بكـــــــــــــرة وبعده قي دوام ولا

[كل الحكي]

انا من مكه " وهما قالوا مكه ما فيها دوام
فليش اخرج من حدود منطقتي خلاص اجلس
وكمان الجوووو عندنا مررررره غبار " الله يرحمنا ويلطف بنا "
فبنام وبعد الاجازة أشوفك ياجامعه عزوز ""

[Dr.Rawan]

قبل شوي شفت في شريط الاخبار
بقناة السعودية خبر تعليق الدراسة
في منطقة مكة المكرمة و مدام قالو
منطقة يعني تشمل جدة بس مافي
اخبار في موقع الجامعة عشان كدا
دوااااام والله يعين

[Ayat.k]

تنبيه مهم ... تعليق الدراسة يوم الثلاثاء 27/4/1433هـ بفرع الجامعة في رابغ فقط

بناءً علي تحذيرات الدفاع المدني، وجه معالي مدير الجامعة بتعليق الدراسة بفرع الجامعة في رابغ فقط (للطلاب والطالبات)يوم الثلاثاء الموافق 27ربيع ثاني 1433هـ.
ولمزيد من المعلومات يرجى الاتصال بإدارة عمليات الطوارئ والكوارث على الرقم 51111 من داخل الجامعة و الرقم 6951111 من خارج الجامعة

[المستندات]

هو بس رابغ حالة الجو عندهم سيئة
الله يعين بس بقوم اروح الدوام وانا ساكتة أزين

[Dr.لولو]

اوف يعني لازم اقوم من احلى نومه تعكيـر مزاج ع الصبببح .. الله يعين :(

[عزجهينة]

ياجماعة اللي في جدة ترا فيه غبار !!

[اكوس نفرر]

غصبآآ عني امسسك الخط .. :(

المشكلة باقيلي غياب في الرياضيات وادندن ..

[S.Bn]

انا اليوم ما رحت و اخذوا محاضرة احياء مو كفاية اني ماني فاهمة شي


انا لله و انا اليه راجعون

[A . Y . S]

تتوقعوا بكرة في محاضرات ,, مالها داعي امسك خط وفي الاخير ما القى غير ترآب !

[اكوس نفرر]

^

انا اليوم مسكت خط مكة جدةة .. واكلت تراب الين شبعت ..

قلت عشان ما ادندن في الرياضيات .. لانه قالنا انو فيه محاضرة اليوم ..

وفي الاخير ما جا :)

يعني ما اتوقع فيه محاضرات بكرة ..