استفسار عن اجراءات التحويل الى الانتظام/ادب انجليزي؟ (عنوان مخالف تم تعديله)

[Wejdan]

بـدون اي مقدمـات..
حابة احد يجاوبني ع سؤالي
انا ثالت سمستر وتخصصي ادب انجليزي بس انتساب وان شاءالله الترم الجاي ححول انتظام
سمعت كثير من بنات انه لو حولت انتظام لازم يحولوني ع قسم اللغة الانجليزية اول شي
ولازم اقابل مديرة القسم واعمل معاها مقابلة وهيا تحدد اذا انا حكمل في دا التخصص او لا ع حسب لغتي ودرجاتي في الانجليزي في الترمين.......!
رجاااااااء احد يقلي هالكلام صح او لا ولازم تكون لغتي بيرفكت عشان انقبل في دا التخصص واستمر فيه
وللاسف انه صديقتي حصل معاها نفس الشي وحولوها ع تخصص ثاني وقالولها الترم الجاي حولي انجلش
انا مني فاهمة اش الحكمة من دا كلوو.....
الله يخليكم احد يفهمني...
وشكــرآآآ

[Human resources]

للرفع

[سهر]

انا راح اجاوبك ..

اختي كانت اول سنه انتساب وجابت معدل 4.16 وطلبت تخصص انجليزي وانقبلت وحتى في الاودس كاتبين لها طول فترة الاجازه قسم لغات اوروبيه لغه انجليزيه تمام؟
لمن طلبت تحويل لانتظام تحولت طبعا لان معدلها عالي المهم ايش سووا؟؟؟؟ انشالت كلمة لغه انجليزيه من التعريف حقها عالاودس راحت راجعت قالولها القسم fullانتي قدمي طلب ولو انقبلتي يطلع اسمك في ورقه معلق عند السكرتاريه
راحت ومالقيت اسمها من ضمن البنات الموجودين قالولها كم درجاتك في الelca الترمين؟ وحده 80 ووحده 90؟قالولها عشان ال80 هذي اشك انهم حيقبلوكي..
درست ترم كامل فرنسي وجابت معدل 4.55 وبرضوا قالولها full في بنات جايبين اكثر من 4.60 هم الاولى بعد هذا كله جابت واسطــــــــــــــــــــــــه وهي الان قسم انجليزي..
وتوتا توتا خلصت الحدوته.

[Wejdan]

حسبي الله ونعم الوكيل
من فين اروح اجيب لهم واسطة؟!
انا في الترم الاول جبت76 في الانجلش والترم التاني جبت 83 تقريبا
يعني لازم واسطة عشان انقبل ويمشي حالي في التخصص دا
سهر عنجد مرآآآآآ ثانكس ع ردك الله يعطيكي العافية يااااااارب:(

<<<<<<<<<<<<<<<مرآآآآآآآآآآآآآآآآ اتحطمت

[Wejdan]

تيب انا فكرت اخلي اخويا يزبط لي اموري كلها من قسم الرجال ويثبتوني في التخصص كثير بنات عملو كذا وانقبلو ودحين بيدرسو انجلش
اش رايكم؟
انا مرآآآآآآآآآآآآ محتارة ودا الترم نزلت مادة انجلش بس من التخصص والباقي عام

[سهر]

حبيبتي عندك واسطه تمشي على طووووووووووووول آسفه اذا حطمتك بس حبيت ارد على سؤوالك بس واسطتنا كانت قويه مو عن طريق الموظفين في الجامعه كانت عن طريق احد واصل في جامعة ام القرى الله يوفقك ويسهل لك