ساعدوني بفكره لعلها تنقذني من البطاله راجيه من الله تفريج هم كل من حاول مساعدتي

[أملي في الله كبير]

السلام عليكم ورحمة الله وبركاته

انا خريجة محاسبه من 10 سنوات ولله الحمد والمنه
درست التخصص ب اللغه العربيه ولم نتطرق للغه الانجليزيه ابدا

وهاذا ماظلمني في تخصصي ..كرهت تخصصي قدمت على كل الوزارات والمؤسسات الحكوميه ولم اقبل كرهت كلمة مفاضله قدمت على الماجستير بجامعة الملك عبدالعزيو واول تخرجي على البعثات ولم اقبل لم اقبل لم اقبل اللهم لك الحمد
عملت في تخصصي في شركات ولكن العمل في شركات لم يناسبني
دلوووووني اريد ان ادرس دبلوم يوجهني ويحولني للوظايف التعليميه

ماهو الدبلوم الذي لو درسته استطيع التقديم على الوظايف التعليميه
او الاداريه وماهي شروطه وموعده علما بأن تقديري جيد جدآ ومتخرجه من 10 سنوات ...ارجوووكم ساعدوني ولكم دعوه خالصه

[بسمة جوري]

هو الدبلوم التربوي الي ياخذو يسمح له بالتقديم على الوظائف التعليمية ولكن لااعلم هل تخصص المحاسبة يسمح له بأخذ الدبلوم ولا شوفي شروط القبول في الدبلوم

[SULT2N]

ماعتقد يفيدك الدبلوم التربوي مع المحاسبه

والوظايف علئ تخصصك بالبنوك والشركات والاقسام الماليه في القطاع الحكومي والوزارات كثير

ماشاء لله عمري ما لقيت احد معه هالتخصص وعاطل
لكن اتوقع السبب هو اللغه اللي درستي فيها

كل تخصص الحين بعد توفيق الله مايوظفك الا تكون معك لغه
سواء كان محاسبه او اداره صحيه او اداره اعمال الخ

فشوري عليك يا انك تاخذين دبلوم لغة انجليزيه
او تكملين الماجستير في اي جامعه ثانيه بما ان جامعه المؤسس ما قبلتك ولعلها خيره

[hanan 510]

حاولي تاخذي ماجستير في اي جامعة و اذا نقطة ضعفك اللغة حاولي تقوينها بأي طريقة
حاولي تدعمين سيرتك الذاتية وتخصصك ماشاء الله مطلوب لكن التوفيق من الله سبحانه
مابغى اقولك غير انك تحاولي لا تحطي يدك على خدك وتنتظري
جامعة جدة برامج الماجستير فيها تتطلب الدبلوم التربوي خذي الدبلوم في اي جامعة وسجلي فيها
في النهاية انتي شوفي اللي تحتاجيه و كمليه

الله يوفقك يارب ويوفق كل عاطل وعاطلة

[moo0oon]

وعليكم السلام ورحمة الله وبركاته
أول شي الله يرزقني ويرزقك ويرزق كل العاطلين والعاطلات بالوظايف اللي تسعدنا

أنا أنصحك بأنك تاخذي دبلوم لغة إنجليزية وأمورك تزبط ان شاء الله
إذا ما ساعدتك الظروف لا قدر الله
خذي الدبلوم التربوي
وهذا الدبلوم يفتح لك فرصة تكملي دراسات عليا تربوية
وفي جامعة الملك عبدالعزيز في من ضمن برامج الدراسات العليا التربوية برنامج إدارة تعليمية تربوية
هذا ممكن يحسن فرصتك الوظيفية في التعليم
أو حتى ممكن يوفر لك وظيفة إدارية في إدارة التعليم

[غيم تايه]

