اقتراحات لكل المتضررين من الأحياء

[طبيب القلوب]

المشاركة الأصلية كتبت بواسطة beeeb طبيب القلوب اممممممم شوف هما مو زودونا في الأول و التاني!! ،، التالت إللي يقولوا إنه ما كان فيه بونس مو !! يعني إنتو لمآآ رح تروحوا تطالبوا إش رح تقولوا تالت اختبار جابوه من السلايدز بس ما أدونا بونس المفروض إنهم يدونا بونس حرام إحنا أول دفعة نذاكر من السلايدز !! شوف إنت تبغى تدخل طب دي مشكلتك لازم تدرس إلين ما تقول بس و تحاول تسوي كوووول إللي عندك في النهاية إنت رح تكون مسؤول عن أرواح ناس خليك واقعي يمكن دحين إنت منتا طايق كلامي بس ترآ أنا زيك الفرق إني مقتنعة إنه عشين أكون طبيبة كويسة و أستاهل إني أوصل لدا الشي لازم أحط مجهودي في الشي إللي أنا أقدر أسويه مو أقعد أجري و را الدرجتين البونس و أقعد أقلهم حرام عليكم و الله ما ينفع احنا أول دفعة ،، لازم إنك تشد على نفسك في النهاية إنت إللي أخترت أنك تكون طبيب و محد عيعرفك إش يمديك تسوي عشين توصل للي تبااه أكتر من نفسك

يا أختي ،، أنا أولاً خطة ( أ ) ،، و أنا بس بأعطي زملائي الطلاب اقتراحات عشان يحلوا مشكلة الأحياء ،، لأني بكل صراحة شايف الكل متأزم منها ،، ووالله العظيم أعرف ناس ممتازين أصحابي و هما ذحين خطة ( ب ) و يذاكروا أول بأول ،، بس يقولوا برضه الاختبارات صعبة !! بعدين أرواح الناس ما ترتبط على طلاب سنة تحضيرية !! انتي ناسية إنه ورانا 6 أو 7 سنين ( ماني فاكر بالظبط ) كلها دراسة طب ؟؟ ،، أنا أتكلم عن زيادة الدرجات من واقع إن التحضيرية سنة مصيرية ولازم نجيب درجات ،، و عن قولك يبغى لها مذاكرة ،، فزي ما قلت سابقاً في ناس ممتازين و خبصوا ،،

و في الأول و الأخير وجهة نظر و أحترمها ،، و شاكر مرورك

[عآشق الريم]

قدآااام ماعندك مششكلة

ولو تبونآ بكره الصبآح نروح لمدير الجآمعة

[Dr . B E B O]

سكر جلوكوز

البرنامج هوا إللي يسوي
رفع للكيرف عشين يقلل الرسوب
بمعآآآدلة معينة
و يرفع أكبر كم من الدرجات
مو العميد إللي يزيد الدرجات
على كيفه
،، ربنآآآ يوفقهم و يعوضهم يآ رب

[iShooda]

مع احترامي ،،
اللي ما ينجح في الأحياء ويجيب معدل عالي في هذي المادة لا يدخل طب
لأن الأحياء نبذة مصغرة لمواد الطب .
صح أنا معاكم في البونس بس مو للي يبغوا يرفعوا معدلهم عشان يدخلوا طب الطب مو بالمعدل إذا تقدر
تنجح في المواد اللي كذا تقدر تدخل ..

[كياني]

أنا رحت لنزار يوم الأحد وقالي حنا اعطيناكم بونس ٤ درجات في الدور الاول و٧ درجات في الدور الثاني والنهايي ٠٠٠٠ والاهم ان فيه ناس ماخذه ٠ في الدور الاول

ي خخخبـر ابيض .!!

[غرفة 108a]

الحل بسيط ناخذ كم طالب من جامعة الملك سعود عشان ياخذون حقنا لاني ماشوف تفاعل من الطلاب

[ــــــM7MDـــــــ]

المشاركة الأصلية كتبت بواسطة غرفة 108a الحل بسيط ناخذ كم طالب من جامعة الملك سعود عشان ياخذون حقنا لاني ماشوف تفاعل من الطلاب

منجد يعني مدرري وش بلاهم محد متحممس

[سكر جلوكوز]

الحل الوحيد والفعال جريدة عكاظ هو اللي بيجيب حقنا

[طبيب القلوب]

المشاركة الأصلية كتبت بواسطة سكر جلوكوز الحل الوحيد والفعال جريدة عكاظ هو اللي بيجيب حقنا

صدقت

[sRoOoRa]

جريدة عكاظ ماحتقدم ولا حتأخر شيء

دام الدرجات اترصدت انتهى الموضوع

وممكن لو حتغير شيء حيكون للترم الثاني مو لنا احنا

ماا ابغى احبطكم بس هذا الواقع المرير واللي لازم نتقبلو

الله يعوضنا خير