درستوا خطة ب الترم الأول ؟ تعالوا ساعدوني :)

[Yasmina95]

وهل البونس للرياضيات والفيزياء مثلا اذا أخذت في الميد الاول والتاني 33
مايروح للنهائي؟ يصير عندي بالنهائي 10 بونس ؟

[Somaiah Yousef]

ياسمينا
الاتصال انا سالت المنسقة قالت راح نضيف درجتين للكل
بس اللي صار انه شعب انضافت لهم وشعب لا
ف شكلو مافي بونس

وايوا الاختبار الكتروني كلو
والبونس نفس نظام الاحياء ..يطلع لك للنهائي

[رفّات حُلم]

المشاركة الأصلية كتبت بواسطة فيونكـه ياسمينا الاتصال انا سالت المنسقة قالت راح نضيف درجتين للكل بس اللي صار انه شعب انضافت لهم وشعب لا ف شكلو مافي بونس وايوا الاختبار الكتروني كلو والبونس نفس نظام الاحياء ..يطلع لك للنهائي

أنتِ درستك المنسقة؟
فيُونكه انا درّستني المُنسقة،
وزودوني درجتين انا وكلاسي كله!

[Yasmina95]

المشاركة الأصلية كتبت بواسطة رفّات حُلم أنتِ درستك المنسقة؟ فيُونكه انا درّستني المُنسقة، وزودوني درجتين انا وكلاسي كله!

ايش اسمها المنسقة ؟

أميرة النمر ؟

[رفّات حُلم]

المشاركة الأصلية كتبت بواسطة yasmina95 ايش اسمها المنسقة ؟ أميرة النمر ؟

يبّ يبّ دكتُورة أميرة 😍
الله يسعدها ياربّ، محاضراتها لحالها شي جمييييييييييييل

-

متلًا من رأيك أطبع الكتاب أحسن لي < الكِيميا!
او لو اقدر أقابلك في الجامعة اول يوم وتعطيني الكتاب اصورو وارجعّو لك، لأنو ما عندي احد اعرفو خطة ب!!

[Yasmina95]

المشاركة الأصلية كتبت بواسطة رفّات حُلم يبّ يبّ دكتُورة أميرة 😍 الله يسعدها ياربّ، محاضراتها لحالها شي جمييييييييييييل - متلًا من رأيك أطبع الكتاب أحسن لي < الكِيميا! او لو اقدر أقابلك في الجامعة اول يوم وتعطيني الكتاب اصورو وارجعّو لك، لأنو ما عندي احد اعرفو خطة ب!!

احنا في بنات كانوا معانا بالقروب عالواتساب ما اشتروا الكتاب تصير البنات الي معاهم الكتاب يصوروا التمرين و يرسلوه للبنات
اللي ماعندهم الكتاب ،،،

لمن تذاكري الدرس اول باول مثلا في تمرين بسلايد تضطري تاخذيه من الكتاب
واكيد في بنات من شعبك اشتروا الكتاب ، تجي تاخدي كتابها بنفس المحاضرة تاخدي ده التمرين تكتبيه او تصوريه بجوالي اللي يريحك
وترجعيالبيت وتحليه عادي
ترا كلو مثال واحد بس و 4 تعاريف قالتلنا عنها ليلى نطلعها من الكتاب عشان هيا ما كتبتها معانا في المحاضرة
يعني يمديكي تاخدي كتاب وحدة من شعبتك وتنقلي

بدل ماتنسخي وتضيعي وقت ، وإذا حبيتي النسخ مو مشكلة :)

[Somaiah Yousef]

المشاركة الأصلية كتبت بواسطة رفّات حُلم أنتِ درستك المنسقة؟ فيُونكه انا درّستني المُنسقة، وزودوني درجتين انا وكلاسي كله!

لآ آنآ ماكنت عند المنسقة

بس لما نزلت درجات النصفي وانصدمت بدرجتي رحت اراجع اختباري

وسجلو اسمي عندهم وقالو نكلمك بعدين ,, وسحبو
بعدها بكم يوم رحت عند المنسقة وقلتلها فيه اخطاء ف الاسئلة
قعدت تطمنا وقالت ماعليكم وراح نضيف درجتين لكل البنات

بس للاسف مو كل الشعب انضافت لهم :|

[Yasmina95]

