درستوا خطة ب الترم الأول ؟ تعالوا ساعدوني :)

[Mirinoxd]

بوسيتيف أول حاجة بقولك ان الخطة حلوه وسهله بس تتعب مررا كتير في المذاكرة
فعشان كدا اقلك لا تسوي غلطتي وذاكري اول بأول
الأحياء/ مادة مرا سهله وانظلمت صراحه لما قالو عنها مقبرة التحضيريه :|
وتسهل زيادة اذا انتي ذاكرتي اول بأول
مافي مصادر تانيه الا من السلايدات وبس ولو تبي تتدربي ممكن تحلي اسئله سابقه او التدريب التفاعلي
بس انا عني استخدمتهم الميد الاول بس وبعد ماشفت طريقه الاسئله مرا مايحتاج الا انك تكوني حافظة وفاهمة السلايدات
بالنسبة للدكتورات مايفرق صراحه بس انا عني ما احب انو يكون نطق الدكتورة ف الانقلش مو كويس لانو مرات اضيع وما اعرف هي تتكلم عن ايش وكلو لانها ماتنطق صح بس اذا شايله شلايداتك معاكي وماشيه معاها نقطة بنقطة حتفهمي باذن الله
الزبدة انو سهل ولا تشيلي هم بس ذاكري بعد كل محاضرة
*ربي يسعدها دكتورة حنان* < منسقه الاحياء


الكيمياء/ آممم دي المادة مو صعبه بس كمان مو مرا سهله
الميد الاول مذاكرتو حتكون متعبه بس الميد الثاني افضل
فيديوهات يوسف زويل + التست بانك + السلايدات حتكفيكي وتزيد
دكتورتي كانت ايمان حجازي، تشرح من قلبي وتحاول توصل المعلومة وتعيد لو مافهمتي وطيبه مرا
ما اعرف عن باقي الدكتورات صراحه

الأحصاء/ مادة سهله كمان مرا، ابلتي في الثانوي لها فضل بعد الله في فهمي للمادة
الميد الأول مرا سهل يعتمد على الحفظ مرا كتير < دا الباب لانو نظري اغلبو ويعتمد على انقليزيتك كتير بنات نقصو فيه
ف حاولي بعد كل محاضرة تسوي ملخص وتفرقي بين المعلومات
الميد التاني هو الي اغلبنا انصدم من درجاتو بسبب باب الاحتمالات
باب الاحتمالات ضروري تفرقي بين صيغ الأسئله
لانها تشبه بعض وتحسي تقدري تحليها بكم طريقه وتكون الأجوبة للطرق كلها موجودة ف الخيارات فتختاري خطأ
بعد كل محاضرة سوي ملخص واكتبي جنبو صيغه السؤال وكيف ممكن يجي
ولا تنسي ان القوانين موجودة ف ورقه تدخلي فيها الاختبار
دكتورتي كانت أريج عبدالعظيم، كويسة وتفهم وطيوبه بس في اللي احسن منها
سماح سندي مرا مرا كويسة
الكتاب + حضور السكشن وانصحك تحضريه مع سماح، انا كنت احضر مع عبير وماكانت تحل بالتفصيل كانت تفهمنا الطريقه بس
عبير جيدة مرا بس سريعه لو سالتيها حتحاول تفهمك بس لانها تحسيها مستعجله وتتكلم سريع سريع تنربشي وماتفهمي
حضرت مرا مع سماح وماشالله زي حصص الرياضيات ف الثانوي تحل كل سؤال ف السبورة بالتفصيل وتفهمك
والاسئله للسنوات الماضيه مرا كويسة وتفيدك حاولي تحلي كتير عشان تتعودي تفرقي بين الأسئله *باب الاحتمالات برضو xD*
ملخصات صراحة ماتحتاجي انا نزلت ملخص السعدي من النت
طبعا قديم وفيه دروس مو داخله معانا بس فادني اكتر شي في الابواب الاولى لانها نظري
بس باقي الابواب صراحه ما استخدمت الملخصات تحتاجي بس تعرفي القانون وخلاص

بالتوفيق ودعواتك 3>
*اذا في اغلاط سلكيلي لانو بكتب من الجوال

[Positive]

اللي فهمته انه الاحصاء هو اصعب مادة
طيب من فين تذاكر غير الكتب فيه تست بانك ؟ فيه ملخصات ؟ وايش أفضل الملخصات
للكيمياء والإحصاء ؟
الأحياء بس من السلايدات ؟ ما في مصدر ثاني ؟؟

[Mirinoxd]

