ابي نصيحتكم

[Jaber Saad]

اولا،، الاختبار كيف يكون على الاب .. طيب بكذا بيكون غش عادي ،،!!

ايه يكون على اللاب، وغالباً ماراح يسعفك الوقت للغش. وهي اصلاً مش بالصعوبة اللي تخلي الواحد يلجئ لطرق غير شرعية مثل الغش.

ثانيا،، ممو ااثاث مو نهائي وشهري شلون تكون الاختبارات وكيف ووين وسهله والا لا،،!!

تكون على موقع emes الخاص بالجامعة، والاختبارات سهله، وما تطلع برا المنهج، ولما تحضرين المحاضرات وتلخصينها، راح تقدرين تجاوبين على اي سؤال.

ثالثا.. الواجبات شلون تكون اساله واجاباتها بالكتاب والا لا ابي شرح ,,!

مثل الاختبارات، اسئلة سهلة، واي واحد تابع المحاضرات وفهمها راح يجاوب بكل سهولة. وبعضها ما تحتاج فهم، تلقينها واضحه جداً بالكتاب.

رابعا،،،المنتدى عن شو وشنو اشارك ..!!

كل مادة لها منتدى خاص فيها، واعتبره سطحي جداً ومش بالفاعلية اللي تتخيلينها..
اي مشاركة، سواءاً بنقاش، او رد على استفسار او شكر، او حتى اضافة موضوع. واحياناً الدكتور يطرح موضوع للنقاش.

خامسا ... اذا حولت من انتساب لتعليم عن بعد ينزل معدلي

ما عندي علم، لكن المعلومة هذه بعيده كل البعد عن المنطق، ولو هي فعلاً صحيحة راح اكبر اربع واصلي على الجامعة، واترحم عليها..!!

سادسا.. مافهمت سالفه 25% حضور مسجل

المحاضرات كلها مباشره، وبعد ما تنتهي يسجلها الدكتور ويرفعها على الموقع. اذا ما قدرتي تحضرينها مباشرة بالمحدد بالجدول، تدخلين على الموقع، وتشوفين التسجيل اللي رفعه الدكتور وتعتبرين انك حاضره.

سابعا .. المحاظرات مسجله والا بس. وقتها ،،!!

مسجله وموجودة على مدار الترم.

ثامنا.. شنو الصعب بالتعليم عن بعد ..!!!

مافيه صعوبة غير الالتزام بالمواعيد ( المحاضرات - الواجبات - الاختبارات ) وبما انك غير موظفة، ماراح تواجهين مشكلة.

وشنو العيوب

لو انقطع الاتصال وانتي تحلين الاختبار الشهري، ماراح تحسب لك الا الاسئلة اللي جاوبتي عليها بس.


تكفون ردوا ادري كثرت اساله بس تحملوووني

اي سؤال انا حاضر.


مميزات التعليم عن بعد: المحاضرات المباشرة والواجبات والاختبارات، والتواصل مع الدكتور اذا اشكل عليك اي شيء، تساعدك على فهم المنهج واستيعابه، وترسخ المعلومات في ذهنك. ولما يجي الامتحان النهائي راح تسهل عليك المذاكرة.