يا جماعه اقروا الموقف المضحك المبكي دا اللي سار معي

[Mora]

يا جماعة انا اليوم ابغى اقولكم على موقف سار معايا يوم اختبار الاحصاء و ابغاكم تقولولي رأيكم و اكيد احد منكم رح يقول: هادي غبية او هبلة او مسطولة من الاختبار...
الموقف دا سار بعد ما خرجنا من الاختبار, كنت واقفة مع صاحبتي نناقش التخبيص .. جاتنا وحده بنت -لا اعرفها و لا تعرفني و لا عمري شوفتها-
سألتنا و جهها كلو هموم: يا بنات في أحد منكم عندو آلة حاسبة؟؟ عشان انا نسيت آلتي
قولت: ايوة عندي آله,, و طلعتلها آلتي (عاملة فيها كريمة و شهمة هههه)
قالت: طب تستنيي الين ما اخرج من الاختبار؟؟
قولت: ما اقدر استني ساعتين.. لازم ارجع البيت.. تقدري ترجعيها بكره (مررررره طيبة)
قالت: طب فين حتكوني بكرة؟
قولت: اه نسيت .. انا عندي بكرة اختبار احياء في مبنى 420 , يعني ما رح اكون هنا
( البنت وجهها مرررررررره يحزن)
قولت باندفاع: خلاص عادي تقدري ترجعيها يوم السبت .. ما رح احتاجها في الاحياء
قالت: طيب اديني رقمك عشان اكلمك يوم السبت (اديتها رقمي و ما اخدت رقمها)
قالت: مررررررررررررررررررررره شكرا (تحزن حتى و هي بتقول شكرا)
قولت: عادي يا شيخه .. ولو!!!!!!
راحت البنت ,, (و انا الغبية المتخلفة ,, من طيبتي الزايده لا سألت عن اسمها و لا اعرف رقم جوالها)
و اليوم عدى و ما دقت عليا
والله اكيييد اغلبكم حيحط الغلط عليا .. بس انا تعاملت مع البنت على اساس اني لو كنت مكانها كنت رح ارجع الآله و على اساس انو القاعده في الناس انهم صادقون و الاستثناء انهم يكذبون ... هل انقلبت الموازين؟؟
صاحبتي تقولي: ودعي آلتك ما رح ترجعلك... اكيد البنت ما رح ترجعها...
قولتلها: انتي قلبك اسود و بتظني ظن السوء... انا عشان نيتي صافية عملت اللي عملته
تقولي: لا يا حبيبتي... انتي هبلة محد يتعامل مع الناس كده
انا:
بالله عليكم قولولي رأيكم و قولولي ايش اقدر اسوي؟؟ هل عشان انا على نياتي رح ادفع الثمن؟؟؟
آلتي وحشتني هيا موجوده معايا من سنه اولى ثانوي و عمرها ما خانتني و حلت غلط انا كنت قاسية معاها ما كنت اعاملها بلطف.. كنت اطيحها من يدي كتييييييييييييييييير ... (في مره طيحتها من الدور التالت اليييين الدور الاول في المدرسه... بس والله, الله يحفظها اشتغلت 1+2=3)
ملاحظة: آلتي شكلها مميز.. عليها ستكرز على شكل قلووب لونها فوووووشي.. تعبر عن شخصيتي البلهاء
لا تنسوا تقولولي ايش رأيكم و ايش اقدر اسوي.... و آسفة اذا طولت عليكم

[ROoOFaNA]

اعطيتيها من باب المساعده
ومأجوره ان شاء الله لمساعدتك لها
ولا تسئ الظن بالناس
يمكن البنت نسيت تجيبها
عشان كده ماجات تشوفك
وانتظري كم يوم
وشوفي
ان شاء الله
ترجع لك هيا

[Mora]

