تساؤلات ., الدورات

[د.راقي جدا]

متابعة بصمت :)

خالد ، ربما تفقد شيء كبير لتجد شيء اكبر

لو عرفت الغيب لعلمت ان الواقع اجمل مما تتصور

والله مستحية اكتب شئ بعد الخرابيط الي هببتها :)

[خالد9921]

خالد ، ربما تفقد شيء كبير لتجد شيء اكبر لو عرفت الغيب لعلمت ان الواقع اجمل مما تتصور

معك حق هذا اللي مصبّرني الحمدلله
رغم ان الصدمة كانت مؤلمة لي
كانت مؤلمة لأبوي .. لأخواني .. ما كانوا يتصّورون أني ممكن اطيح كذا :/
وماني شايف شي أكبر بالأفق
مع احترامي كويّس اذا لقيت وظيفة عدلة وانت خرّيج عزوز احمد ربّك مليون مرة
بس زمان لا كان الوضع يختلف
كان معي وظيفة مضمونة بمجرّد ارجع من البعثة
بأعلى المميزات المادية والوظيفية بالوظايف الهندسية بالسعودية :/

الحمدلله

شفت الردود في الالفين قلت يلا يابت .. شوفي مين ردو في نفس السنة الميلادية وادور وطلع رد خالد .. مين قدك

هههههههه رفعتي معنوياتي كذا حسّيت ان فعلاً قدري مكتوب بهالجامعة وهالسنة

[خالد9921]

انطباعي
ان فيه مجموعة قطارات فاتتني
وان فيه أمر قهرني
واني بالرغم من ذلك قدرت اتجاوز الازمة بشكل جيّد ولو بدرجة طفيفة
واني عندي صراع هل راح اكون افضل من السابق أو اسوأ
راح اعوّض الفرصة الماضية او لا .. هنا كل الصداع وربّك

[خالد9921]

بالمناسبة
تلاحظون من فترة طويلة
اني كاتب في بيانات العضوية .. المستوى الثالث والتخصص ماني كاتبه بشكل صحيح
رغم اني تجاوزت هالمستوى بمستوياات ... واتخصصت من فترة مو قصيرة
لكن ما حسّيت بفرحة كبيرة تخلّيني اعدّل بياناتي
ما حسّيت اني سوّيت انجاز يخلّيني اسوي كل هالزحمة في عضويتي
اخترت اكون مجهول ولا اعتبره شي كبير

كلّه من عثرة الماضي

[خالد9921]

بوعابد .. حبيب الشعب يالله حيّه
آمين وإيّاك يا غالي .. الله يرزقك اعلى المراتب والمراكز دنيا وآخرة .. اللهم آمين

لك فقدة يا دارس .. لا تقطع (:

[خالد9921]

غيّرت الوضعية وخذيت لفة مشي بسيطة .. تفضلي استاذة بالاسئلة

[خالد9921]

الدنيا وش تبي منا ؟؟ وايش بتاخذ ؟؟

الدنيا في ذاتها فانية مهما كبرت او صغرت بالاخير متر في متر تحت الارض
عن نفسي انا دنياي ما ارضى فيها إلاّ أكون ناجح بشكل مطلق
مدري ما اعترف بالفشل ما ارضى فيه ما اتخيّله اصلاً
لذلك أنا اشوف دنياي تبي منّي اكون شخص ناجح ومنطلق دايماً

[خالد9921]

بالمناسبة
انا اتقبّل فشل الآخريين واقدّر الظروف اللي صنعت فشل مالهم ذنب فيه
بس حالتي أنا لمّا أفشّل اعتبره اما تقاعس او كسل او شي غلط سويته بنفسي
اشوف عندي امكانيات تؤهلني ما اكون فاشل دايماً

[مصره على قراري]

المشاركة الأصلية كتبت بواسطة خالد9921 بالمناسبة انا اتقبّل فشل الآخريين واقدّر الظروف اللي صنعت فشل مالهم ذنب فيه بس حالتي أنا لمّا أفشّل اعتبره اما تقاعس او كهل او شي غلط سويته بنفسي اشوف عندي امكانيات تؤهلني ما اكون فاشل دايماً

اخوي خالد ., انا فعلا اعاني من نفس المشكله
اذا ما كانت بمنظور اسوء

,,,

تعرف الحل وين ؟؟

عوض كل شي فاقده بغيرك

بأي شكل ممكن

صدقني قد ماتعطي وتسعى بالحلم الي تبيه
وتسهله لغير كثر ما يتسهل معك

..

راحت فرصة ارامكو

بس الشخصيه والعقل الي اهلك
توصل للقبول بالنظام والابتعاث

للحين ماراح

امي الله يرحمها كانت دايم تقلي

افرحي ي( دلع معين منها) كل ماضاقت اكثر
كل ماكان في فرح اكبر الله مخبيه لك

...

ماتعرف ., انا بعد اليأس من كل شي
صحيت بيوم وبدون اي مجهود مني
ولا اي تدخل جراحي

قدرت امشي ., بعد اعاقه عشر سنوات

الله قادر ياخوي

الدنيا دائره كثر ماتعطي بيرجعلك
بنفس القوه والتأثير

[خالد9921]

نختم بتجربتك استاذة مريم
واسمحيلي ما راح أعلّق عليها ابداً
لانك علمتينا اي تعليق ايجابي او سلبي ممكن يضرّ ..
وبالفعل انا مستوعب كلامك واتفق معك