استفسار ضروري ارجوا المساعده

[مساعد بن صالح]

السلام عليكم ورحمة الله وبركاته.

يا اخواني واخواتي المنتسبين انا الان طالب بجامعة الملك سعود تخصص اعلام -علاقات عامه
وانا الصراحه ماأميل لتخصصي ابد وحاولت اتأقلم لكن ما قدرت وانا طبعا ميولي ادارة اعمال وعندي كم استفسار واتمنى منكم الاجابة الشافيه لني الصراحة كلمت الجامعه وتعرفون نظام بيروقراطي وماقدرت اخذ علم واستفسارتي هي:

انا اريد التحويل لتخصص ادارة الاعمال عن طريق الانتساب وانا الان بالمستوى الثالث ومعدي بعض المواد مثل السلم والعرب والنجم هل تعادل لي مع العلم اني ابحول تحويل وليس تسجيل جديد؟
هل شهادة الانتساب مضمون مستقبلها ولا زي مايقولون جبر خواطر؟
هل اذا حولت لتخصص ادارة الاعمال تشملني السنة التحضيرية واذا كانت تشملني هل يسجل تخصصي ويكون مضمون حتى لو انخفض معدلي ؟

وشكرا لكم مقدما

[Human resources]

وعليكم السلام ورحمه الله

اخوي انا بجاوبك على سؤال واحد فقط!! وهو استفسارك عن شهاده الانتساب هل مضمون مستقبلها او لا ؟

ما فيه شي اخوي مضمون مستقبله حتى لو كان اصعب التخصصات (طب مثلا ) والدراسه انتضام ... ربما ما يلاقي وضيفه ...هذا يعتمد على توفر الوضايف من عدمها...والضمان عند الله سبحانه !! يمكن انت كنت تقصد هل معترف فيها ؟ نعم الشهاده معترف فيها واكيد بتصديق من وزاره التعليم العالي واصلا جامعه الملك عبدالعزيز لم تعلن بفتح باب الدراسه بالانتساب الا بعد الموافقه من الوزاره ...... وما فيه فرق بينها وبين الانتضام كشهاده علميه الا انه يكتب في وثيقه التخرج كلمه طالب بالانتضام وكلمه طالب بالانتساب ...
واما الفرق في المجال الوضيفي فالملاحض ان شهاده الانتضام مفضله على شهاده الانتساب......يعني لو تقدم انت وطالب اخر منتضم على وضيفه ( شركه مثلا ) راح يفضلونه عليك.................والارزاق بيد الله نتمنى لك التوفيق والسداد......

[مساعد بن صالح]

^
^^
^^^
مشكور اخوي وماقصرت

بس انا احس ان شهادة انتساب ادارة اعمال افضل من انتظام اعلام لأن الاعلام يبغا موهبة مايبغى شهادة وانا ماعندي اي مهوبة اعلاميه لاعلاقات ولاصحافة ولاتلفزيون فأحس انه افظلي ادارة اعمال لأنه طموحي بس المشكة الوقت الفاضي اللي ابعيش فيه هههههههههه

وتكفون ياشباب اللي عنده علم يجاوبن على باقي الاسئله

تحياتي