متى أستطيع تغيير الحالة من مستمر بالدراسة الى(((متوقع تخرجة)))

[ضيدان]

المشاركة الأصلية كتبت بواسطة السموح وش فايدتها متوقع تخرجة ؟؟؟ ارجو الافادة

تغيير الحالة إلى طالب متوقع تخرجه
اول فائدة لها تسمح لك بتسجيل عدد ساعات اكثر في ترم التخرج
اذا كان المعدل التراكمي جيد يسمح لك تسجل الى 24 ساعة للتخرج
غير كذا احتمال ان حالتك الدراسية تشفع لك عند بعض الدكاترة!
هذا غير ان تغيير الحالة متطلب للتخرج على شان يطردك نظام الخدمة الالكترونية بعد ترصيد درجاتك في ترم التخرج ويعطيك رسالة ( حاصل على البكالوريوس ) وتجميع المتوقع تخرجهم وتجهيز امورهم بين الكلية وعمادة القبول والتسجيل!
هذا اللي اعرفه واذا فيه اي اضافة او شئ خافي ما حضرني اكيد الاخوان ما راح يقصروا معك
بالتوفيق ان شاء الله

[أبو نجلاء]

المشاركة الأصلية كتبت بواسطة ضيدان لازم تروح لجدة شخصيا او تفوض شخص ينهي اجراءات تحويل الحالة الدراسية يكون معه التفويض الاصل وصورة من بطاقة الاحوال وجواز السفر والبطاقة الجامعية ونموذج طلب التخرج ويتأكد من تسجيل الاسم صحيح باللغتين العربية والانجليزية والرقم الجامعي ( اللغة الانجليزية مطابق لاسمك بجواز السفر ) اول ما يروح كلية الاقتصاد والادارة ( الشؤون التعليمية - المبنى المقابل للكلية ) وبعد ما يختمون له النموذج يوديه لعمادة القبول والتسجيل بالدور الثاني عند مشرف الانتساب بالتوفيق ان شاء الله

بيض الله وجهك يابو فيصل ..... ماقصرت .... فكيتنا من التحويل ... الله يجعلها في ميزان حسناتك ومشكور ....
بعدين انا اتوقع اليوم تطلع التحليل التنظيمي .....هههههههههههههه
وتقريباً ما راح تتعدى بعد العصر ....
تخبر توقع الرجال اللي انت خاااابر ....

[ضيدان]

انا اشهد ابو نجلاء ... خابر بلاوي .. بس احلى بلاوي مرت علي بحياتي الجامعية

بعدين وينك مختفي لك كم يوم؟ لا يكون بسبب الطريق ههههههههههههههههه

والله مشوار من جدة للدمام هههههه

قايل لك ما عليهم معتمد الخطوط!

المهم الحمدلله على السلامة وحاظرين للطيبين

وان شاء الله اذا جيت بروح استلم الوثيقة بكلمك

اذا يمديني قلت لك اعمل لي وكالة وابشر بسعدك

بالتوفيق ان شاء الله وعقبال ما تفرحنا بخبر تخرجك الرسمي

[أبو نجلاء]

المشاركة الأصلية كتبت بواسطة ضيدان انا اشهد ابو نجلاء ... خابر بلاوي .. بس احلى بلاوي مرت علي بحياتي الجامعية بعدين وينك مختفي لك كم يوم؟ لا يكون بسبب الطريق ههههههههههههههههه والله مشوار من جدة للدمام هههههه قايل لك ما عليهم معتمد الخطوط! المهم الحمدلله على السلامة وحاظرين للطيبين وان شاء الله اذا جيت بروح استلم الوثيقة بكلمك اذا يمديني قلت لك اعمل لي وكالة وابشر بسعدك بالتوفيق ان شاء الله وعقبال ما تفرحنا بخبر تخرجك الرسمي

بيض الله وجهك وانت راااعي الاوله ....
وانت دايم ذخر لي وللجميع واعرف انك ما تقصر مع اي احد ...الله يوفقك وانا اخوك ...
بس ودي ارد لك الجميل اذا بغيت استلام الوثائق انا اللي بستلمها عنك واجيك واسلمها لك في الرياض واحب خشمك وابارك لك بالتخرج ....

[ضيدان]

ما اقدر يا بو نجلاء

لازم اروح بنفسي

لازم اعيش اللحظة

لازم ارمي العقال بالسماء عقب ما يعلنون ان حنا تخرجنا (مثل اللي ينطلون طواقي التخرج)

بعيش دراما للحظات ... تبقى معي طول العمر

ارجوك لا تحرمني من هذي اللحظات

المخرج عاوز كده

ادري والله يابونجلاء انك ما تقصر ولا حنا هنا نجرب بعض! والنعم فيك وين ما كنت والله

[abuyeara]

يحق للطالب البدء في إجراءات التخرج بتغيير حالته الدراسية في الفصل السابق لفصل التخرج من منتظم الى متوقع تخرجه.



الية الحصول على وثيقة التخرج :

أن يكون الطالب قد أنهى متطلبات التخرج بالكلية المعنية وحسب شروط القسم بمعدل تراكمي لا يقل عن (2 من 5)

يحصل الطالب على النموذج من موقع العمادة على الانترنت أو مسجل الكلية .

اعتمادها من قبل الكلية وختمها من القسم .

تسليم الاستمارة لمسجل الكلية بالعمادة مع صورة واضحة مكبرة لبطاقة الأحوال المدنية .

[gahtaa0h]

المشاركة الأصلية كتبت بواسطة albadr ليش حاط استطلاع بالله يعني هي معلومه ثابته تحط استطلاع ليش اعتذر ماراح ارد على سؤالك

انا حطيت استطلاع علشان اللي مايبي يعلق على الموضوع تكون النتيجة سهلة لي وللجميع ..

أما أمتناعك على الرد فأنت حر وانا أخوك ... وكان أفضل لك ريحت نفسك مانبي تعبك...تحياتي لك يالبدر


أما جميع من علق على الموضوع أو شارك بالاستطلاع وافادنا بمعلومة فله مني الشكر
وتمنياتي للجميع بالتوفيق