المشاركة الأصلية كتبت بواسطة أملي في الله كبير السلام عليكم ورحمة الله وبركاته انا خريجة محاسبه من 10 سنوات ولله الحمد والمنه درست التخصص ب اللغه العربيه ولم نتطرق للغه الانجليزيه ابدا وهاذا ماظلمني في تخصصي ..كرهت تخصصي قدمت على كل الوزارات والمؤسسات الحكوميه ولم اقبل كرهت كلمة مفاضله قدمت على الماجستير بجامعة الملك عبدالعزيو واول تخرجي على البعثات ولم اقبل لم اقبل لم اقبل اللهم لك الحمد عملت في تخصصي في شركات ولكن العمل في شركات لم يناسبني دلوووووني اريد ان ادرس دبلوم يوجهني ويحولني للوظايف التعليميه ماهو الدبلوم الذي لو درسته استطيع التقديم على الوظايف التعليميه او الاداريه وماهي شروطه وموعده علما بأن تقديري جيد جدآ ومتخرجه من 10 سنوات ...ارجوووكم ساعدوني ولكم دعوه خالصه

وعليكم السلام ورحمة الله وبركاته..

ماله علاقة كون دراستك بالعربي ولا الانجليزي لو كنتي مقدمه على الخدمة المدنية اكيد في هذه المدة توظفتي ادارية .. لأنها بتطعيك المرتبة السادسة ولا زيادة ولا نقصان.
للاسف ما تحركتي من بدري ولا المفروض درستي بكالوريوس من ثاني في تخصص ثان او درستي دبلوم مثل التربوي وكملتي دراستك في التخصصات التربوية اللي كانت مطلوبة ذاك الوقت
مثل الارشاد والتوجيه النفسي .. الآن طالبات الموهبة يتعينون محاضرات بدون ما ينظر لمسألة امتداد التخصص ... عندك ايضا دبلوم في جامعة ام القرى اسمه دبلوم دراسات اسلامية
يسمح الآن بإكمال الدراسة عندهم في ماجستير الدراسات الاسلامية .. وفيه حاليا دبلوم جديد عند ام القرى ما اذكر اسمه بالضبط لكن يتعلق بتخريج مدرب يعطي دورات وكذا ..
انصحك تدرسي دبلوم التربية العامة وتكملي في المجالات التربوية .. وما تدري بعد الماستر ممكن تأخذي سنة في اي دولة اروبية دكتوراه ..
وحاليا قدمي على جدارة .. لو ان امورها ما هب ميسرة حيل لكن الله ييسر الأمر ويسهله .


بالتوفيق""

[LOAIII]

وظائف الخدمة المدنية لها شرط أساسي اللي هو اخبار "القدرة المعرفية" ومثل ما يقولون تقييم 1 ، إذا اجتزتي الاختبار المفترض مباشرة يتم تعيينك .

أنا اختبرت وعلى بالي إني اجتزته ويوم بحثت في موقع المركز الوطني للقياس والتقويم اكتشفت إني ما اجتزته ، وطبعاً الطريقة الوحيدة اللي عرفت فيها إني ما اجتزته إنه ما ظهر لي من ضمن الاختبارات المجتازه وضاع من عمري 3 سنين انتظار .

اقتراحي لك :
1- ادرسي دبلوم تربوي عشان تزيدين فرص التوظيف في قطاع التعليم ، بالإضافة إلى زيادة نقاط المفاضلة في التعيين وإضافة في السيرة الذاتية .
2- إكمال ماجستير في تخصصات لها امتداد لتخصصك الحالي .
3- دراسة اللغة الإنجليزية في معهة معتمد (أنا الآن مقتنع إن الفرص العظمى والأفضلية في التوظيف لمتقني اللغة الإنجليزية) .
4- دراسة دبلوم الحاسب الآلي أو أحد الدورات المعتمدة واللي محتاجها سوق العمل .

الله يوفقنا وياك ويكتب لنا وللجميع الوظيفة المناسبة ويفرجها من عنده .

[وافي555]

البنوك بتوظف اي تخصص فكيف انتي محاسبه
وماشاء الله خريجات اقتصاد واداره يامكثر الوظايف اللي تطلبهم
انا كنت اداره وانخبطت على مخي وحولت احياء
ومالي الا جداره التعليمي وماعندي استطاعة اروح القرى
الجمد لله على كل حال لعل في الامر خيره

[وافي555]

الان افكر اعيد دراسة البكالوريوس