ملعب في وسط البحر !!!!!!

[J o O o K i]

جوكر ..

خليهم بالاول يشيلوا القرنبع ( محلات اللحام ) من شبك المطار لان المنظر غير حضاري .. خاصة ان اي زائر او معتمر او حاج اول ما ينزل جدة ويركب السيارة راح يشوف القرنبع اللي عندنا
وغير كذا يضبطوا الشوارع .. من سفلته وارصفة وإنارة
بعدين يشوفوا حل لموقع الملعب ..
وبعدين فين راح يكون موقع مشروع سكة الحديد ( القطار ) اعتقد راح يكون مكانة ذهبان .. عشان الزحمه

خلي الكاتب يكتب على كيفه هو مجرد انه يكتب .. وما راح يتطبق ما ذكره ..

وإذا عـ المطار احنا على قدم وبطه في تحسين المطار
<< شغال بالمطار

نرجع تاني << ما يقلد

[Tomy]

المشاركة الأصلية كتبت بواسطة j o o o k i جوكر .. وبعدين فين راح يكون موقع مشروع سكة الحديد ( القطار ) اعتقد راح يكون مكانة ذهبان .. عشان الزحمه

المحطة الرئيسية في منطقة المطار القديم و أعتقد أنها المنطقة المحاطه بسور مقابل مقر شركه
إعمار
المحطه الثانية بتكون في مطار الملك عبدالعزيز
إلي قاهرني أنه قبل عدة أيام تم الأعلان عن تطوير مطار الملك خالد بالرياض
و أتوقع بيتم إنهاء تطويره و مطار جدة على نفس الوضع الحالي
جــده غــيــر

[J o O o K i]

المشاركة الأصلية كتبت بواسطة tomy المحطة الرئيسية في منطقة المطار القديم و أعتقد أنها المنطقة المحاطه بسور مقابل مقر شركه إعمار المحطه الثانية بتكون في مطار الملك عبدالعزيز إلي قاهرني أنه قبل عدة أيام تم الأعلان عن تطوير مطار الملك خالد بالرياض و أتوقع بيتم إنهاء تطويره و مطار جدة على نفس الوضع الحالي جــده غــيــر

هل انت متأكد من موقع المحطة الرئيسي ؟؟

اما بخصوص المحطة الثانية .. لا توجد لدينا اي معلومات حول هذا الأمر .. لان المخطط الجديد لتطويرالمطار لم يوضح مكان وجود المحطة الثانية . .الا اذا كان في شي جديد راح يصير بالمستقبل

[Tomy]

متأكد 100% المحطه الرئيسية بتكون في منطقة المطار القديم أما الأخرى بتكون في مطار الملك عبدالعزيز الدولي
لكي يتم نقل الحجاج و المعتمرين من المطار مباشرة إلى الحرمين الشريفين
و الأن هم في صدد إنشاء الرسوم الهندسية للمباني و في خلال نهاية
العام الحالي بيتم إنشاء المحطات كمرحله أولى إبتداءً من جده
كذلك الآن أمانة جده في صدد دراسة إنشاء محطة قطار
في شارع المؤسس الملك عبد العزيز لخدمة
سكان جده و إنشاء محطة قطار متصلة
بالمدينة الرياضية الجديدة
( كلها دراسااات)
عسى أن ترى
الـنـور