التدريب الميداني .. كيميـآء حيوي .. ارجو الدخول ممن لدية خلفية او خبرة ..

[NoNa al7ellwa]

انا اتدربت ...
طبعا انتي عارفة انو لما تنزلي مادة التدريب تأخذي ورقة من الجامعة انك بتدربي و تقديمها لاي مستشفى تبغيها و هما يا يقبلو يا لا بس غالبا يقبلو .. انتي خذي اكثر من ورقة و قدمي في اكثر من مستشفى و الي يقبلوكي فيها ادخلي .. ساعات التدريب تختلف انا كنت اتدريب شهر 4 ساعات في اليوم حتى يوم الخميس في مستشفى بقشان .. في بنات اتدربو في مستشفى الجامعة اسبوعين بس تقريبا 6 او 7 ساعات .. يعني كل مستشفى و طريقتها اهم شيء تكملي عدد ساعات التدريب و صراحة مني فاكرة كم كانت يا اما 60 يا 120 نسيت ..

لو تبغي تأخذي مكافأة على التدريب .. اخر ايام اختبارات الثانوي روحي مكتب العمل النسائي من بدري 7 الصباح خذي رقم و استني دورك و قوليلهم ابغى تدريب صيفي في مستشفى .. يعطوكي ورقة اكتبي اسم المستشفى الي تبغيها و بياناتك .. بعدين قدمي الورقة للمستشفى الي تبغي تدربي فيها من غير ورقة الجامعة بس ورقة مكتب العمل .. ساعات تدريب مكتب العمل اقل و تأخذي مكافاة 1500 ريال تقريبا

بس احنى لما سوينا كدا ما نزلنا المادة في الصيف نزلناها الترم الاول بعد الاجازة و بعد ما تدربنا و قدمنا لدكتورة التدريب شهادة الخبرة الي اخذناها من المستشفى .. فمني عارفة لو نزلتيها في الصيف و اتدربتي من مكتب العمل حيقبلو ولا لا .. فاحسن اتدربي في الصيف و نزليها في الجدول ترم اول .. لو تبغي مكافأة .. لو ما تبغي بس خذي ورقة من الجامعة و روحي اي مستشفى و خلاص ..