"(‘ تَجمع لطلآب وطآلبآت ‘, التحَويل الخآرجي ‘)"

[يارب افتحها في وجهي]

من جدكم لازم نروح الجامعه؟؟؟
انا قدمت طلب من 5 شعبان واكتمل الطلب بس يطلعلي تفضيلات الطلب غير مدخله ايش معنى ذا الكلام؟؟؟؟
انقبلت او لا ؟؟؟؟
ولا لازم اراجعهم؟؟؟؟؟
حسبنا الله ونعم الوكيل

[sara alsalh]

مرحبا بنات
انا اختي مقدمة تحويل وابوي راح لقسم الرجال قبل اجازة رمضان عشان يسأل عن الوضع
واختي كانت كل اوراقها تمام الا استمارة القبول مدري ايش فيها
الوالد قابل مدير القبول وشرح له الوضع قال المدير: بنتك كل اوراقها تمام ومحققه الشروط ولوهي معك الحين روح لقسم الحريم وتخلص امورها. بس للاسف كانت مسافرة.
راحت اختي يوم الاحد الي فات وقالتها الموظفه لسى التحويل ماوصلنا عنه شئ اول اسبوع بالدراسه تعالينا

المهم الي اوراقه تمام ومو راضيه تنرفع روحوا للجامعه ترى الموقع مخرررررررررررررررررررف

اسفه على الاطاله بس حبيت افيدكم وسلامتكم

[يارب افتحها في وجهي]

واللي كل اوراقه تمام ومنرفعه ايش يسوي؟؟؟

[CupCake]

الله المستعان يعني لازم نروووح
المشكله ليت احد يعطيك وجه
الله يفرجها من عنده

[نعومه احاسيسي]

رحت اليوم قالولي انو كشف درجاتي غلط لازم ارجع جامعتي اجيب كشف الدرجات واجيها يوم السبت مدري اش اسوي حتي دحين وقت مايدوني الخطاب ارجع المدينه كمان

ماره مرمطه لازم ارجع ولا في طريقه تانيه

[من يقول انك تحب]

الله يعينكم ويفرج عليكم
انا درست بالجامعه تحضيري ولا دخلت طب والحمدلله رحت ابن سينا بمنحه وانقبلت فيها الحمد لله
ونفسي ارجع لعبدالعزيز بعد ما ادرس السنه الثانيه في ابن سينا
لكن اخاف يحطوني مع طلاب التحضيري مع العلم اني تجاوزت بالاول كل مواد التحضيري ومدري يحسبون لي الاولى والا يقولون من جديد لانهم لو قالوا من جديد بيبطون عظم انا اخذت عندهم تحضيري بالاول
المهم لو احد فيكم بينط للعماده بالله يستفسري لي منهم
وبالنسبه لتركي يعني ابتطفل عليك شوي / تركي دامك انقبلت بشري في تبوك توكل على الله لا تضيع مستقبلك هنا في عبدالعزيز ترى انا درست هنا واعرف وحده جابت 4.95 ومادخلوها طب وقالوا انتي ما سكنتي رغباتك والمسكينه سكنت , مع احترامي للجامعه بس معروف شغل الواسطات هنا
توكل ع ربك وكمل بشري في تبوك وخذ سنه ثانيه هناك وبعدها حول لجامعه ام القرى معادلتهم للمواد سهله وامورهم بسيطه لكن لو تبي نصيحه كاخت لا تحول وانت تحضيري حول لما تصير ثاني عشان تثبت في تخصص
توكل ع الله جامعتك بتنفعك بشري + ومكافاه >> لا احلى هع الله يرزقك ويوفقك
ويوفقكم كلكم وتحولون يارب

[Omaimah]

بنات شوفوا هذا كلام بنت اسمها عبير بالمنتدي الثااني


ي حلوييييييييييييييييين الموقع كنسلووووه خدو اوراقكم وروحوا للجامعة انا اليوم رحت قالت ايش عندك قلت تحويل خارجي ماقلت حاجة غيرو على طول قالت هاتي اوراقك وادتني استمارة عبيتها وادتني خطاب لجامعتي قالت روحي لأستادة فوزية النويصر توقع لك عليه رحتلها و وقعت وبعدين قالت خلاص روحي جيبي ملفك من الجامعة اديهم دا الخطاب وهما بيدوك كل حاجة


روحوا السبت بليز عشان يمديكم تخلصوا النقل قبل ما تبدا الدراسة وتبدون مع الطلاب


اسسسسسسسسسسسسسسسفه وربي بدخل من اليوم بسالجهاز مافيلو شحن والشاحن كان بغرفة اخويا دوبو اداني هو


اتطمنوا بنفسها قالت كل اللي معدلاتهم من 3وفوق بالنسبة للي معدل جامعتهم من 5 مقبولين

واللي معدلاتهم من 2 وفوق بالنسبة للي معدل جامعتهم من 4 مقبولين كمان


الله يوفقكم ويسعدكم بالداريين

الكل يروح لهم السبت احسن ويكون معه الاوراق الي رفعتوها ومصوره وصورة شخصيه لكم

[تركي فايز]

الله يعطيكم العافيه .. ملخصا للموضوع .. اشكر الأخوان والأخوات اللي نصحوني وردوا على الكلام اللي كتبته

