تجمع لـمتابعة اجراءات المرشحين و المرشحات بـ رابغ

[optimistic lady]

المشاركة الأصلية كتبت بواسطة الإستااذة مررررررررة شكرا حبيبتي اوبتمستك ... الله يسعدك دنيا واخره . الله ييسر امورنا .... على فكرة ايش الاوراق اللي يبغوها .؟! ما ابغا انسى شيء واتلبخ .. :)

الله ييسرها يارب خذي كل شي قدمتي اول كل اووووووراقك الاصول والصور واهم شي الهوية الوطنية
انا جالسة اسوي بحث عن مكتب الاستاذ عبد الغني الاندونسي هو الي مسويلي لخبطة ياليت الي يعرف من الاعضاء يوصف المكان بالضبط فين؟؟؟

[Reflection]

هو يوم رحت له كنت متصرفد حبتين من الطريق و الزحمة ماتذكر بالضبط كيف المدخل ×_×
فـ مبنى ادارة الجامعة - شؤون الموظفين الدور الثاني او الثالث ..الله اعلم الثالث

[CPIS_Student]

الف مبروووووك للجميع
وعقبالنا يارب يتصلو فينا ويبلغونا بالترشيح

[CPIS_Student]

معليش تطفلت على موضوعكم ابشوف الإجراءات كيف ماشيه
إحنا طلعت أسماءنا من الكلية ووصلت للجنة المعيدين ولا بلغو احد بشكل رسمي
وننتظر أوراقنا تروح لشوؤن الموظفين عشان يتصلو على المرشحين
بس عندي استفسار هل لمن انقبلتو مبدئيا كان مطلوب منكم تروحون لرابغ ولا كل الإجراءات من جده ؟

[الإستااذة]

اهلا وسهلا ...
نحنا لمن طلعت الاسماء وتاكدنا من ترشيحاتنا رحنا لرابغ .. واخدوا مننا نسخة من الترشيح وشويه اوراق وعبينا شوية اوراق وقالولنا انتظروا ...
بعدها لمن دقينا على شؤون الموظفين قالوا خلوا محارمكم يراجعونا في جدة علشان نخلص اوراقنا علشان هم يرسلوها للخدمة المدنية في خطوة اخيره لاعتماد الرقم الوظيفي ..

[CPIS_Student]

جزاك الله خير
وبالتوفيق جميعا

[Reflection]

اللهم اجعل أول هذا اليوم صلاحاً وأوسطه فلاحاً، وآخره نجاحاً، وأسألك خيري الدنيا والآخرة يا أرحم الراحمين.

موفقين ،،

[Reflection]

الحمدلله ع السلامة اول شي للجميع ،،
مبرروك ثانيا ،،

ثالثا، نحكيكم اللي صار علشان الفايدة لـ الناس اللي حتروح او المتقدمين مستقبلا ،،

رحت لـ ا. عبدالغني في شؤون الموظفين
و اعطاني ورقه الكشف الطبي و نخلصها من الخدمات الطبية في الجامعة ومكانها جنب كلية الحاسب ورا المطعم المركزي مخششوشه ما تبان جلست ساعه حتى وصلت لها ><"

و 4 اوراق نعبيها عباره عن:

1- تعهد باكمال الدراسات العليا و نختمها من عميد الكلية فـ رابغ لكن قابلنا وحده انا و واحد من المعييدين كان معايا
ولما كلمت الدكتور ع الجوال قلها روحي ختميها من جده من عند الطالبات .. من مين بالضبط مادري (علشان لاتضرربوا مشوار لرابغ) .. بينما احنا الشباب بنروح ان شاء الله بكره نختمها من رابغ :(
2- بيانات شخصيه.
3-معلومات في حال كنتوا شاغلين وظائف حكومية سابقة او على رأس العمل.
4-ورقة طلب توظيف + بيانات عامة عن المؤهل.

==================================
موقف صار حبيت انبهكم عليه ،،،
وصلت الخدمات الطبية يمكن ع 10 .. و الكشف ع العيون و الاشياء هذه ما ياخذ دقايق ..
لكن التحليل لما رحت قالت لي اللي فالاستقبال تعال بكرة نعطي ارقام من 7 ونص لـ9 يمين يسار ما رضيت تاخذ ورقة التحليل :@
لو صار لكم نفس الفيلم قولو لها نادي د. هشام ،، دكتور جدا طيب حبوب قال تعالوا و اعطاانا علب فاضية للتحليل و خلال ربع ساعه خلصها .. فـ اسألو عنه و قولوله احنا موظفين و نبغى نخلصها بسرعه ..
اما عند الاشعه ما راح تاخذ وقت .. أخر شي لقسم التقارير يختمها و خلاص.

ارجعوا لـ عبد الغني و اعطوه الاوراق ،،
==================================

ما في اي ورقه للاحوال المدنية ،، اتوقع بناخذها لما يجي الرقم الوظيفي ونروح نغير المهنة ،، بكرة لما ارجع من رابغ اسأل عبدالغني ان شاء الله عنها،،
وبخصوص الارقام لما سألته ، قال احتمال تكون جاهزة بعد العيد او لو اتأخرت راح تكون نهاية محرم.

و الله يوفق الجميع.

[أحب المساعدة]

انا اتصل علي د/ الجحيلي وقال جاهم دعم وظيفي و محتاجين معيدة ولازم اراجع الوكيلة برابغ
ولما رحت للوكيلة يوم السبت هذا
طلبت مني السكرتارية اعبي ورقة بيانات معيد
و اخذت وثائقي طبق الاصل و طابقتها بس
و قالت حيتصلوا علي
والى الان ما اتصلوا

احد صار له مثلي ؟
و هل يعد هذا قبول و الا لسه ؟

[Reflection]

ماشاء الله ،، الف مبررروك ،،
ان شاء الله قبول ايوا .. ماتصلوا عليكي و خلوكي توقعي وتسلمي صور وثائقك الا انهم يبغوكي معيده

يتصلوا او قالو تابعي مع شؤون الموظفين!! ،، اتأكدي من رابغ كمان ،، لانه المفروض تواصلك يكون مع أ. عبدالعالي الصحفي (لجنة المعيدين و المحاضرين في جده) و تلاقي رقمه في الصفحات السابقة ،،
و يتأكدو من اوراقك و يدققوها و يعتمدوا الاسم ،، بعدين يتم رفع اوراقك لشؤون الموظفين و تكملي زي ما صار اليوم في ردي السابق.

سلمنا اوراقنا في رابغ يوم 21 شوال .. و الرد جا من اللجنه يوم الاثنين الماضي 22 يعني تقريبا شهر ،، و اليوم رحنا شؤون الموظفين كملنا الاجراءات.

بالتوفييق