it ولا cs

[نارات]

والله دوبي نزلتها هذا التيرم ولسه مابدينا لانها نازله في المستوى الثامن .. بس اقدر افيدك اخر التيرم ..لكن اللي اعرفه انه 425 جدا ممتعه مد الدكتوره اميمه وهيا عن السيكيوريتي طبعا وكثير اخذوها انبسطوا مره بشرح الدكتوره ..
252 هذي تتكلم عن نماذج التصميم ..يعني الشخص لمن يبغا يبني سيستم احسانا بدل مايبدأ يخطط من البداية للتصميم
ياخذ تصميم جاهز ويستخدمه حسب مواصفات معينه انطبقت عل نظامه في هذا النموذج .. وهذي الماده تدرسها استاذه انتصار الكيال ..واللي درست 251

[أمل بكرهـ]

انا ماكنت أقصد بكلامي أن السي أس اهم من الاي تي
أنا أحسهم مرة متشابهين
في الاخير التخصص قسمه ونصيب ولو ماانكتب لك انك تدخلي اي تي وانتي عاجبك ممكن تدخلي سي اس وتاخذي مواد اختياريه

من وجهة نظري ان كل اقسام الكلية فيها شغل ومشاريع وتعب ولو رحتي لاي قسم ثاني ابدا ماراح يكون اسهل او اخف في الواجبات والمشاريع اقولك هذا الكلام وانا متأكدة من وضع الاقسام الثانية

كلاامك صحيح وسليم كل قسم عنده خيره

عندك داتابيس وهذي مطلوب في كل اللقطاعات اذا ماكنت مبالغه ولذلك اغلب الدفعه هذا التيرم اختارت مسارها داتابيس

في السي اس كمان موجود داتا بيس كماده اساسيه وكمسار كماان

عندك سيكيوريتي وعندك ويب وهذا أروع مافي الاي تي اننا ندرسه بتوسع

الاسكيورتي ماده اختياريه للسي اس وانا اخذتها لانها مهمه
والويب ديزاين كمان موجوده عند السي اس كماده اختياريه وباخذها هذا الترم ان شاء الله
بس ممكن تكون عند الاي تي بتوسع وهذا شي حلو احنا بس ماده وحده

عندك شبكات ..وهذا أعمق مايكون في قسم الاي تي وتأكدي بنفسك

..

السي اس كمان يدرسوا شبكات كماده اساسيه وفيه مسار شبكاات كمان

عندك أناليسس ..

موجود كمان في السي اس

لانه كل الديزاين اللي بنعمله هوا عباره عن أكواد ..فالجرافيكس اكواد .. الويب اكواد .. مواد البرمجه المتقدمه والسوفت وير برضو اكواد ..وكل لغات البرمجا الاساسيه زي 202 و 203و204 حتدرسيها سواء كنتي اي تي او اي اس او سي اس ..

صحيح كل الكلام الي قلتيه موجود في السي اس كمان يمكن السي اس يختلف عنهم بماده اسمها لغات برمجه تدرسي فيها
الفرق بين لغات البرمجه وفيها معمل يختاروا لغه ويدرسوها انا درست فيها البيرل بس بعدين غيروا وصاروا يدرسوا
السي شارب

عل فكره القسم يقيم مؤتمر كل سنه بمسمى demo day تعرض فيه مشاريع الخريجات ويقيمها عميد ودكاترة الكلية وقسم الاي تي الوحيد اللي العام الماضي ضم مشاريع طالبات اي تي لسه بمستوى سادس "يعني مو تخرج " وأعدها من المشاريع المتميزة وتم تكريم الطالبات عليها .. يعني هذا شي نستمتع فيه احنا بنات الاي تي يحصل كل سنه في قاعه الملك فيصل للمؤتمرات .. ويحضره عدد من الشركات والقنوات الاعلاميه ..

الديمو داي تقيمه الكلية
والسنه الي فاتت طلبت مننا دكتورة سحر شبانه نشارك بمشاريعنا لماده القرافكس بس كان الوقت متاخر اننا نقدم ونشارك واحنا كنا مشغولين بالاختباارات عشان كذا ماشاركنا

امن معلومات cpit425

الماده مرة حلوة ووممتعه تدرسها دكتورة اميمه شرحها مرة تماام
تدرسوا فيها الالقورثم حق التشفير وفك التشفير
وفيها معمل تبرمجوا الالقورثم بالجافا
المعمل شويه يحتاج شغل كل اسبوع واجب وكل اسبوعين تقريبا كوز

وفي الاخير الله يوفق الجميع وييسر لهم