افضل سكن في جده و قريب من الجامعه ,,

[مجرم غلا]

انا بصراحة مدري كيف طريقة السكن عندكم يا البنات اللي لوحدكم بدون محرم بس اذا كنتي تبين شقة مفروشة انا اعرف لك شقة سكنت فيها هذا الترم بس مدري يأجروها بالترم والا رح يحسبوها عليك شهريا الايجار .......
المهم ان الشقة كأنها بيت مو شقة غرفتين نوم ومجلس وصالة ومطبخ ومكان صغير فيه طاولة طعام ودورتين مياة وانتو بالكرامة وطبعا الشقة كلها مفروشة بدون سيراميك المطبخ صغير وفيه ثلاجة مرة حلوه وفرن واغراض بسيطه وايضا موجود غسالة كويسة وكمان باب الشقة يفتح بكرت الكتروني وموجود ايضا وايرلس وموجود تحويلة للبقالة والمغسلة والمطعم بس سائق ما سألت اذا كان موجود أو لا المهم الشقة بالنسبة لي مرة حلوه واعجبتني .....
وللمعلومية انا سكنت في الشقة لمدة اسبوع وكان ايجارها اليومي 350 ريال وما ادري اذا كان فيه ايجار شهري ....
الشقة جنبك ماكدونالدز ومقابلها على الشارع الثاني مكتبة جرير ......
المهم الشقق اسمها ( دار الثغر ) على شارع فلسطين وشرق شارع المكرونة مقابل مكتبة جرير والموقع قريب من الجامعة .......
على العموم اتمنى اني افيدك او افيد اي شخص يبحث عن سكن واهم شي لا أحد يفكر اني اسوي دعاية للشقق او اعرف صاحبها والله مااعرفه ولاني من اهل جدة واول مرة اسكن فيها بس بصراحة اعجبتني ورح اجيها كل مرة اجي لجدة .......
وشكرا .......

[انوثتي طاغيه]

t3bt ashtag

الله يعطيكي العافيه و ياليت يا قلبي لو تقوليلي اكثر عن السكن و ممكن لو ترسليلي رقم المشرفه و اكون لك من الشاكرين

كريستاله ,,

اهلا فيكي و الله ,, و الله حسيت اني بالمرة ما ادري عن الدنيا توي الي اصحى و افتكر موضوع السكن و بالنسبة للبتول انا قرات عنه و كان ببالي و الي عاجبني فيه انه قريب من الجامعه بس كيف شفتي الغرفه كبيرة و شرحه و لا كيف و انا يمكن امي تجي معايا كم اسبوع يعني لحد ما استقر ما اعرف كيف حاسه بالخبطه فضيعه .

[كريستاله*]

المشاركة الأصلية كتبت بواسطة انوثتي طاغيه t3bt ashtag الله يعطيكي العافيه و ياليت يا قلبي لو تقوليلي اكثر عن السكن و ممكن لو ترسليلي رقم المشرفه و اكون لك من الشاكرين كريستاله ,, اهلا فيكي و الله ,, و الله حسيت اني بالمرة ما ادري عن الدنيا توي الي اصحى و افتكر موضوع السكن و بالنسبة للبتول انا قرات عنه و كان ببالي و الي عاجبني فيه انه قريب من الجامعه بس كيف شفتي الغرفه كبيرة و شرحه و لا كيف و انا يمكن امي تجي معايا كم اسبوع يعني لحد ما استقر ما اعرف كيف حاسه بالخبطه فضيعه .

الغرفه تقريبا 4*4 او يمكن اقل مو عارفه بالضبط
عاديه سيراميك وفيها سرير نفر ودولاب
انتي اذا بتجيبي امك معاك لازم من البدايه تحجزي غرفه مشتركه بسريرين لك ولأمك يعني انتي ب6500 وهي ب6500 لانه مااظن يسمحولها تقعد معك الا اذا انتي حاجزتلها سرير والا اتصلي بالمشرفه واشرحي لها الوضع وتأكدي منها قبل تتوهقين
هذا رقم المشرفه
0550264082
وان شاء الله تلاقي غرفه لاني اضنها زحمه بس انتي اتصلي وشوفي

[همة همة همة]

الله ييسر لكم اخواتي ..ويعينكم على الغربة ..وكان الله معكم في سفركم واقامتكم ..

[t3bt ashtag]

ارسلت لك المعلومات كلها خاص

[ابو ريان الهمداني]

مبروك ع القبول في الماجستير
وثاني شي لو كان اخذت لك شقة مفروشة وسكنتي براحتك كان افضلك وبتطلع عليك باقل من الفين ريال وشقة محترمة وخدمة ع كيفيك
وبالنسبة للمواصلات وهو الاهم كان اخذت لك سيارة من اهلك وغيمتها كتم في كتم والله كان انتهاء الترم ما استوقفك دورية

[red]

السلام عليكم ورحمة الله وبركاته
أنا طالبة ماستر تخصص علوم حاسب ومو من سكان جده
حابه انو استأجر شقة سكنيه في جده بس مؤ حابه فكرة سكن الطالبات

فلو كنتي حابه انو نسكن سوى في شقه سكنيه وكل فتره يجلس معانا والدي او والدك بالتناوب أإنا ما عندي مانع ًوبدون مانحتاج مواصلات او سكن خاص...

[أم محمـد]

وفقكم الله ورزقكم العلم النافع والعمل الصالح..آمين

[وردة مدينية]

للرفع