نداء الى عاشق الفهد

[TheBlueWave]

انا اخوك خريج من دفعتك ولله الحمد والمنه
بس ابا اسألك عن المقابلة الشخصية اللى قالوا راح تكون بالوزارة متى موعدها
الحق علي تكفى اذا عندك خبر
ولك الشكر المقدم

والسلام

[عاشق الفهد]

يابلو والله ذي ماصارت مقابلة الرياجيل شكلهم يبغون يسون لنا تشخيص كامل ... اسمع القصة من طقطق لسلام عليكم

اذا انت قدمت على جدة اكيد ان اسمك طلع عندهم زي كلمت الوزارة وكلت واحد في ادارة تعليم الرياض قالو مافي مشكلة مادام اساميكم طلعت في جدة تقدرون تختبرون هناك هذا بعد مكالمات وروح تعال بين جدة والوزارة قلنا يالله نروح لجدة ونتوكل على الله على حسب كلام الوزارة رحنا لجدة قالو مالكم شي عندنا اختباركم في الوزارة لا وماكفاهم قامو حذفو اسامينا من ادارة تعليم جدة رجعت كلمت الوزارة قالو خلاص استنو لين نخلص من المنتظمين وبعدين نعطيكم المواعيد في موقعكم قلنا خليك معهم لين الباب وامس وانا اتصفح في الجرائد لقيتهم يقولون اختبار قياس للي سو مقابلة شخصية رجعت شغلت الاتصالات من جديد وكلمت الرجال الي في ادارة تعليم الرياض قال بالنسبة لنا المنتسبين الي طلعت اساميهم عندنا كلمنا الوزارة وقالو مافي مشكلة واختبرناهم ورصدنا درجاتهم انتم والله ماندري عنكم لازم تراجعون الوزارة وخطر في بالي المثل الي يقول ( اخلاق حجازية ) وتذكرت ادارة تعليم جدة
المهم مالك في الطويلة ... هذا كله ومالك في الطويلة كلمني واحد من الشباب امس وقال ان شاء الله السبت او الاحد بالكثير راح تجي المواعيد على الجوالات رسائل او يكلمونا انتبه لاتقفل جوالك
اقول وش رايك نكلم المحامي حق الفروقات شوف قضيتنا بالمرة
بالتوفيق اخوي وان شاء الله نتقابل في الوزارة

[TheBlueWave]

الف شكر لك اخوي دائما انت عند حسن الظن فيك
الله يوفقك، الله يوفقك، الله يوفقك.
وإن شاء الله نتقابل هناك ولك مني كل الشكر والعرفان
والسلام

[TheBlueWave]

السلام عليكم
بشرني عاشق احد دق ولا اتصل
ولو سمحت مسموح لنا باختبار القياس او لا
لأني راح اسجل واختبر
والسلام

[عاشق الفهد]

انت قلت لك خلينا نرفع قضية
دق عليهم اليوم واحد من الزملاء وقالو له سجل في القياس واختبر واحنا منسقين معهم بهذا الخصوص وبالنسبة للمقابلة انتظرونا في القريب اهم شي القياس لاتفوته

بالتوفيق ترى المحامي موجود بس يبغا حق الاتعاب وشرط مقدم هههههه

[TheBlueWave]

سجلت في القياس وإن شاء الله اختبر
اما محامي قويه
الدراسه بفلوس والقياس بفلوس والمقابله تبغاها بفلوس ههههههه
الله يوفق الجميع

[TheBlueWave]

اخيرا ارسلت الوزارة رساله الموعد للمقابلة الشخصية

[TheBlueWave]

الموعد يوم الاثنين 9\5وزارة التربيه قاعة الدكتور ادريس الساعة الرابعه مساء
والله يوفق الجميع
وإن شاء الله نتقابل

[عاشق الفهد]

الموعد الثلاثاء 10/5 نفس القاعة مالله كتب تنقابل بس تكفى اخوي بلو اكتب كل مايحصل معك في المقابلة ويستحسن يكون يوم الاثنين في الليل اذا لقيت فرصة
بالتوفيق

[TheBlueWave]

الاخ عاشق الاسألة انجليزي شفوي عن طرق التدريس وكيف تحظر درس
وتحريري اختيارات سهله بس ناسيها
والحاسب قال لي افتح الوورد وصلح جدول من 5اسطر وعمودين وسال عن الهارد وير واسفت وير
والدين عن اركان الايمان وتعريفه والاسلام والاحسان
وقال لو انت تشرح وقام طالب وتلفظ عليك وش بتسوي
واللغه اكتب انشاء وتلألأ
والله يوفقك والحين ابألحق النقل لا يفوتني واعذرني على النسيان