وظائف للمعيدين والمعيدات-والمحاضرين والمحاضرات بكلية العلوم والاداب بخليص

[سبحان الله]

اخ ياقلبي اش اقول
الله يوفقكم ويجبرني في مصيبتي ويعوضني خيرا منها
ماتتخيلوا انواع الإشكاليات وانا اعبي ملفي
لازم صور كل شهادات دوراتي
لازم طبق اصل
لازم تعريب
وربي في ملفي مو اقل من 40 ورقة
(ماشا الله..........لكن وربي ان كثر ورقي سبب احباط كل من مسك ملفي يقولون اش هذا حشا بتقدمين على الوازرة !!!!!! )
لاروحي سوي ورقة طلب وظيفة

خلصنا الملفات
تعالي يامواصلات

دبرنا المواصلات
ووصل الملف

الساعة واحدة يجيني خبر ان الكلية ردت الملف ورمته عند باب الكلية واستلمه الحارس (اللي جبنا رقمه عشان نتأكد وقالنا فعلا ملفاتكم عندي وتراها في بيتي ...... مو خلص الدوام شالها المسكين معاه)

ليش
يقول كل الملفات بلا هوية طلعوها
طيب انا حاطة بطاقة العايلة
يقول لازم صورة الهوية

اصلا انا مااحط صورة هويتي لأني اتوقع البطاقة العائلة اشمل واعم
والموجود في الهوية رقمي موجود برضو في البطاقة

وكل تقديماتي بالبطاقة
صح اني وقت المقابلة يسألوني واطلع هويتي
بس ماعمر ملفي انرمى عشان مافيلو هوية !!!!!!!!

سألت الحارس عن الدكتورة قال اسمها (عبير وقاف) كأني سمعته وقاف رحت ادور في النت لقيت عبير وقاص دكتورة في الكلية

فاللي تعرف مين عميدة خليص او اي رقم ابغى اتواصل معاهم
ابغى ملفي يوصل
ولمن يوصل ينقبل او ماينقبل شي ثاني ماحيسير وقتها الا اللي ربي كتبه لي
لكن احس لسا في جهد ماسويته


مو معقول اسكت على كذا
اي واحدة فيكم لاتسكت
لازلت اؤومن رغم كل الإحباطات ان فيه مشوار مامشيناها وجهد ماتعبناها بيننا وبين اقدارنا
ماحد تجيه وهو نايم في سريره
لازم الجهد عشان تستحقين النعمة

اقولها لي ولكم (كلمة اخت) رجاء لاحد يزعل مني


فير
الله يكتب الخير حيث كان
ويعطيك حتى ترضين


احلام الغد
الله يسعدك ويكتب الرزق الهني
ويستجيب ربي لدعائك وابشرك
الله يوفقك

انجليزية ورائدة المستقبل ماجدولينا
والله مدري هو كان الين الربوع
لكن مافيه شي ثابت
يمكن يمددون
يارب يمددون واقدر اشوف حل لمفي
لو معزمة تروحين ارسلي لي على الخاص ابغى منك خدمة
لكن كيف حتلطعي وانتي مو متأكدة


kaname

الله يعوضني خير
ويوفقك وييسر امرك


فريش ووتر
عندك لينك الكامل موفقة باذن الله

ام تيم ونارا
والله مدري كل الملفات والا بس ملفي


ماري
لاتصرين على شي
لعلمك امس من زعلي رحت صورت بطاقتي وارفقتها ورى بطاقة العائلة
اصلا انا من كثر ماقدمت سرت شاطرة في تجهيز الملفات
مااقولك سار 40 ورقة
عندي ملف عاملة عليه اكس
هذا كل ماقالوا تقديم
اخذت منه صورة
وكل ماقالوا حاجة جديدة
رحت زبطته زيادة
اخرتها حطيت بطاقة وهوية (غباء مو) وش اسوي اذا كانوا هم اغبى

EEEEEEEEE

وقت الإختبار او المقابلة لاززم هويتك انتي مو بطاقة العائلة


مطلع الفجر
على يدك الخير
هاتي رقمهم
هذي اللي ينطبق عليهم قول( من امن العقوبة)
ومن اساس طريقتهم غللللط
المفروض التقديم اون لاين
اكثر مصداقية واريح للكل

[نور الحجاز]

الساعة واحدة يجيني خبر ان الكلية ردت الملف ورمته عند باب الكلية واستلمه الحارس (اللي جبنا رقمه عشان نتأكد وقالنا فعلا ملفاتكم عندي وتراها في بيتي ...... مو خلص الدوام شالها المسكين معاه)

ليش
يقول كل الملفات بلا هوية طلعوها
طيب انا حاطة بطاقة العايلة
يقول لازم صورة الهوية


أخت سبحان الله ممكن تنزلي رقم الحارس عشان نتأكد إذا ملفاتنا عنده ولا لا لأني وضعت صورة كرت العائلة , إذا لم تستطيعي هنا فالرجاء إرساله على الخاص رزقي الله الوظيفة التي فيها الخير لك من حيث لا تدرين ولا تحتسبين

[همة همة همة]

المشاركة الأصلية كتبت بواسطة نور الحجاز الساعة واحدة يجيني خبر ان الكلية ردت الملف ورمته عند باب الكلية واستلمه الحارس (اللي جبنا رقمه عشان نتأكد وقالنا فعلا ملفاتكم عندي وتراها في بيتي ...... مو خلص الدوام شالها المسكين معاه) ليش يقول كل الملفات بلا هوية طلعوها طيب انا حاطة بطاقة العايلة يقول لازم صورة الهوية أخت سبحان الله ممكن تنزلي رقم الحارس عشان نتأكد إذا ملفاتنا عنده ولا لا لأني وضعت صورة كرت العائلة , إذا لم تستطيعي هنا فالرجاء إرساله على الخاص رزقي الله الوظيفة التي فيها الخير لك من حيث لا تدرين ولا تحتسبين

وانا بعد ارسلي لي رقم الحارس على الخاص
خليني اسأله عن ابني الدبدوب الخضراوي كيف حاله ؟