جامعة الملك عبدالعزيز والقرارات المفاجئة !!

[غيم تايه]

المشاركة الأصلية كتبت بواسطة أمالوف السلام عليكم وكما اعتدنا نعود لقصة الكاميرا الخفية و القرارات المفاجئة لجامعه الملك عبدالعزيز !! للأسف قبل التقديم على الدبلوم سألت أكثر من شخص سواء بالمنتدى او بالجامعه نفسها والكل قال انها ( منحة ) , بطبيعة الحال احنه متعودين انه غالبا الكلام يكون غير صحيح واستمريت في السؤال هل الدبلوم منحة ام لا الى اخر لحظة قبل التسجيل وكانت الاجابة : نعم منحة :) ورحت طابقت والحمدلله والابتسامة كانت شاقة وجهي من الاذن اليمين الى الاذن اليسار وظنيت اني ملكت الدنيا من الفرحة لاني من كل قلبي كنت اتمنى هذا الدبلوم وكانت اكبر امنية انه فقط احد يتصل ويقول انقبلتي ... تمت المطابقة وبرضو في وقت المطابقة كانت الامور تمام ومافي اي شي يدل على انه برسوم !! فتحت الاودس واضفت خمس مواد الترم الاول والامور تمام وبدات اقرا اسامي المواد واتحمس مع الايام على اساس بعد شوال نبدأ وكلي أمل وطبعت الجدول وامس بالصباح اصحى على رسالة ( نأمل سداد التكاليف الدراسية الخاصة للفصل الدراسي الأول ) !! والاودس قفل وحذف الجدول وبالسجل الالكتروني مكتوب المدفوعات صفر ! العقل يقول : نظاما اي قرار يطلع يمشي على اللي رح يقدمون بعد القرار , مو يمشي على اللي قدموا قبل القرار ! وهذا شي معروف ومنطقي جدا ’ السؤال هو : ليش ؟ ليش الشغل المفاجئ هذا ؟ ليش وقت التقديم ما قالو لنا انه في احتمالية انه يكون مدفوع عشان ما نتأمل من الاول ونفرح ؟ ليش وقت المطابقة ساكتين ولا جابوا الطاري ؟ ليش ؟ انا مقهورة وربي الحمدلك يا الله على كل حال .

عليكم السلام ورحمة الله وبركاته...

يابنت الحلال وسعي صدرك، ليه القهر وليه التعب؟، كل اللي قالوا لك انه منحه بالفعل كان منحه، وصدر قرار من التعليم العالي بأن تلزم الجامعات المقبولين في برامجها بدفع الرسوم واقتصار
المنح على العلوم التطبيقية، هذا الكلام سمعت فيه قبل رمضان بفترة، لكن مثلك ما توقعت يكون على هذه الدفعة وانا من ضمن من طابق اوراقه، المهم الآن سددي الرسوم ولا تضيعي فرصتك..

موفقه يارب""