتجيبي 5/5 وتاخذي خصوصي يعني تقطعي المنهج بصراحة.
انا كتبت نصيحتي ذي عشان لا تندمي بعدين ع تخصصك الحين وانك ما خطيتي ذي الخطوة لان الطموح بالنسبة ليا كل شي.
والله يوفقك ف اللي تختاريه

[Dr.Ammar]

التغذية الاكلينيكة تخصص جميل وقريب من الطب

واعتقد انه لو خلصتي التغذية واخذتي البكالرويس، تقدري تقدمي على كلية الطب (مسار مخصص) وتدرسي الطب في 4 سنوات فقط

هذا النظام موجود برا وموجود عندنا في جامعة الملك سعود للعلوم الصحية

ابحثي عنه بالتوفيق