طلاب الانجليزي يرجى المساعده

[صدى]

انا توني متخصص ياشباب يعني الترم الثالث هذا لي وابي تقولون ايش المواد الصعبه في جدولي لاني ابي احذف منها
1-قراءه
2-كتابه
3-لسنينق
4- فرنسي
ارجو من عنده معلومه عن هذه المواد يضيفها وابي احذف مادتين اي تنصحوني بحذفها دمتم ساااااالمين

[ابو ريان 126]

هلا صدى
انا مستوى ثالث الترم اللي فات
اخذت
ريدنق 1
رايتينق 1
ليسيننق 1
فرنسي 221
مبادي اداره عامه 101
ثقافه اسلاميه 301
صدقني ما فيها شي صعب اللهم الكتابه ( الرايتنق )
يبيلها شدة حيل زياده
وتكون سهله عليك اذا :
1‏ ‏_ ذاكرت من بدري
2‏ ‏_ ذاكرت من الكتب وحاولت تتجنب الملخصات قدر الإمكان
اتمنى لك التوفيق ، واي سؤال انا حاضر

[صدى]

الف شكر ابو ريااااااان عطرة صفحتي في مرورك الطيب وكلامك المطمئن

[nuha]

السلام انا اخذت نفس مواد ابو ريان وكانت الحمد لله كويسه الا الرايتنق على قولته !!!!!!


وانصحك تبداء تذاكر من الحين احسن !!!!!!

[أسير999]

كيف بتذاكرون فرنسي ؟؟
والله انا لسه منتسب جديد وافكر بتخصص الانقلش لإنه ممتع لي شخصياً وسهل
لكن فرنسي !!!!!
والله الحروف يالله نطقتها شلون بعرف الكلمات قسم بالله احس انه شيء عظيم قدامي
يعني حنا انتساب وش بنسوي ؟؟ لو انتظام ماقلنا شي

[الــــغــــلا]

انا ماانصحك تحذف ولا ماده اغلب الطلاب والطالبات اخذو مواد اكثر من موادك والامور ماشيه تمام خلك علي ذي المواد واذا قدرت تضيف كمان ماده وحده ثقافه اسلاميه او اي ماده حره اضفها لان من وجهه نظري اشوف انه حرام ترم كامل يروح في مادتين بس
افرض لاقدر الله انك رسبت في هالمادتين وقتها بتزعل وتمنيت انك اضفت على الاقل 5 مواد هذي وجهه نظري وتقبلها اخوي
بالتوفيق

[الــــغــــلا]

المشاركة الأصلية كتبت بواسطة أسير999 كيف بتذاكرون فرنسي ؟؟ والله انا لسه منتسب جديد وافكر بتخصص الانقلش لإنه ممتع لي شخصياً وسهل لكن فرنسي !!!!! والله الحروف يالله نطقتها شلون بعرف الكلمات قسم بالله احس انه شيء عظيم قدامي يعني حنا انتساب وش بنسوي ؟؟ لو انتظام ماقلنا شي

اخوي لاتخاف والله العظيم انها اسهل ماده في القسم كلام فاضي وبتشوف بنفسك وبتذكر كلامي لك والله تافه منهج ابتدائي وذي الماده بالذات جبت فيها درجه عاليه مع ان مذاكرتي لها قبل الاختبار ب3 ايام بس كنت احضر المحاضرات اول باول واتذكر شرح الاستاذه
بالتوفيق

[.. بيســـان ..]

صدقني ما فيها شي صعب اللهم الكتابه ( الرايتنق )

دي المادة .. مو صعبة أبدا .. بالعكس مرة تافهة

لكن مشكلتها في الاختبار النهائي

طريقة توزيع درجات الاختبار كانت 20 درجة لــ ( أعيد كتابة الجملة ) بكلمات الربط مثل

and , Both , when , while

و 80 درجة عالبراغراف على 12 سطر او أكثر .. هنا كانت الصدمة .. و تفننوا المدرسات في التنقيص

لو تبغى تحذف .. احذفها حتى تتأقلم عالجو ..

أما .. Reading

مادة ثقيلة دم .. ما أنصحك تحذفها .. بالعكس ادرسها و اخلص منها ..

[صدى]

شكراً على مروركم الطيب

[أسير999]

المشاركة الأصلية كتبت بواسطة الــــغــــلا اخوي لاتخاف والله العظيم انها اسهل ماده في القسم كلام فاضي وبتشوف بنفسك وبتذكر كلامي لك والله تافه منهج ابتدائي وذي الماده بالذات جبت فيها درجه عاليه مع ان مذاكرتي لها قبل الاختبار ب3 ايام بس كنت احضر المحاضرات اول باول واتذكر شرح الاستاذه بالتوفيق

الله يعطيك العافيه يالغلا على هذا التشجيع اتمنى والله
انا ماعندي مشكلة بالانقلش ابدا لكن المذاكرة للماده هذي احس انه صعب
المشكلة انا انتساب ... هل المادة مقتصره فقط على الانتظام ام؟؟
اذا كانت للإنتساب فـ الله يكون بالعون نبدأ بدري على الاقل بحفظ الحروف وبعض الجمل