المشاركة الأصلية كتبت بواسطة النور السعودي اعطيتيها من باب المساعده ومأجوره ان شاء الله لمساعدتك لها ولا تسئ الظن بالناس يمكن البنت نسيت تجيبها عشان كده ماجات تشوفك وانتظري كم يوم وشوفي ان شاء الله ترجع لك هيا

الله يسمع منك ... كويس لسه الدنيا بخير.. شكرا يا النور

[نهوله]

المشاركة الأصلية كتبت بواسطة النور السعودي اعطيتيها من باب المساعده ومأجوره ان شاء الله لمساعدتك لها ولا تسئ الظن بالناس يمكن البنت نسيت تجيبها عشان كده ماجات تشوفك وانتظري كم يوم وشوفي ان شاء الله ترجع لك هيا

كلامك درر انا معك صح كلامك النور السعودي.

[Bo0oZy]

خخخخخخخخخخخخخخخخخخخخخخخخ

على قد ما المووضووع مهم بالنسبالك .. حسيت انو لازم اضحك



يعني ما احلاكي .. شوية وتكتبي قصيدة رثاء في التك

مورة ترثي آلتها << الخنساء ترثي اخوها ككككك



شوفي يابنتي .. اتوقع لو انك تطبعي ورقة صغيرة وتلصقيها عند المبنى حق اختبار الاحصاء .. وتكتبي فيها انو التك ضايعة وهدي مواصفاتها .. او البنت اللي فشختها ترجعها بالطيب .. او شي زي كدا ،،

ولا تروحي تدوري على البنت بنفسك ،، بس انا مستغرب كيف بعد الاختبار وجات تختبر ؟؟

يعني عادي لو جات متأخرة يدخلوها بعد ما يخلص الاختبار ؟؟؟؟

ولا هيا كان اختبارها فيزيا مثلا ً أو شي ؟؟

شوفي اذا كانت نفس خطتك حطي احتمالات فين ممكن تلاقيها ،،

واذا خطة تانية برضو نفس الشي ،،


وفي النهاية الله يعوضك ،، وانا لو مكانك حتصرف زيك ،، انا احزن على الوجيه الحزينة .. دايما ً احط نفسي مكانها واتخيل نفسي كيف اكون محتاج اي احد يساعدني ،، عشان كدا احب اساعدهم .. لكن صح انتي طيبة بزيادة .. لكن يعني كلها في النهاية الة حاسبة !!


ووالله ضحكتيني من قلب خخخخخخ

[ٌRoSe]

هو على الاغلب انها نسيت ترجعها فان شاء تفتكر في هذا اليومين

ولا تندمي ياقلبي على خير سويتي ابدا

بس المرة الجاية لا تنسي تاخذي على الاقل رقمها

وان شاء ترجعلك آلتك سالمة غانمة

بالتوفيق يا عسل

[أحلى أروما]

ههههههههههههههههههههههههه

ياقلبي عليكي يامورا

حبيبتي إنتي زيي تمااااااااااااااما

هو صح إحنا نقدر نشتري آلات الحمدلله
بس على قولتك لها ذكريات معانا


بس برضو أقولك خليكي زي ماإنتي ولا تظني بالناس زي ماقالت صحبتك
تحسبي أجرها عند الله
ومافي شي إلا ورح يتعوض

إذا مو في الدنيا في الآخره

فديتك ياقلب أختك

[.SuperGirl]

ههههههههه
والله انك رهيبة
كمان لونها فوشي
روحي اشتريلك وحدة تانية احسن لك
اصلا اختبار الاحصاء كان على دفعتين؟؟؟
انا الي اعرفوا انو الجدول موحد لكل طالبات الخطة ب!!

[Mora]

لا بس اعتقد انو البنت ما هي طالبة في السنة التحضيرية... عشان كدا موعد اختبارها كان بعدنا

[.SuperGirl]

اهااا
لا مدام كدا ان شاء الله ترجعلك
وانا ادا شوفت آلة فوشية وعليها قلوب اقولك
ولا اكلم لك البنت