المشاركة الأصلية كتبت بواسطة positive اللي فهمته انه الاحصاء هو اصعب مادة طيب من فين تذاكر غير الكتب فيه تست بانك ؟ فيه ملخصات ؟ وايش أفضل الملخصات للكيمياء والإحصاء ؟ الأحياء بس من السلايدات ؟ ما في مصدر ثاني ؟؟

الأحصاء زي ما قلتلك, الكتاب مررا مهم, حلي الأسئلة الي نهاية الفصل مع انو ما يحلوها معانا (الشابتر كويز) تلاقي حلولها آخر الكتاب آصلاً
اختبارات سابقة عشان تتدربي وتعرفي تفرقي بين صيغ الأسئلة (خصوصا في باب الاحتمالات)
في مواقع الدكتورات هما حاطين 3 نمادج للاختبار الميد الاول والتاني والتالت وتقريبا تجي قريبة منها بس مو مرا
بس احسن شي نزلي غيرها من النت كمان
انا ف النهائي حليت مرا كتير وكنت اغلط في كل اختبار يمكن 2 او 3 غلطات بس دي الغلطات مرا فادتني وخلتني اعرف احترس لأنو منجد الاحصاء زي الثعلب :))
المزاكرة سهله والاختبار يجي كمان سهل بس تنصدمي بالدرجة بسبب حاجات مرا تافهه زي ماقالت وحدة فوق
مثلا عندنا ف الاحصاء شي اسمو ستاندرد وفيرينس الاثنين لهم نفس القانون بس اللهم الفيرينس هو جدر الستاندرد < كتير غلطوا بسبب دا الشي التافه
و دول الاتنين مرتبطين بقوانين ثثانية ومرات ف الاختبار يبدلولك بين الاثنين فتجي انتي تشوفي السؤال وتفتكري طريقتو وتجي تحلي مباشرة بدون ماتنتبهي انها مثلا ما اعطتك الفيرينس هي اعطتك الستاندرد ولازم تحوليه فيرينس او العكس, يعني لازم ف الاختبار تفصلي كل كلمة تفصييل عشان لا تتلخبطي
المهم وعندك دكتورات الشرفية ينزلو وورك شييت مفيد برضو
وازا مرا مرا حسيتي نفسك متلخبطة مممكن تشتري ملخصات
على فكرة باب الاحتمالات دا ف الميد الثاني كنت مرا خايفة منو وما كنت عارفة ازاكرو ومتلخبطة ومع الخوف حسيتو مرا صعب
بعد ما اختبرت وعرفت طريقة الاسئلة وجيت ازاكرو تاني ف النهائي صار من اسهل الأبواب وصرت طوالي أفرق واحل والحمدلله
ف انتي لو كل محاضرة زاكرتي وفرقتي بينهم وزي ماقلتلك تكتبي ملخص لكل نقطة وكيف طريقة الأسئلة حقتها صدقيني ما حيكون عائق
وباقي الأبواب مرا مويا ما ينخاف منها هو باب الاحتمالات بس الي كان يخوف

الأحياء ماتطالعي في شي غير السلايدات وبس وقلتلك لو حابة بس تتأكدي من حفظك وفهمك ممككن تتدربي ف التدريب التفاعلي

ملخصات للكيمياء ما قد استعملت صراحة مع انو ما راح تحتاجي ملخصات لانو مافي شي يخرج من السلايدات والأسئلة حقتها (والتست باننك حق ليلى الحربي) بس اللهم الأرقام تتغير

وبس يا ستي, كل التوفيق يارب ودعواتك
وايوا صح ازا فيه حاجات الأغلب تلخبط فيها ف خطة ألف زي الأحصاء عندنا ف خطة ب ياريت تقولولنا عشان احنا ما نطيح فيها كمان
حرف الدال ابو نقطة مقشوع عندي ف الاب عشان كدا حرف ال ز متكرر كتير سوري

[Somaiah Yousef]

Mirinoxd

اشكرك يعطيك العافية :)

[CRAAAK]

انا من خطة - ب (( طلاب ))

حسب تجربتي بالنسبة للدكاترة أفضل دكتور للإحصاء هو
احمد عطا محمد العم
مافوت له ولا محاضرة لأن محاضراته تستاهل وشرحه راقي ومتمكن جدا من المادة وإيصال الأفكار ^^ ومراجعاته مفيدة بعد

