نسبتي تدخلني الكلية اللي ابغاها؟ كله من هذه الجامعة الـ....

[noonz]

صحيح كلامك وفعلا هذا الواقع
كثير من الطلاب يخلو الدكتور والجامعه وكل شي شماعه يعلقو عليها أخطائهم ولا يعترفو إنهم أخطأو
معليه اللي يبغى شي راح يوصله مهما واجهته عوائق
لكن يجي واحد زي ما تفضلت مهمل وف النهاية جايب درجة سيئة يقعد يدعي ويسب ويقول كلام ماله داعي :)
وهذا الشي كان حاصل ف الاحياء لو لآحظت !
الاغلب كان يسب يدعي ويقول كلام الكل في غنى عنه
طيب ليش ي أخي ماتروح تذاكر وتحفظلك كم كلمة بدال السب والشتم
للأسف والله العظيم إني كنت أشوف كلام ينكتب جد الواحد يخجل يقراه
لو إنه قاتلكم قتيل ما قلتو عليه كدا
لاحد من اللي يقرا يحسب إني أدافع لأني مثلا جبت درجة عاليه ف هذي المادة , بالعكس كانت أقل درجة من بين المواد عندي =)
لكن الاعتراف بالحق فضيلة
خسرت درجات لكن اتعلمت أشياء ومصطلححات فادتني كثير ف حياتي
أتمنى إننا نحاول جاهدين عشان نطلب العلم
وما نجي الجامعه عشان درجات ومدري إيش
ولكم الاجر والثواب بإذن الله

شككرا أخوي على الموضوع الرائع , أتمنى الكل يستفيد
وآسفة على الاطـآلة .

[حمودي المالكي]

اخي العزيز كلامك جدا رائع
بس انا الحين كااااااااااااااااااااااااااااااااااااااااااااااااا اااااااااااااااااااااااااااااااااااااااارف فترة الاختبارات وسلايدات الاحياء طلعت عيوني وربي يابعد الامتحانات سويت فحص نظر طلع عندي انحراف في العين وانا الحمد لله من قبل كانت سليمة بس بذلت مجهود اكبر مما تتصور وفي الاخير نجحت والحمد لله والشكر بس مو مثل ما كنت ابغى للاسف وقيس كلامي على جميع المواد عدا الانجليزي لانه احلى كلاس احضرة بالجامعة واستمتع فيه على مدته الطويلة لكن يمر بسررررعة

[وليد المشاعر]

انا اول ما قريت العنوان وبديت اقرا الموضوع
كنت نازل ارد عليك بنفس الكلام اللي انتا كتبتو
فعلا كلامك صح
ليش نحط اللوم على الجامعه .. واللي يقهر يجيك واحد يقولك لو اني طلعت برا احسن
اذا انت ما فلحت هنا بتفلح برا كيف
مشكلة الانجليزي بصراحه ومن وجهة نظري
مو الجامعه الملامه في هذا الموضوع
الملام وزارة التربية والتعليم
اللي ما عززت مناهجها ونمت طلابها في مراحل التعليم العام
وما اهلته ان يكون عنده الاساسيات على الاقل الاساسيات
نرجع نقول ربنا يصلح الحال
وشكرا لك

[Astronomer]

كلامك صحيح 100 %

لكن ماتقدر تقول انه فيه ظلم بالدرجات وخصوصا المعهد الانجليزي هذا

اغلب الطالبات ماكانوا يتوقعوا درجاتهم كذا

لكن حسبي الله عليهم ونعم الوكيل

وحسبي الله على كل ظالم في هذي الجامعه


والشي الوحيد اللي قاهرني بهالجامعه انها ماتساوي التخصصات بين الاولاد والبنات

[m.7arbi]

متفق معااك في نقآط كثيرهـ

أسلوب رائع

[فستان فوشي]

رايع اخي
جزاك الله خيرا
ولكن انا اجتهدت وبدلت كل مابوسعي والله شهيد على ما اقول ولم انال الدرجة التي اتمناها ولكن الحمدلله #

[عآشق الريم]

كـلن بيآخذ نصيبه ف الجـامعة


اعرف كم طالب كانوا معنا الترم الأول كانوا ( يسحبوا ) على محاضرات
الرياضيات والفيزياء وآلحين ساحبيـن ملفهـم وجالسين فالبيت ينتظرون فـزعة العسكريـة :(


وحطوا اللـوم كلهـ على الجامعة + الدكاترة + المناهج الصعبة,,




وصراحة عجبتني الكلمتين اللـي هي

تقدير ممتاز لم يجعل أحدًا غنيًا أبدا

كلام سليـم 100%

اشكرك ع طرح مثل هذي النقاشات الجـادة

واللهـ يجزيك عنا كل خير

[عزجهينة]

والله كتبت كلام كثير بس مسحته
موضوع رائع مع اني اختلف معك كثيير!!

[M!SS Lara]

كلام جيد جدا جزاك الله خير

[Feras L. Kindi]

يعطيكم العافيا اخواني .. الكثير ممن وضعوا ردود تم الرد عليهم من الاعضاء

واخي عبدالمجيد اعرف اناس حصلوا على a+ في الأحياء ...لماذا؟ حتى المتفوق في اللغة يعاني صعوبة لأنها مصطلحات جديدة لا علاقة لها بما ندرسه في المعاهد .. هذا يعني أنه جد واجتهد في فهم المصطلحات.
وبالفعل المشكلة من وزارة التربية والتعليم والآن طورت المناهج وأرى كتب اخوتي في المتوسطة يأخذون أشياء كنت آخذها في ثالث ثانوي .. هذا يدل ع تحسن.

وبالنسبة لمن ذاكر ولم يحصل على ما يتمناه او لم يجد الدرجة المطلوبة .. صدقوني الجامعة لم تقوم بإنقاص درجة واحدة من درجات أي طالب، هذا ضد مصلحتها أساسًا .. بل قامت بزيادة درجات بعض الطلاب ومنهم صديقي كان سيرسب في الفيزياء لولا الله ثم هذه الزيادة.

ومن لا يعجبه الدكتور فهنالك كلمتان.. الأولى أنك تستطيع تغيير الشعبة كما فعل الكثير...
الثانية أنك لست في مدرسة كي يجري وراءك الدكتور ليعلمك .. مهمته يقوم بالشرح وعليك أن تبحث عن المعلومات، هناك أناس يفهمون من الشرح كما هناك أناس لا يفهمون وهذا ليس ذنب الدكتور .. أعرف الكثير من الدكاترة لا يقومون بتحضير الطلبة مع ذلك تجد نصف القاعة ممتلئة، هذا يدل على أنه هناك من يفهم .

ومن يشعر بأنه قد ظلم في درجاته يستطيع تقديم طلب مراجعة درجاته... ولكنه سيتحمل كامل المسؤولية لو ظهر أنه مخطئ :) ... فإذا كنت واثقا قدم بطلبك وإلا فلا تقم بالسب والشتم والحسبنة !