مدرس استثمار

[d7om_1]

المشاركة الأصلية كتبت بواسطة الفتـى الذهبـي من رأي ابو شهد من جنبها اخذت مالية شركات عنده وتشوف الامثله اللي يعطيك هية تقول ويش الرجه اللي مسوينها الطلاب على هذه المادة ووقت الاختبار تعرف ان ابو شهد كان يسهل على نفسة الحصه علشان تقول فهمت وتمشي انا كنت اسأل عن اشياء من ملخص هاني عرب ويقول لي سيبك من هاني عرب هذا وين والناس وين ومرة كنت اراجع معاه اسئلة للحين اذكرها لون الورق ازرق هي موجوده بالمنتدى الشباب حالينا صح وهو حالها شي ثاني واسئلة مره ومرتين ومافي فايدة مصر على كلامة لا ويتحدى كمان وفي الاخر طلع كلامة خطاء وطريقته بدائية بالشرح وانا تعرفت علية في بداياته وقتها ما كان يعطي الا مالية لكن ويش نقول تمشي مع الهبل دوبل اخذت الاستثمار عند عاطف الحصري والله انه جالس ينسخ من اوراق عطر الغلاء ولا جيت الحصه بدأ يوزع علينا ومره طلب مني اصور درس بكره وعطاني المذكرة كاملة وهي اساساً عندي لا وكمان الجزء النظري عطيته ايها من مذكرة هاني عرب هذا الحصري اللي مطلعينه السماء الشباب والبنات ذكرني بمدرس ساكن فوق مكتبة دار الهدى اسمه خالد اخذت عنده تحليل كمي 2 ومعاه مذكره المهم انا شوية دقيق اطابق اللي يعطيني مع الكتاب لين طلعت عينه وفي يوم خنقني بالمذكرة وابغاه يفكني منها ونمسك الكتاب وحطيته بزاوية حرجه وقلت له انتبه ترى ملخصك لقيته في دار الهدى ومكتوب علية اعداد جار النبي وحرام يسرق شغلك وتعبكم الزول قال ليه باللفظ هذا " جميع الملخصات اللي مع المدرسيين من اعداد الطلاب نفسهم 80% منها لهاني عرب وانتو الطلاب عندكم اعتقاد ان المدرس الخصوصي يشرح ويفهم مع العلم الحقيقة احنا نعيد ونقرأ الكلام اللي بالمذكرة مثل ما العرب عندهم عقدة الخواجه وهذا رزقنا " انتهى وهذه حقيقة ولا جار النبي كشكول والثاني ابو عبيدة على خطاه اعرف واحد مصري معانا في العمل لاسنس حقوق والفيزا مشغل كمبيوتر والمهنه اللي يزاولها استقبال بعد الدوام مدرس خصوصي والمدام الله يستر عليها مثله مافي ترابط بين الفيزا والمهنه والعمل الفعلي والاضافي والشغله تطلع ذهب واحنا على .... بلاش نوصف العاطل يحلم بوظيفة بقطاع خاص 3000 ريال والموظف في الخاص يدور على وظيفة في الحكومه في احسن الاحوال 5000 ريال وآخر الدنيا محل ما ضيع ابليس عياله وهيه ماشيه ياعم ما تدئش معليش طولت عليكم تصبحون على خير

أخوي الفتى الذهبي أسعد الله صباحك
كلامك في محله
وأنا بالنسبة لي كتبت حسب خبرتي
أنا خذيت مادة مالية شركات بدون مدرس وذاكرتها بأجتهاد شخصي والله ما كتب لي أني أنجح فيها وأخذت f يفقع العين
وأخذت الماده مره ثانية ودرستها مع ابو شهد في جده والحمد لله فهمت الماده مع ابو شهد وأخذت فيها فوق الــ80 لأني أشوفه متمكن من شرح الماده (وهذه وجهة نظر)

وبعدها بترم كان عندي مادتين (أستثمار - محاسبة 102) ودرستها مع ابو شهد بالرياض... كان جاي زيارة لطلاب الرياض... وجيت متعني له من الشرقية وكان شرحة للمادتين لا بأس فيه ... لكن بعد ما راجعت المواد من مذكرة الأستاذ هاني عرب .. لاحظت أن عنده أخطاء ... وقابلته بأخطاءه وأعترف فيها .. لكن كان يقول أنا متعمد الخطاء .. أبي أعرف هل أنتم مركزين معي أو لا ؟
سلاااااماات يابو شهد ... أدفع درااااهم عشان تدرسني ... ولا عشان أحل الغازك ؟؟؟؟؟
بالمختصر المفيد ... ومن وجهة نظري ... أنا أشوف ابو شهد فاهم في شرح مادة مالية شركات فقط
وباقي المواد يحاول يتدرب على الطلاب فيها
والله أعلم

[نصيب]

اخوي دحوم

شكرا على مداخلتك والله الموقف الي صار بيننا اكبر من الي ذكرته يعني اجتمع فيه كذب مع اخلاف موعد مع استغلال وفوق كل هذا قوة وجه،

مائدة شهية للنقاش ولي عودة

احترامي للجميع