المذاكرة : من السلايدات (( يفيد في الفهم العام والجوانب النظرية )) + حل اسئلة كثير (( اهم شيء ))
--
الأحياء مافي فرق أياً كان الدكتور لأنه بس راح يقرا الشرايح ويتكلم عنه ^^ (( مافي فائدة كبيرة من المحاضرات *)) اهم شيء تذاكر اول بأول
المذاكرة : السلايدات (( كافية لكن تحتاج وقت )) في ناس تذاكر من ملخصات الشعراوي انا ماجربتها لكن الحمد لله اختباراتي كانت تمام مع المذاكرة من السلايدات اول باول خصوصا اختبارات الاحياء ماكانت صعبة
--
الكيمياء للأسف ماتوفقت في الدكتور لكن لو تحل تست بانك كثير وملخصات خارجية افضل من الكتاب نصيحة مني الكتاب خله آخر خياراتك لأنه مليان اخطاء وممكن يكون سبب في اخطاء تخطئ فيها لأنه فعلاً مليييء بالأخطاء
المذاكرة (( الجانب التطبيقي = تست بانك + تست بانك + تست بانك )) و الجانب النظري (( ملخصات + الكتاب"الكتاب فيه اخطاء بالتمارين وطرق الحل ويتبع اسلوب طويل في بعض المسائل القصيرة وأفكاره مختلفة تماما عن الأفكار الي تجي في الإختبارات لذا أشوف ان التمارين من التست بانك افضل )) .
--

هذا وبالتوفيق للجميع

[Dinah]

الأحياء
من السلايدات وبس حفظ وكله انجلش ومذاكرته اول بأول حاولو قد ما تقدروا تختمو الشباترز قبل الاختبار

الكيمياء
السلايدات حقت ليلى الحربي والتست بانك مهمم جداً الله يسعدها دكتورة ليلى قالت لنا باخر محاضرة قبل الفاينل الاختبار كله من التست بانك والحمدلله الاختبار جميل وكنت عندها شرحها جداً كافي ووافي وكانت تشرح لنا على السبورة وتكتب واحنا نكتب وهذا حالنا من بداية الترم

الاحصاء
الكتاب و دفترك حق المحاضرة والسكشن تحضريه عشان تحلو اسئلة كل شابتر وقبل كل اختبار تشوفو النموذج حقه بموقع الدكتورة كنت عند شفياء صح صوتها هاديء لأنها كانت حامل الله يقومها بالسلامة لكن ارتحت معاها ولشرحها

اعترف انو ما تعبت بالكيمياء والاحياء قد ما تعبت بالاحصاء لأنو فيه شابتر كامل عن الاحتمالات وانا ما احبها اساساً :(

نصيحه مني خذوها المذاكره اول بأول توفر وقتكم وما تتعبو قبل الاختبار

موفقين ♡

[CRAAAK]

ملخص الردود
الاحياء = سلايدات
الكيمياء = تست بانك
الإحصاء = مجهول

[AoDi]

دحين خلينا واقعيين

الاحياء مذكرتوا صعبة بس الاختبار سهل"على قد مذاكرتك "

الكيمياء مذكرة و الاختبا حاولي تكوني منفتحة في الخيرات و قربي اذا لزم

الاحصاء مذكرتو سهلة ..بس سبب الاختبارات فيها اغلاط تافهة...

[AoDi]

و علا فكرة ماتحتاج تدرسك استاذة كويسة في مواد زي الاحياء "بس بعض الاستاذات يخلوها ممتعة.."

الكيمياء اي استاذة تشرح المنهج الاساسي تكفي درستني نورباسودان"الشرفية" و ماهي مرة ذاك الزود ...عادية

الاحصاء فاتن كل الطالبات يقولوا شرحها كويس ...بس ما قد حضرت لها ..استاذتي تماضر"الشرفية" كانت كويسة بس ما راح اقارن لأني تقريبا ما اعرف غير

[Positive]

^
مرا شكرًا ي عسل
بالنسبة لخطة أ اكثر مادة نحسة الرياضيات ههههه ما أبغى إخوفك بس صراحة
لازم تنتبهي لها
أنا كنت اذاكر اول ب اول
الاختبار الدوري الاول بس ذاكرت الكتاب وجبت العيييييييد
الاختبار الدوري الثاني الكتاب ملخص جمال السعدي
ونماذج أسئلة سابقة والوورك شوب جبت درجة اعلى من الاختبار الاول بدرجتين
والفاينل كل دا اللي فات
والله يستر من الدرجة :)
كمان استاذتي مررررررا ما تعرف تشرح والله تعبت معاها وأكثر مادة انكرفت فيها
الفيزياء ومهارات الاتصال ججججدا سهلين الحمد لله اعلى درجات ما شاء الله الفيزياء *كل الشعب* < برضو لسى الدرجات ما نزلت
اما الحاسب مررررا لازم تركزي ف المحاضرة وفي الاختبار النظري يختبروك بالأجزاء العملية فلازم تكوني تطبقي ع اللاب
والله يوفقنا ونحقق اهدافنا