رسالة شكر وتقدير للدكتور الفاضل/ محمد يوسف عزب ... أساله المحاسبة الادارية

[طلال العطااوي]

بعد التحية للزملاء اللي أختبرو المادة
حبيت أشكركم ع مجهودكم اللي بذلتوه في الملخصات اللي نزلتوها
وحبيت أني أنبه ع الأخ حربي اللي يشكر الأستاذ بأسماء الطلاب وأقوله ما أنت بمفوض تتكلم عنهم لأن مادة أمس أسئلتها تبن في تبن قسماًبالله حسيت أن الدكتور حاقد ع الطلاب من الأسئله اللي حاطها والمصيبه في السؤالين الأخيرين اللي طالب الحل فيها بالتدعيم حسابياً
وش هو شايف الطلاب ذولي أنتظام ع شان حاط الأسئله كذا
ماده صعبببببببه للغايه
وليت أجيب درجة النجاح فيها ودعواتكم للطلاب ولنا في أن نعديها

[bader10]

المشاركة الأصلية كتبت بواسطة harbay0b بالنيابة عن جميع الطلاب خصوصا اللذين اختبروا اختبار المحاسبة الادارية 252 acc. اود ان اقدم الشكر الجزيل للدكتور محمد يوسف عزب على مرونة وشمولية الاسئلة التي اختبرتها اليوم وهي لم تخرج ابدا من النقاط المهمة التي وضجها لنا الدكتور في الدورة التأهيلية .. هذا يدل على حب المساعدة اللذي يقدمها لنا الدكتور .. لك منا كل الدعاء والتوفيق والله يسهل عليك كما سهلتها علينا .... ملاحظة * اللي يدخل هالموضوع ويقول ان الاختبار صعب ومن هالكلام اقولة لو ذاكرت فقط النقاط المهمة من الدورة التأهيلية اللي نزلوها الشباب في المنتدى كان ضمنت درجة لا تقل عن 90

طيب جزاك الله خير...انا مثلك حليت تمام.وممكن اجيب 100 او 98.لكن موضوع انك تتكلم نيابه عن الجميع مو صحيح...ولا هو من حقك...ادري انك مبسوط مثلي بحلك ومتحمس...لكن واجب علي ابين لك خطأك بما اني من ضمن الطلاب اللي انت تكلمت عنهم...

اخيرا
bader10 يشكر الدكتورمحمد يوسف عبدالله عزب نيابه عن نفسه فقط لا غير

[سعيد بن تركي]

المشاركة الأصلية كتبت بواسطة bader10 اخيرا bader10 يشكر الدكتورمحمد يوسف عبدالله عزب نيابه عن نفسه فقط لا غير [/mark]

انا احب اشكر الدكتور مع الاخ بدر 10


يا شباب اللي معترضين على الاسئلة هم بالعربي شباب ما ذاكرواا حتى ملف مروان الحربي اللي بس لو فهموه اقسم بالله انهم راح يعدون بالراحه


اتمنى لكم جميعا النجاح

[عبدالعزيز القعيد]

المشاركة الأصلية كتبت بواسطة سعيد بن تركي انا احب اشكر الدكتور مع الاخ بدر 10 يا شباب اللي معترضين على الاسئلة هم بالعربي شباب ما ذاكرواا حتى ملف مروان الحربي اللي بس لو فهموه اقسم بالله انهم راح يعدون بالراحه اتمنى لكم جميعا النجاح

ملف مروان الحربي على قولتك ونقول شكرا طبعا للاخ مروان والله يجزاه خير, لكن الاساله الي جت منه على قولتك ما تمثل الا تقريبا 15 صح وخطأ وهي ثلاثين درجة, والمسألتين حول العشرين درجة يعني بختصار خمسين من ميه يعني راسب..

[mansour1400]

الحمد لله اني حذفتها وارتحت والترم الجاي يحلها الله خيرررررررررررررررره

[تركي مشاري]

المشاركة الأصلية كتبت بواسطة mansour1400 الحمد لله اني حذفتها وارتحت والترم الجاي يحلها الله خيرررررررررررررررره

سوا سوا كلام منصور الحمد لله اني حذفتها
واحب اقول لاخواني الزملاء انه لا ينفع الندم على مافات والله الله بالجاي والجاي احسن ان شاء الله

[لذة صعود المنحدر]

اول شي نقولكم مقدما الف مبروك على النجاح جميعا ان شاء الله

صراحه شفت الموضوع وشفت الردود واستنتجت ان اغلب الطلاب ناجحين والاخرين منهم جايبين درجات مرتفعه بالنسبه للي ذاكروا وحضروا السنترا .

