:: الجن وَ المسيخ ::

[خالد9921]

اللي يخاف من الجن وأكيد الخوف بسبب ضعف الإيمان بحفظ الله لنا , يجونه
خل عندك يقين إنّ لما تقرأ الأذكار والورد الشرعي الخاص بحفظ الله لك
إنّ مافي أبن أمّه يقدر يصيبك لا جنّ ولا إنس ,, إلاّ بإرادة الله , وفيما اختار الله الخير دايماً

بعدين ليش الخوف من الجن ؟ وش لهم عندي سارق شي لهم أو قاتل لهم قتيل ؟
مع نفسهم مع نفسك يا خرطبوش مع نفسك يا عفرتوش

مب جايب الكورة الأرضية ريوس إلاّ بني آدم المخرّب المُفجّر اللي شغال حروب ودمار وتقتيل (:
وإلاّ الجن ما شفنا منهم ولا نص صاروخ هيلكوبتر غلبااااااااانين !

مثل ما قلت المهم بالموضوع الأذكار الشرعية
بالإضافة إنّك ما تؤذيهم
يعنّي مكان معروف بالجن لا تروح تسّوي نفسك القوي وتؤذيهم بمكانهم وتخرّبه ,
هُنا المس يأتي ,, ابعد نفسك عنهم وحصّنها وخل الهياط وحركات اللبس السيئ
أمّا السحر فهذه قضية أخرى ثابتة وصحيحة و بفعل فاعل , وينبغي الحذر من شرار الناس

هذا أنا الحين لحالي في جو مُرعب ,, وياما رحت أماكن مرعبة وفيها جن
والله يا جلست أنادي فيهم يا خرطبوش اطلع يا عفرتوش حيّاك ,,
لكن ماش ما حولي أحد ولا يقدرون عزيمة الرجال
وحتّى إن طلع لي أحد فيهم , وش بيسوي يعني وش له عندي
ما غير بأقوله خل عنك بس الهياط تعال اكرف معي بأقرب شغلة والا خذ كاسة شاي وانطم

إيه لي موقف أكشن بس لأحد يضحك
قبل شهور رحت لمكان مشبوه بتواجد الجن
وألقى قدّامي ذيك البسّة عظيمة السواد اللي تناظرني والشرر يتطاير من عيونها
المهم بدأت تقرّب منّي وأنا حسّيت إن الهياط جاي وأيقنت تقريباً إنّها مسكونة
وما تشوفوني إلاّ أعطيها على دماغها وبين عيونها بالمعوذات وأعوذ بكلمات الله التامات ,, الخ
غير الكلام الثاني : أقول لا تسّوي فيها قوي ومهايطي ترى الله فوق قادر يهلكك الحين يا تعبان

ما تشوفونها إلاّ دقت ريوس وانحاشت ,, ومن عقبها صرت أجي المكان وتضربلي تحيّة عسكرية

,,,

أبو المسيح الدجّال هذا اللي يقول خرافة , خرافة في عينه
لا ينبغي الالتفات له أساساً ويُضرب بكلامه عرض الحائط , ماش لا قيمة له ولا لكلامه الأرعن (:

في النهاية خافوا البشر ولا تخافو الغلابا المساكين الجن