بالنسبه للي حصل يوم الاربعاء .. روحت للعماده ، وطبعا اتجهت لموظفي الاستفسارات ( بجانب مكتب مدير القبول اللي كان اسلوبه غير واضح يوم الثلاثاء ) .. المهم رحت للموظف وقلت انا امس جيتك وفتحت لي التعديل وانا رفعت اوراقي من جديد ، واكدت الطلب، قال هات البطاقة الهويه، واعطيته راح تاكد من الجهاز ورجع لي قال خلاص انت تم تحويل طلبك إلى الفرز النهائي ، وعليك مراجعه النت بالفتره الجايه ولا تسحب ملفك من الجامعه لحد ما يجيك القبول النهائي لا تضيع نفسك هنا وهناك .. بالنسبه لموعد النتائج غير محدد لحد الآن لكن راجع النت<< يعني بعكس كلام مدير القبول الي قال جيب اوراقك وانسى الموقع >> .. المهم انا طلعت على طول على مكتب عميد القبول والتسجيل ، وقلت لازم اقابله عشان اشرح له وضع الطلاب المحولين ومشاكل التاخير وكلام مدير القبول بان المواد ما تتعادل .. المهم ( سالفه طويله عريضه لحد ما وصلت له ) وكلمته بالموضوع وقلت مدير القبول يقول انسى الموقع وجيب اوراقك وروح اسحب ملفك من جامعتك وكل كلامه عشوائي للاسف يا دكتور امين ( طبعا الناس متجمعه حواليه ومركزين ) .. قلت له احنا طلاب التحويل الخارجي مقدمين لنا شهرين للأسف حاصل لنا تهميش مو طبيعي ، وبالاخير نراجع ويقول انسوا الموقع، وعلى اي اساس يتم فتح تحويل خارجي عن طريق الموقع اذا لم نستطع إتمامه بنفس الطريقه .. وقال ايضاً ان مواد السنه التحضيريه ما تتعادل ( اثناء ما أتكلم كان ينظر لمواد السجل تبع جامعتي ) وقال لي بالحرف الواحد ، ( يا ابني انت درست سنه تحضيريه بجامعتك واشوف ان المواد نفسها يعني المواد تتعادل)؟؟ .. المهم العميد تفاعل معي وقال كلام مدير القبول غير صحيح وكل الإجراءات تتم عن طريق الموقع ومواد السنه التحضيريه تتعادل ( قلت مزبوط يا دكتور امين واصلا هذا مكتوب في شروط التحويل ان مواد السنه التحضيريه يجب ان تدرس او تعادل واللي يبغى يتأكد يرجع للشروط بداية التقديم ).. وقالي والآن اكتب معروض بخصوص وضعك ووضع الطلاب المحولين واعطيه السكرتير وانا عندي اجتماع اول ما أرجع راح اشوف .. وتراجعنا السبت

طبعاً نصيحتي لاخواني واخواتي المقدمين على التحويل .. هي كالآتي :

1- إذا طلبك ما زال تحت التدقيق لابد تراجع العماده وعند موظفين الاستفسارات تسأل عن موظف اسمه فيصل وتعطيه بطاقه الأحوال وهو راح يحول طلبك إلى الفرز النهائي..
ولا تفكر للحظه انك تروح لمكتب مدير القبول(ابراهيم الغبان ) لانه إنسان بدائي للأسف وكلامه كان غير صحيح وقال لي المواد ما تتعادل وكسر مجاديفي وحطمني وقال ان معدلك ما يعتبر شيء عندنا ..(كلام كثير )..

2- بالنسبة للطالبات ما عندي خلفية عن الوضع بشكل واضح ولكن اللي طلبها ما زال تحت التدقيق لازم تراجع لحد ما يتحول للفرز النهائي .

3- لازم يكون معاكم توصيف المقررات اللي درستوها خصوصا مواد السنه التحضيريه لان وقت معادلة المواد راح يطلبوها منكم ولا تهتموا لكلامهم انه ما في معادلة لمواد السنه التحضيريه لان على كلام العميد فيه ، وفيه موضوع بنفس هذا المنتدى للتحويل الخارجي عام 2010 واحدى الطالبات كاتبه بالردود انه ( الحمدلله يا بنات عادلوا لي جميع مواد السنه التحضيريه وحولوني لكلية بنفس التخصص )..

4 - لا تضيع نفسك بجامعتك الأساسية تروح هناك تحضر وحبذا لو تخلي لك احد هنا يراجع الجامعه ويروح لمكتب عميد القبول والتسجيل ويرفع معروض طلب بأن يتم النظر في طلب التحويل ولا يتم التاخير أكثر من كذا

والله يوفقنا ويسهل امورنا ويكتب لنا الخير أينما كان

ملاحظة:
أختي ( من يقول انك تحب ) اشكرك على نصيحتك وعلى عيني وراسي.

أختي المشرفة ( غلا روحي ) أتمنى السنة القادمه عندما يتم فتح موضوع التحويل تعطي الطلاب الجدد فكره بإختصار عن اللي راح يحصل لهم وبأن ما يقعوا بمثل الخطا تبعنا أننا انتظرناهم شهرين ونص لحد الآن بدون رد..

واشكرك من أعماق قلبي على جهدك الرائع في فتح مثل هذه المواضيع التي نفعتني كطلاب بعد الله في التواصل مع بعضنا.

وأي استفسار انا جاهز.. بالنسبة لي انا حجزت يوم الاحد اروح لجامعتي واداوم هناك ويوم السبت راح أراجع الجامعه جده هنا واشوف ايش صار على المعروض وبنفس الوقت أتابع الموقع.

[ريم الشراع]

السلام عليكم ورحمة الله وبركاته ..


كيفكم مع الانتظار الطوييييل ...

صبر جميل والله المستعان..


ابي اسأل واللي عنده اجابه لايبخل..


بعد ما نتحول للفرز النهائي وش نسوووووي ..!

نظل منتظرين ولا نسوي شيء


يارب

حسبنا الله , سيؤتينا الله من فضله , إنا إليك راغبوووون...

[CupCake]

ريم الافضل تراجعين الجامعه
لانه زي ماانتي شايفه الوضع كيف
اتاكدي احسن