المشاركة الأصلية كتبت بواسطة فيونكـه ياسمينا الاتصال انا سالت المنسقة قالت راح نضيف درجتين للكل بس اللي صار انه شعب انضافت لهم وشعب لا ف شكلو مافي بونس وايوا الاختبار الكتروني كلو والبونس نفس نظام الاحياء ..يطلع لك للنهائي

اممم طيب تتوقعي يعطونا احنا بونس ؟؟


و يا رفات الحلم
بصراحة انا استعرت الكتاب من وحدة
والأفضل انك تستعيريه بما إنو مو مرة حتحتاجيه
حتحتاجيه بس في بعض الأمثلة و كم تعريف معانا بس

[Somaiah Yousef]

المشاركة الأصلية كتبت بواسطة yasmina95 اممم طيب تتوقعي يعطونا احنا بونس ؟؟ و يا رفات الحلم بصراحة انا استعرت الكتاب من وحدة والأفضل انك تستعيريه بما إنو مو مرة حتحتاجيه حتحتاجيه بس في بعض الأمثلة و كم تعريف معانا بس

هو البونس في يد الاستاذة عاد إنتو كلموها وحاولو معاها

وإن شاء الله ماتردكم

[Ranad Ayman]

مواد خطة ب ما احلاها .. :)

انا والله اني زعلانة اني حتركها .. صراحة مواد جدا ممتعة و رائعة على حسب ميولك في العلوم الحيوية والكيميائية .. بينما الاحصاء .. في سؤال كان كثير يخطر في بالنا في الثانوي "ايش حنستفيد من هذه القوانين في حياتنا؟ "
جوابك حتلاقيه من خلال استذكارك .. حتتعلمي كيفية استخدام هذه القوانين في حياتنا العملية اذا اصبحنا موظفين في شركة .. واكرر زي ما قلت على حسب ميولك

بالنسبة لطريقة المذاكرة اخواتنا الي فوق ما قصروا بالتفصيـــــــــل الممل

انا حقولكم كيف تتأقلموا مع الوضع
الفهم جــــــــــــــداً مهم !! حاولي وانتي بتذاكري تربطي الي بتذاكريه بواقع حياتك .. وسعي خيااااااالك
مثل العالم المشهور البرت اينشتاين لولا الله ثم قوة خياله لما توصلنا الى هذا التطور..

استمتعوا بإستذكاركم نظموا وقتكم .. طبعا بالنسبة الي عندهم انجليزي زي حالتي انا بدأت من ليفل 3 .. كان التنظيم صعب .. طبعا نوم بعد الجامعة انسوا
ولا ناموا اذا كنتم مرة تعبانين .. ولمن تقوموا ذاكروا الي اخذتوه في نفس اليوم لكن نصه مو كله عشان تقدري تتركي وقت للتواصل مع المجتمع وهذا شيء مرة مهم لانه يأثر عالنفسية .. الويكند لمن يجي استغلوووووووه فالوقت من ذهب

الي ما كملتوه كملوه
بالنسبة للأمور الصعبة مثل المسائل الموجودة في الكيمياء .. انا حقولكم طريقة .. سارت المسائل زي اللعبة اطل فيها .. الجواب يطق في راسي خلوا ويكند خااااااص للأشياء الصعبة الي زي .. خدوا راحتكم في الصباح برواقة كلل سؤال اقعدوا عليه ساعة المهم توقف وانت بلبل .. اكتشف اخطاءك .. اسهلل الطرقق للحل

وكذلك الموضوع نفسه مع اي شيء تواجهوه صعب .. بس انا اخترت الكيمياء كمثال لأنه الاغلب يقولوا عنه كدا .. بس خدوها زي اللغز وتبغوا تشوفوله حل .

اخيرا .. قووا يقينكم بالله لأنه انتم عارفين انه مصيرنا كلنا بيد الله جل وعلا
قوموا الليل صلولكم الوتر .. طولوا في السجود واطلبوا الفرج من الله ورحمته وعفوه ورضاه والي تبغوه فإن الله مجيب دعوة الداعين .. لمن تخلصوا تلاقوا نفسكم السؤال الي عاكين فيه تعرفوا جوابه كدا مدري كيف هههههههه

الله يوفقكم كلكم .. شيلوا فكرة خطة ب صعــــبة حرام عليكم والله
بس ما تستهونوش هه

"لكل مجتهد نصيب"

بالنسبة للدكاترة عن تجربتي:

1.ليلى الحربي كيمياء

2.حنان الشاذلي أحياء

3.سماح سندي إحصاء

ولكم مني جزيل الشكر ..