كم؟ طب

[ahmed_alolyan]

ايش التحطيم هدا يا شباب

البنت جايه عشان ترفعو معنوياتها وانتو تقولولها انسي الموضوع

على فكره الاحياء اللي اخدناه احنا اصعب بكتير من اللي ياخدوه في الطب (( الدكتور قلي هدا الكلام ))

يعني احنا اخدنا منهج كبييييييييير في ترم واحد لاكن في الطب حيكون تدريسه بشكل مرتب ومو بالسرعه هدي

تاني شي لا تنسو انو هدي اول سنه اكيد حيكون فيها صعوبه يعني اغلب الطلاب يجو اول سنه ماهم متعودين على نضام الجامعه لكن السنه الجايه ان شاء الله تمشي وتتعودو على الوضع

انا اخويا دخل صيدله ورسب اول سنه لكن بعد هدي السنه شد حيله ودحين الحمد لله اتخرج وطلع بامتياز وكمان طلع نجم الكليه

انا بصراحه درجاتي ما تأهلني اني ادخل طب انا ابغى هندسه بس بأقول هدا الكلام عشان مافي شي مستحيل

ماهي مستحيله انو احد مننا يطلع من المتميزين في الجامعه ويدخل الطب بجدارته واجتهاده ومافي شي صعب

يعني العدد اللي حياخدوه في الطب برضهم بشر زينا بس الفرق انهم اجتهدو اكتر ويستاهلو انهم يدخلو الطب

وسيبوكم من التحطيم هدا ترى الدنيه هدي مافيها شي صعب

بالنسبه لعدد الطلاب اللي حياخدوهم صراحه ما اعرف وما سألت لأني انا ما ابغى ادخل طب لاكن اللي امله في الله كبير وحاب يدخل ممكن يسأل المسؤولين امكن في عمادة القبول والتسجيل تحصلو الجواب

والله يعين الجميع يا رب

[Dido]

على حسب اطلاعي هناك عدد لا بأس به متفوقين في موادهم العلمية
عندي طالبة متفوقة جدا بس ما تبغى طب!!!

[عيون الغرام]

انتــــــــــو لسه مافهمتو النظام .......

ههههههههههه .....

قفلو ادانيكم ....

لاتسمعو شي احسلكم ...

النظام هما ماهم عارفين ايش يسوو ...

ماتشوفوهم متخبطين كل يوم بقرار ....

لاتتعبو نفسكم دحين ... خلو كل تركيزكم في المزاكره احسلكم ...

عاد نهايه الترم يبان ازا 450 الي حيخشو الطب ... والا ازا كان 450 عدد الطلاب والطالبات الي راح يبقو في الجامعه

ههههههههههه

[Onster]

الله يوفقك ويسهل عليكي


وان شاء الله تدخلى طب


وخلي أملك بربك كبير


وشدي حيلك وان شآء الله بتدخلى طب


سبيكي من كلآمهم والتحطيم دآه

لآنه كل فترة وفترة تطلع قوآنين جديدة

وعلى قولتهم نحنآ فئرآن تجآرب كل شوي قوآنين جديدة

يعني لآتفكري دحين كم يآخدوآ

أنتي دحين شدي حيلك وتوكلي على ربنآ

وبالتوفيق يآرب نشوفك دكتورة ^ـ^

[kingdedo]

والله كان عندي امل لما دخلت المووضوع وشفت الهرجه



بس اتحطمت مع هرجه الدرجات


ياربييييييييييه

ليش كده بس يحطمونا..

ااااااااااااااااااااه ياربي ارحمنا

تحياتي