انا طالب مستوى سابع ومن ضمن اول دفعه طلبه في الكليه درسوا محاسبه ادارية عند الدكتور مؤيد خنفر الله يسامحه .

على وقتنا لم يكن هناك سنترا طبعاً كنا ننتظر الشباب اللي يحضرون الدوره التأهيليه عشان ناخذ المفيد منهم .
غير كذا كنت انا ومجموعه من الزملاء ندرس الماده عند مدرس خصوصي، اربع اشخاص . من قبل الاختبار بشهر ونص تقريباً

دخلت الاختبار وانا في بالي اجيب الدرجه الكامله على حسب اجتهادي وعلى حسب المعلومات اللي درستها .
انصدمت يوم شفت ورقة الاسأله
انصدمت من توزيع الدرجات
صح وخطا 20 فقره من 3 درجات هذي 60 درجه
اختيارات عشر من 10 درجات
سؤال عن التكاليف اصعب فصل عليه 30 درجه

توالت الصدمات علي من طريقة الاسئله اخذت الوقت كامل طلعت من الاختبار وانا منهار نفسيا كغيري من الطلاب .
طلعت النتايج وكلي امل اني اشوف درجتي 60 . لكن للاسف حملت الماده انا والطلاب اللي كنا ندرس خصوصي.
نسبة الرسوب تجاوزت ال40٪
اللي نجحوا اغلبهم اخذ 60 درجة النجاح .
نسبة قليله جدا تنعد ع الاصابع اللي جاب درجة متميزه

اعدت الماده الترم الماضي عند الدكتور خالد قنطاني والحمدلله حصلت فيها على درجه عاليه، الله يوفقه وين ماراح.

الخلاصه اذا شفت مصيبة غيرك تهون عليك مصيبتك فياليت تستوعبون مصيبتنا وتواصلون المسيره فالحياه لابد لها من منغصات ، ودمتم بصحه وخير ،

اخيراً اسأل الله ان يفرح قلوبكم بالدرجات العلى في الدنيا والاخره .

[سطام العتيبي]

النجاح طيب في الماده هذي ,, الله يستر

[عبدالعزيز القعيد]

السلام عليكم
اعتذر على كثرة الردود لكن حبيت اعطي رايي في الموضوع, بختصار حنا كلنا ما نختلف ان شرح الدكتور في السنترا كان واضح وكان باذل مجهود طيب في الشرح والاضاح, لكن هذا ما يبرر أنه يخلي سبعين بالميه من الاختبار مسائل!! والله لو درينا انه الاغلب مسائل كان ما درست النظري وركزت على العملي, كمية المسائل تلخبطك في الاختبار وتخليك تنسى هذا غير أن اغلبنا موظفين فموعد تحديد المذاكرة ماهو بمزاجنا, عموما الله يسامحه وينجحنا في هذي المادة الي اعتبرها اصعب اختبار اختبرته من دخلت الجامعة.. وشكرا للجميع نيابه عن باقي الطلاب< يمزح

[شوق المحبهـ]

اخي مصطفى الدافووور
بالعربي
مالك حق تتكلم بالنيابه عنا الا بعد مشاورتنا واخذ الاذن مننا
سامع حبيبي!!!
اما بالنسبه للاختبار
واللهي واللهي الدكتور هذا ما ارتاحلهووووش خاااالللص
طول شرحوو ازا ومسلا وكذااا
ياخي احنا عررب وش ذنبنا نتعذب بلهجتووو
قسم بالله ماارتاح حتلى لشرحووووو والاسئله صراحه كانت موب هينه اببداااا
قسم تنفع انتظاام ويلااا يعدوووو
المفرووض يقدر ظرووفنا الله يهديه مو يعمم ويجيب من المنهج كووولووو
نحفظ ايش ونخلي ايش
اعترف اني جبت العييييييييييييييد مع اني قسم بالله ذاكرت تمااااممم
شباب اللي يرسب ويحمل ماده مرتين
عادي يحملها الترم الجاي والا كيف
مع العلم كول موادي تمام الا هذي ماتبي تنهضملي ابببد :(
بلييززز افيدوونا لا هنتم