مشكله العـــــــــنوسه ماهي اسبابها!

[Qotaiba HBK]

يعطيك العافية صقر ع الموضوع ..

العنوسة والعزوبية أسبابها كثير وممكن تكون من عند الولد او البنت والاهل بشكل عام خصوصا والد البنت لما يكون شايف نفسه زي اذا جاء الولد يتقدملها قاله ايش ترجع وايش تشتغل وكم راتبك وفين بتسكن بنتي والمهر ما ينزل عن 50 ألف وايش الملكة تكون في استراحة فخمة والزواج في أحسن قاعة ويا شينه بعد لا جاء يتكلم ويتشرط ويقول مانبغى معازيم كثير وبعد كل هذا ببساطة يقول والله ما ناسبتنا وتجلس بنته في حلقه وبعض الاحيان تلاقي البنت نفسها طلباتها كثير وتبغى كل شيء بس يطلع الرجال امكانياته محدودة وعلى قد حاله وبالاخير تقول خلاص بطلت ما أبغى أتزوج والاولاد كثير منهم نفس الحكاية بالذات اذا جاء أبوه يشجعه ع الزواج وكان هو اللي زوجه ودفعله كل شيء لا تزوج تلاقيه اسوء من قبل وتلاقي خرجاته ما حليت إلا بعد ماتزوج وزوجته هذي تلاقي ما يسأل عنها خير شر وكل مرة يرميها عند أهلها عشان يفتك من المسؤلية ولا اذا طلبت شيء قالها مني فاضي ولا اذا بغت سوق ولاشيء وداها هناك بعد المضاربة وايش يحط رجله ع البيت وهي وقتها بتقول هذا مو حق زواج واكثر هالصنف من الاولاد دايم اللي يكونوا عاطلين تلقى ما وراهم الا الكسل والمشاكل من الفضاوة ودايم اللي وضعهم كذا نهايتها طلاق وفي مشاكل ثانية بعض الاحيان تكون من الفحص الطبي اللي قبل الزواج يكون هو عنده مشكلة او هيه فخلاص ما ينفعوا لبعض ويفترقوا وكل واحد في طريقة وهاتك يالليل وحتى برامج التوعية اللي سووها لهم قبل الزواج وهي طبعا إلزامية بس أرجع وأقول في كثير منهم ماخذينها استهتار بس من الاخر أنا أشوف السبب الرئيسي دائم من الاهل نفسهم وشروطهم هذي مالها أول ولا اخير ويوم الواحد يفكر يتزوج اجنبية عشانها أرخص ودايم ما عندهم انت ايش ترجع ومن هالكلام بس شخصيا ما أرشح هالفكرة بتاتا لأسباب أمنية

وإذا عندي اي اضافة اخرى بارجع اقولها لاحقا ..