لا حياء في الأخلاق ..

[طالبه 12]

المساله مو كداا
حتى لو رحتي كلمتي الشوون ماحد فاضي يسمعك الا نااااااااااادر
انا اتكلم بصراحه معاكي
غير هذاا
كل اللي يصير قله الوزع الديني ومافي رقابه

[solaaa]

الانسان ادا ماكان عندو وازع ديني وخوف من رب العالمين عمرو ماحايبعد عن الغلط

مهما العالم اتكلم وطبق عقوبات وقرارات

الله يستر علينا وعلى جميع بنات المسلمين

[Hoofa]

اولا اشكرك اختي على هذه المبادرة والله يكثر من امثالك ~
حقيقة وضع بناتنا مؤسف للغاية ومن امن العقوبة أساء الادب ~
المفروض يكون هناك عقوبة تضعها الجامعة لكل امثال هؤلاء البنات ~
حتى لا يتدهور الوضع اكثر ويكون شئ جداً عادي ~
هؤلاء البنات راح يكونو امهات المستقبل ~
فكيف راح يكون حال ابنائهم ~
نسال الله السلامة والعافية ~

[Noha Sweet]

لأاتقوليلي اجانب ورفقة سوء و و و...
اللي تسوي الغلط تسويه وهيا بكامل قواها العقليه ومقتنعه فيه وحاباه كمان ماحد جبرها
واعتقد الغالبيه يسافرو ويطلعو برا الشذوذ هنا افضع من اي شي ثاني !!
ماازيد ع اللي قولتيه كلامك سليم
للاسف السمعه صارت انو مجتمع شاذ ومايحترم اللي اقل منو
مااقول غير الله يهدي الجميع
للاسف الشر يعم وهذا اللي يقهر!!
الله يلطف بحالنا:(

[الأوركيد]

الله يهديهم إلى طريق الصواب

[skh]s]

..........
كنت أستغرب ليش الردود قليل..!!
لكن لما جيت أكتب ذحين عندي ألف شي بقولو وحاسة مني قادرة أكتب زي الناس..!!
لعظم الموضوع!!
أولا جزاكي الله ألف خير لأنك كتبتيه..
أصلا هذا أهم موضوع..
شي يقطع القلب تقطيع..
المبكي إنو سارت مفاخرة ومباهاة يعني ذي البويا تمشي بكل ثقة وكل الناس تطل فيها يعني كأنها الصح..
بالعكس يحاولوا يتقربولها!!..
والله كانت معانا وحده كذا استغفرالله شخصيتها سخيفة بمعنى الكلمة تقول أشياء تبكي من السماجة وكل البنات يضحكولها..!!!..
وتسوي حركات تبكي من الهبالة والبنات فرحانين ويتفاعلوا معاها!!
حتى مرة كانت تتفاخر إنها غشت في امتحان ولما جيت أتكلم انحرجت واضايقت ع طول البنات قاموا يفزعولها لا هاذي مساعدة تعتبر مدري إيش ويؤيدوها !! وطلعت انا الغلطانة والمعقدة!!..
هذا ولا شي لكن اللي بقولو إنو ساروا البويات يمشوا بفخر وكنهم مسوين شي صح ويالطيف هاذي فيها لعن @_@"..
* الشي المحير جدااا ليش مافي عقوبة رادعة لمثل هذي الفئة؟!!! ليش الجامعة ساكتة عليهم ونشوف المرقعة والمسخرة عيني عينك ومحد يتكلم؟؟؟!!! اشياء غبية يسحبوا عليها البطاقة ويسسوا نظام وهاذي اللي أشد محد يسوي شي!!!..
بصراحة الموضوع فيلو إن...!!
كمان انتي نقاشتي نقطة مهمة حقة خروج البنات من الجامعة للكافيهات والمولات وكذا فعلا شي محزن..
وافتكر شفت موضوع عن التاكسي انو البنت زعلانة انو مسكها الامن وماعندها تصريح وأغلب الردود معصبة وتقول تعقيد وتشدد!! سبحان الله من الصياعة والبلاوي اللي تسير يسووا كذا ..
يعني الغريب انو يشوفوه تعقيد وتشدد!!...

[solaaa]

وافتكر شفت موضوع عن التاكسي انو البنت زعلانة انو مسكها الامن وماعندها تصريح وأغلب الردود معصبة وتقول تعقيد وتشدد!! سبحان الله من الصياعة والبلاوي اللي تسير يسووا كذا ..
يعني الغريب انو يشوفوه تعقيد وتشدد!!...[/quote]


ليه التفكير السيء عن كل البنات احنا ماحطينا دا الموضوع الا لاننا متضررين وماعندنا احد

يوصلنا وبنسأل كيف نطلع تصريح وايش الاجرائات الي حتسير

ليه التفكير الاعمى والظن السيء لو وحده فيكم كانت مكاني ومحتاجه احد يوصلها ماكان فكرتوا

كدا حرام عليكم ياناس

وحطوا في بالكم الي تبا تدشر وتصيع ماتعوقها سيارة ليموزين ولا اهل ولا نظام الجامعة بكبرو

الي تبا الدشره تدشر لو مشي برجولها واعيد وازيد الي ماخاف ربو ماحيخاف من الناس

احذروا من الظن السيء (إن بعض الظن اثم)

الكلام موجه لكِ ولصاحبة الموضوع ربنا يسامحكم

[Blair]

والله يا اختي كلنا زعلانين على هالحــآل بيدنا نوقف البعض
لكن مانقدر نوقف الناس بالمملكه كلها او حتى بجده
لانو الفساد من علامات يوم القيامه الله يستر
لكن مانقول الا حسبي الله
الله يهديهم يارب
لكن مايقهرك الا يوم تجي تنصحي بويه وتقولك مالك دخل.. انا حره.. هذي حياتي
الله يهدييهم
رددو : الحمدلله الذي عافانا مما ابتلاهم وفضلنا على كثير من العالمين

[m....m]

جزاك الله خير على الموضوع وبجد ياليت البنات والعيال يصحو من غفلتهم لمتى وتعصو ربنا مااقول غير الله يهيدهم ويستر عليهم
انا احمد ربي انو انتساب ومااحسب اخلص الدوره 3 اسابيع لانو شي يقرف ومخزي بس الله يهيدهم
اللهم عافني مما ابتليت به كثير من الناس
عجتني هالنقطه وياليت تتطبق
- توظيف طالبات يعملون لحساب هيئة الأمر بالمعروف والنهي عن المنكر
بس سؤال محيرني وين اهلهم عنهم عاجبهم وضع بناتهم واولادهم كذا ومافي خوف مافي غيره مافي حياء اذا مايسحتو من الخالق يستحو من الخلق والسمعه
على قولة اهلي الي مايخاف من الله يسوي اي شي
الله يستر علينا ويهديهم

[Patricia]

والله ياأختي الناس اللي بتعمل مثل هالتصرفات ، مو محتاجة أحد يعلمها
لأنهم على علم بأن اللي قاااعدين يسوونه لا يرضي لا الله ولا رسوله ..
يعني هم مايجهلون بحكم هالأشياء .. لكنهم غرقانين فيها ومبسوطين بحالهم ..

وبالنسبة للبصمة أو غييره ، اعتقد نظام القمع غير مجدي بالعكس ممكن يزيد الأمر سوء
داااخل الجامعة ويتضاعفلنا عدد البويات ..

عموما ، البنت أدرى بمصلحتها ومافي أحد يتعذر بجهله لهالأمور .. وكل إنسان لازم يتحمل نتيجة تصرفاته
بالنهاية كل شي وله ثمن ..