لكل الي متخصصين في العلاج الطبيعي حابة استفسر اشياء عن القسم بمساعدتكم

[قصة غروب]

المشاركة الأصلية كتبت بواسطة التفاحة الخضراء السلام عليكم بالنسبة للعلاج الطبيعي لكل الي تخصصوا في هالقسم هل التخصص ممتع لدرجة اني استسهل المادة واقدر امشي فيها وانسى صعوبتها ؟؟ ادري سوال غبي بس حابة اعرف وهل موادها مكثفة لدرجة انك لازم تذاكر 24 ساعة وماتلقى يوم ترتاح فيه شوي ؟؟ تحسون انه التخصص يحتاج انك لازم تكون دافوور بزيادة ؟؟ والحين سمعت انه في دكاترة رجاال يعطوون محاضرات للبنات ابي اعرف هذا الكلام صح ولا لا ؟؟ يعني اكون متحجبة وقت الدكتور يعطيني محاضرة ؟؟؟ وياليت تذكرون ايجابيات وسلبيات هالقسم ؟؟ ادري كثرت اسئلة بس محتاجة اجوبة منكم الله يرزقه بالوظيفة بعد التخرج لكل من يرد علي

وعليكم السلام ورحمة الله وبركاته.
اهلا وسهلا اختي الغاليه.
اول شي لازم تعذري حقون العلاج الطبيعي لان اللحين فترة اختبارات ومشغولين ف المذاكره وكذا الله يكون ف عونهم ويوفقهم يارب واكيد اول ما يفضوا بيردون عليك.
الصراحه انا مو تخصصي علاج طبيعي لكن شفتك كتبتي انه ماحد رد قلت خلينا نرد ونجبر بخاطرها ^_^ وبشكل عام اختي بالنسبه للعلاج الطبيعي طبعا يعتبر تخصص ممتع وجميل والشي اذا الواحب حابه بيبدع فيه بغض النظر عن السهوله والصعوبه.
والمذاكره طبعا مستحيل احد يذاكر 24 ساعه والله لو انه ف ايش مايذاكر كذا ^_^ لكن لكل مجتهد نصيب لكن لازم المذاكره. ومو شرط مررره تكوني دافوره وتلبسي نظاره زي حقت جدي علشان تدخلي علاج بس يحتاج انك تكوني مجتهده وتذاكري زين.
والشي الاخير والله مادري الصراحه لكن ان شاء الله يفيدونك اخواتنا طلاب العلاج والعلاجيه الكبيره مشرفتنا ود^_^
اعتذر منك لان العلاج مو تخصصي وماحبيت اشوف الموضوع وماافيدك ولو بالشي اللي اعرفه واعتذر من حبايبنا حقون العلاج الطبيعي اني رديت ف موضوعهم^_^
بس ترى رديت علشان الدعوه برضو
ربي يسعدك ويوفقك.
تحياتي