ماهو مفهوم مصطلح ... مناقشة البحث ؟؟؟ ارجو الأفاده

[ام بتآل ( إن شآء آلله )]

السلام عليكم اخواني اخواتي


دايم اسمع عن مصطلح مناقشة البحث كيف طريقته ؟

يعني كل اللي كتبته اقراه قدام الدكتوره ولا كيف ؟

وهل هو ضروري وعليه درجات ولالا ؟


وهل المناقشه عليها شهادات

[w h i s p e r]

عليكم السلام ..

المناقشه = انك تزاكري البحث وراح تسألك عنو اسئله شفويه عشان تتاكد انك مسويتو وانك فاهمه وعارفه انتي ايش كتبتي ..

وطبعا عليها درجات بس ما اعرف كم والله بس اتوقع مو اكتر من 20 درجه ..

بالتوفيق

[ام بتآل ( إن شآء آلله )]

الله يسعدك طيب هوا ضروري المناقشه

ماينفع اسلمها البحث والسلام

[محلل شخصيات]

وعليكـ السلام ورحمة الله وبركاته
يقصد بمرحلة المناقشة
الوقوف على عدة عوامل منها:
1- سبب اختيارك لهذه المشكلة ومدى فائدتها ؟
2- العينة المستخدمة .
3- تصميم البحث .
4- فروض البحث .
5- التطبيق النظري والميداني .
6- مستوى الدلالة .
وغيرها من النقاط ولكن ماهو أهم أن يكون الباحث ذو شخصية قوية وواثق من نتائج بحثه فلا تصيبه حبسات تعبيرية وعدم دراية بمعلومات بحثه فهذه الأمور تؤثر على صدق الدراسة وبالتالي عدم وجود أمانة علمية .

بالتوفيق ^_^

[w h i s p e r]

المشاركة الأصلية كتبت بواسطة ام بتآل ( إن شآء آلله ) الله يسعدك طيب هوا ضروري المناقشه ماينفع اسلمها البحث والسلام

ماشاءالله اخويا محلل شخصيات فسرلك بالزبط ايش يعني يسير تركزي على دي النقاط ..

لو ماحضرتي راح تنقصي ولكن انتي مع مين ؟

انا مع د / مريم و ماعندنا مناقشه

فلو كنتي معاها مو لازم تجي هيا قالت لكن لو مع غيرها الله يعينك

[ماتنوصف]

الله يعينني انا ماخذته مع مجده الكشكي و خايفه مره من المناقشه احسها مره ماتساعد

[أصداء القدر]

ياربي انا ظروفي صعبة مااقدر اجي المناقشة
لكن دكتوره ماجده مؤكدة على حكاية الجية والمناقشة

[ام بتآل ( إن شآء آلله )]

محلل شخصيات .. الله يعطيك العافيه ما قصرت

w h i s p e r ... انا لسى بالمستوى الرابع ماا اضفت البحث

اجل كويس انو استاذه مريم ماتعطي مناقشه

ان شاء الله في ترم التخرج راح اخذه معها وي رب ما يغيرورهآ

لآنو باين من رد محلل شخصيات ان المناقشه معقدهـ





يعطيكم العافيه جميعــآآ

[محلل شخصيات]

المشاركة الأصلية كتبت بواسطة ام بتآل ( إن شآء آلله ) محلل شخصيات .. الله يعطيك العافيه ما قصرت w h i s p e r ... انا لسى بالمستوى الرابع ماا اضفت البحث اجل كويس انو استاذه مريم ماتعطي مناقشه ان شاء الله في ترم التخرج راح اخذه معها وي رب ما يغيرورهآ لآنو باين من رد محلل شخصيات ان المناقشه معقدهـ يعطيكم العافيه جميعــآآ

ليست معقدة إلا على من يقوم بشراء بحث جاهز .

كويس عندك وقت كافي تتعمقي بمجال التخصص ومع مادة تصميم البحوث (مناهج البحث) راح تشوفيها سهلة إن شاء الله ^_^

[ام بتآل ( إن شآء آلله )]

آن شآء آلله


يعطيك العافيه اخوي