سؤال بسيط عن تصحيح اختبار وكسلر تفضلوا بليز

[مليييت]

مسا الخير
لأنني بدأت بتصحيح وكسلر
إختبار وكسلر /
أهم سؤال , عطلني عن التصحيح , قلت ماأكمل تصحيح الا أتأكد
بالنسبة للإختبارات العملية مطلوب منا أن نقوم بافتراض الدرجات الموزونة و أن تكون ضمن حدود درجات المفحوص الموزونة في الجزء اللفظي , صح ؟
طيب أجل خانة الدرجة الخام في الإختبارات العملية أسيبها فاضية ولا كمان أفترضها ضمن حدود درجات
الخام في الجزأ اللفظي ؟؟

ويعني انا لما أجي أطلع درجات الإختبارات العملية بما انها من افتراضي , يعني على كدة ماحستخدم جدول الدرجات الموزونة في الإختبارات العملية صح ؟ لإنو كلو افتراض

ممكن أكون غلطانة بهدا االكلام اللي قلته وضحولي اذا متأكدين بلييز


بنات يعني سؤالي بإختصار
في كراسة الإجابة في جدول الإختبارات العملية اللي احنا ماطبقناها لإن ماعندنا أدواتها ومطلوب مننا نتفترضها , طيب الجدول فيه خانتين درجات خام ودرجات موزونة
كيف أطلعها الإتنين ؟؟؟


اللي ترد ولو بكلمة الله يسعدها وينور دربها .... بلييز مستعجلة

[nunnna]

ملييت تحطي الدرجة الافتراضية في خانة الدرجة الخام ، وتطلعي الموزونة من الجدول ( نفس الخطوات) مع انو المفروض نطبق المقياس كامل زي ماهو ومانفترض بس مشي حالك ، بالتوفيق ياعسل

[مليييت]

طيب ياعسل عشان اتأكد يعني افتراضي للدرجة الخام للإختبارات العملية يكون من الدرجة الخام في الإختبارات اللفظية , والموزونة اطلعها من الجدول ماأفترضها ,اذا هذا الكلام الصح أجل كيف يتناقض مع كلام الأستاذة ايمان الطباع لما سألتها بنت وجاوبت كالتالي
سألتها / الدرجات اللي اخمنها في الاختبارت العمليه هي الخام او الموزونة
أجابت ايمان الطباع / الموزونة
وذا الرابط لتتأكدي
http://www.skaau.com/vb/showthread.php?t=468674&page=3


وانت تقولي الموزونة اطلعها من الجدول ماأخمنها ؟؟!! بليز وضحيلي اتشتت أفكاري لإني اسمعت أكتر من رأي
وآسفة تعبتك معي ياقلبي

[ام نيزار]

شوفي انتي حتكتبي الدرجات الخام في الاختبارات اللفظيه اللي سويتيها اوكي

تحوليها لموزونه خلاص سار عندك درجات موزونه لكل الاختبارات اللفظيه

والاختبارات العمليه بس رموز الارقام عندك درجته الخام وحتوحليها لموزونه باقي الاختبارات العمليه

راح تخمنيها م الدجات الموزونه للاختبار للفظي

اوضحلك اكتر
يعني مثلا لو كانت الاختبارات اللفظيه درجاتها كالتالي 4,2,4,6,5,6

اقل درجه 2 واعلى درجه سته

حيسير عندك 2,3,4,5 هذي تخمنيها لباقي الاختبارات العمليه اللي ما طبقت

ان شاء الله دحين فهمتي

[مليييت]

فاهمة هي النقطة ياغالية , يعني الدرجات الموزونة العملية أخمنها من الدرجات اللفظية الموزونة , طيب سؤالي الدرجات الخام العملية ؟؟!! كمان أخمنها من الدرجات الخام اللفظية ؟!
سؤالي عن الخام العملية ؟
وشكرا ليكِ كل التقدير