حملة طلاب وطالبات الانتساب / الغاء الرسوم .. سجل اسمك

[برزاويه]

راسلت داود واضم صوتي لصوتكم نطالب
بالغاء الرسوم

[ToOty & SoOso]

ابغى افهم انتو ليش مستكثرين الغاء الرسوووم وراضين بتخفيضها
الحين برنامج الملك عبدالله للابتعاث الخارجي كم يكلف ؟؟!!مو احنا اولى منهم
وميزانيه التعليم اعلى ميزانيه لازم يكون طموحكم اعلى من كذا
باقي ترم واتخرج ولا استفدنا شي من هذي الحملات ع الفيس بوك وبالمنتدى ما ينفع
ياجماعه الكلااام لوحده ما يكفي لازم احد يتحرك بشكل قانوني احس محد داري عنا هنا كأننا قاعدين نكلم انفسنا
عضوه بالحمله

[احلوت دنياي بلقياك]

السلام عليكم
ياليت من جد يصير ع الاقل تخفيض ل 1500زي جامعه الجوف نقدر نجمعها اناعتذرت الترم اللي فات عشان ماعندي ادفع مو حرام تتراكم علي السنين

[elaav]

اضم صوتي معكم !!

وللي يقولون الشهادة مو معتمده على كيف ابوهم هو ؟! والله يعني الحين نذاكر ونتعب وبالنهاية الشهاده مو معتمده ؟؟!

مع نفسسهم وربي الله يرزق الكل بوظاايف اذا تخرجو :)

والرسسوم لازم على الاقل يخفضون منها والله حرااام عليهم !

مافي ضمير !

[حسام سالم]

بدل الرسومّ ..

لو نلتفت شويّ لإعتماد الشهادة تعليمياً !

[مهندس الاحساس]

اشكركم واذكركم بالمراسلة قدر الامكان من جهتي تمت المراسلة والله الموفق

[n-a-j-d]

من جد ظروف الناس تختلف عن بعض وفيه ناس تتعب عشان توفر مبلغ لطلب العلم واخرتها احباط , الله يكون في عون الجميع والله يحقق مطالبكم ويسهل امركم ...

[مهندس الاحساس]

المشاركة الأصلية كتبت بواسطة عبدالله العاصمي بسم الله الرحمن الرحيم السلام عليكم ورحمة الله وبركاته اسعد الله اوقاتكم بكل خير ندخل في الموضوع مباشرة بخصوص موافقة الملك عبدالله بن عبدالعزيز آل سعود على اعفاء الطلبه من رسوم الانتساب وكان بتاريخ 10 شوال 1429هـ الموافق 09 أكتوبر 2008م والموجود بوكالة الأنباء السعوديه على هالرابط http://www.spa.gov.sa/details.php?id=596348 وكذلك قرار آخر من مجلس الوزراء بتاريخ 04 صفر 1431 هـ المــوافق 19 يناير 2010 والموجود بوكالة الأنباء السعوديه على هالرابط http://www.spa.gov.sa/details.php?id=739382 ولاحظوا لحد الان وزير التعليم العالي الدكتور خالد العنقري في صفنا وكان يقول : " هذه الموافقة مبادرة جديدة من مبادرات القيادة الرشيدة ودعمها غير المحدود لأبنائها الطلبة والرفع عن كاهلهم الأعباء المادية " ولـــكــــن الطــامـة الكـــــــبرى كانت من العنقري بنفسه ، حيث رفض الغاء رسوم الانتساب بعد ما كان موافق ومؤيد !! وكان هالتصريح يوم الثلاثاء 24 ربيع ا لثاني 1432 هـ - الموافق 29 مارس 2011 م الموجود بصحيفة الوئام الإلكترونية على هالرابط http://alweeam.com/archives/33912 هنـــا وقفــة (أثناء إطلاق وزير التعليم العالي الدكتور خالد العنقري أمس للمؤتمر أكد على عدم نية وزارته إلغاء رسوم الانتساب، واصفا قرار الإلغاء بهدر لموارد الجامعات، وأضاف “في حالة الإلغاء سوف يتقدم مئات الآلاف من الطلاب للالتحاق بالبرنامج، فيما المتاح في الوقت الحالي للجادين فقط) هنــا تعلــيق ( طيب ياخي ، كلنا جادين ، طيب اللي يبي يكمل تعليمه وما عنده فلوس وش يسوي..؟ واللي تخرج من الثانوية ولا قبلته الجامعه انتظام وش يسوي ..؟ واللي تخرج من الثانوية ولا قبلتة الجامعه وكذلك ما لقى له أي وظيفه بسبب ماعندهـ واسطه وش يسوي ..؟ يعني لا جامعة انتظام ومكافأت ، ولا جامعة انتساب بدون رسوم ، ولا وظيفه وش يسوي ..؟ مثلآ يسرق او يتاجر في الممنوعات اوالمحرمات ..؟ ) هنـــا حــــل ( بما انك تقول للجادين فقط ، طيب اللي يتخرج من الجامعة ويستلم وثيقة التخرج اعيدوا له المقابل المالي ، لانه يعتبر جاد جدآ بما انه واصل دراسته واخذ الشهادهـ ) وتتالت الاحداث وفي تاريخ 13/2/1433هـ يعني قبل اقل من شهر كلية خدمة المجتمع والتعليم المستمر بجامعة أم القرى تعيد المقابل المالي ببرنامج التعليم المدفوع لاحظوا ان ام القرى رجعت المقابل المالي حتى بعد تصريح العنقري برفض الغاء رسوم الانتساب ، وليش ترجع المقابل المآلي ..؟ الجواب .. لأنها نفذت توجيهات خادم الحرمين الشريفين الملك عبدالله بن عبدالعزيز حفظه الله وهالكلام موجود بصحيفة عاجل على هالرابط http://burnews.com/news-action-show-id-32391.htm وبتاريخ اليوم ، يوم الجمعة 4/3/1433 هـ الموافق 27/1/2012 م صحفي بجريده الرياض يكتب عن طلاب الانتساب والمعوقات المالية وهالكلام موجود اليوم بجريدة الرياض وعلى هالرابط http://www.alriyadh.com/2012/01/27/article704600.html والان اترك لكم التعليق بحدود الادب واترك لكم النقد البناء واترك لكم حرية الرآي واترك لكم المطالبة بحقوقكم المهدورهـ واترك لكم القرار والخيار ، ماذا ستفعلون ..؟ ( هل سترسلون برقيات للملك ، ام لديوان المظالم ، ام لحقوق الانسان ، اما لهم جميعآ ) واسمحوا لي بأن اعبر عمآ بداخلي بهالبيتين اللي طالعه من صميم قلبي الذيب ليا منه نوى ياكل الشاهـ 00 يخنق فريصتها ويذبحها بالناب وانا ليا مني بغيت انطق الآآآآهـ 00 اردها من خوف شامت ولعاب تحياتي لكم

....

[90909]

للأسف الجامعة متشبثه بالرسوم على الإنتساب ومتشبثه بعدم تخفيضها ريا ل واحد عن الثلاثة آلاف....

وأدعو لي إني أتخرج هذا الترم بالمعدل المرتفع

[عزوز10]

يارب ان احد يطالع في معاناتنا يارب يارب