شاركنا : ماهي اصعب مادة في السنة التحضيرية

[SoJustMe]

المشاركة الأصلية كتبت بواسطة future me الأحياء والحاسب .. الاحياء لأن كل اختبار محتوى جديد وما تستفيد من القديم ومليانة حفظ والحاسب عشان الاختبار النظري اسئلته عجيبة ... مرة جاب لي صورة وسألني ما هو التبويب الذي تم اخفاءه

ههههه لا فيه حاجة اسمها اظهار المخفي زي الويندوز لما تسوي اخفاء ملفات وفيه بالضبط اي شيء مخفي يطلع

[Mirinoxd]

^
هههههههههههههههههههههههه تحشيش xD
يعني تم اخفاؤه من فين اطلعو :|

[Positive]

اكثر مادة كانت غثيثة وصعبة بالنسبة لي
الرياضيات
مع منسقة المادة رانيا الحربي
مدري صراحة من فين يجيبوا الأسئلة
كرهوني ف الماث :(

[Reem Mohammed~]

أحياء + احصاء

الاحياء اكره جدا جدا ، ومتعب بالمذاكره ، وخسف بمعدلي -_-
والاحصاء صدمني شويه ، اتوقعت اجيب فيه احسن بس مدري اشبها الدرجات مو راضيه تزبط معايا :p

الحمدالله سنه وعدت

[انتِمَآء]

أتذكر أول ما دخلت تحضيري متحمسة لمن جابتلي أختي الكتب وشفتها .. أنفجعت فجعة و اقول هذا كلو كيف بيدخل مخي
وأدخل المحاضرة وانا مفجوعة .. بس بعدين الحمدلله عديت وطلعت سهلة

يمكن الأحياء اللي خلاني أشد بشعري < اني اكره شي اسمو حفظ

.. والكيميا صعب شويتين

[Ebtihal AlGhamdi]

المواد بصفة عامة سلسة وحلوة

بالنسبة ليّا
أسهل المواد : رياضيات وكيمياء وفيزياء
أمتع المواد وأجملهم : أحياء

صراحة كنت أحبهم وأحب محاضراتهم واستمتع وأتشوّق لكل معلومة أتعلّمها عنهم ..
مذاكرة اختباراتهم اذا بتحبهم ابداً ما حتحس بالتعب وحتستمتع وانت بتدرسهم.


أسوأ المواد وأكثرها صعوبة كانت الإحصاء و الاتصال

الإتصال قد تكون أسهل المواد الأدبية لكن المواد الادبية دائما ما كانت تتعبني من دخلت المدرسة
محاضراته ثقيلة عالنفس رغم انو الدكتورة للامانة كانت ممتازة
ومذاكرته اخدت مني مجهود عظيم
والحمدلله انو عدا وباذن الرحمن اخر مادة ادبية تدخل حياتي

الاحصاء كان غلس رغم اني احب الحسابات بس هوا المادة العلمية اللي ما تقبلتها

بس الحمدلله كلهم عدوا بحلوهم ومرهم.. = )

وأخيراً حنتخصص بالتخصص اللي نحبه ونوجّه تفكيرنا عليه
والله يطعم كل واحد بالتخصص اللي يطمح له يارب ^__^

[AoDi]

المشاركة الأصلية كتبت بواسطة ebtihal alghamdi المواد بصفة عامة سلسة وحلوة بالنسبة ليّا أسهل المواد : رياضيات وكيمياء وفيزياء أمتع المواد وأجملهم : أحياء صراحة كنت أحبهم وأحب محاضراتهم واستمتع وأتشوّق لكل معلومة أتعلّمها عنهم .. مذاكرة اختباراتهم اذا بتحبهم ابداً ما حتحس بالتعب وحتستمتع وانت بتدرسهم. أسوأ المواد وأكثرها صعوبة كانت الإحصاء و الاتصال الإتصال قد تكون أسهل المواد الأدبية لكن المواد الادبية دائما ما كانت تتعبني من دخلت المدرسة محاضراته ثقيلة عالنفس رغم انو الدكتورة للامانة كانت ممتازة ومذاكرته اخدت مني مجهود عظيم والحمدلله انو عدا وباذن الرحمن اخر مادة ادبية تدخل حياتي الاحصاء كان غلس رغم اني احب الحسابات بس هوا المادة العلمية اللي ما تقبلتها بس الحمدلله كلهم عدوا بحلوهم ومرهم.. = ) وأخيراً حنتخصص بالتخصص اللي نحبه ونوجّه تفكيرنا عليه والله يطعم كل واحد بالتخصص اللي يطمح له يارب ^__^

أحنا متفقين في كل شئ بالنسبة للمادتين

[لهيب الزهور]

انتوا الحين تسمعوا كلامنا عن المواد وتحسدونا عبالكم اسئلتنا سهلة

والله بجد الأسئلة فيها لف ودوران وكثير رسوب حصل في الاحصاء الترم الأول

وشفنا اسئلتكم للمذاكر يقدر يجيب درجة كويسة بالراحة

هذا غير البونس الفظيع اللي يعطونكم اياه آخر الترم

الفرق مو في مستوى صعوبة الاسئلة ،، الفرق في الدفارة والاجتهاد

على قول ياسمين لعب عيال ،، والله لو تشوفوا البنات كيف بيذاكروا

[وحييييد]

احصاء ونقلش 102

[د/ندى]

الماااث اصعب ممماده ويجيبولك اسئلة مدري كيف كانو يقولك اتحداك تعرف تتححل
والاحصااء اخرج من الاختبار اقول حجيب فل مارك وانصدم بعدين من الدرجهه
احلى مادة ههيا الكككيمياء والاحياء ولو ان الاحياء يبالو حفظ كتير ودسم بس المعلومات سهله
امما باقي الموادد فكانتتت زي العسسل والحمدللله (الحاسب - الاتصال - الفيزياء - الانقلش )

ودي