شروط الإبتعاث الخارجي للمرحلة السابعة

[eng-alqaidy]

المشاركة الأصلية كتبت بواسطة إشراقة أمــل ياناس انا ابي اعرف اجيب قبول من معهد لغة وجامعة والا بس معهد بعدين هل ضروري اجيب الفبول قبل التقديم الالكتروني والا بعد الله يخليكم ردوا ع الاسئلة عشان يمديني ارتب وضعي قبل شهر 8 واي شي يحتاج توضيح قولولي عليه

إشراقة أمل إنتي ماتعملي شي..انا بوضح لك بعض النقاط المهمة ..اول شي بيفتح التقديم في شهر ثمانية تقديمي على موقع الوزارة

ثاني شي.حاولي تنتبهي ان يكون جواز السفر مجدد عشان لايعيقك اثناء استخراج التأشيرة

بالنسبة للقبول .. بعد ماتطلع الاسماء النهائية للمقبولين.. الوزارة تجيب لك قبول طبعا نوع القبول اللي يحضروه لك الوزارة يكون قبول لغة لانه قبول الجامعة ماحد يقدر يحضره لك الا لو عندك درجة اختبار توفل او ايلتس. اذا انتي تبغي تجيبي قبول من معهد معين ممكن بس اهم شي يكون تابع لجامعة معترف فيها في موقع وزارة التعليم العالي..

هذي المعلومات من تجربة شخصيه

أرجو لك التوفيق..

[رشة عطر]

اول شي مشكور عالموضوع المفيد


سؤالي , وقت ما يفتح التقديم الالكتروني لازم اكون حددت الدولة والولاية والمدينة اللي ابغى اروحها ؟

لأني لسى ما استقريت على شي !

[eng-alqaidy]

[quote=رشة عطر;4227051]

اول شي مشكور عالموضوع المفيد


سؤالي , وقت ما يفتح التقديم الالكتروني لازم اكون حددت الدولة والولاية والمدينة اللي ابغى اروحها ؟

لأني لسى ما استقريت على شي !

[/quote

مرحبا رشة عطر ..
لا مولا لازم تحددي الولاية ولا المدينة فقط تحددي الدولة..
وقت التقديم تختاري ثلاث دول تمثل في رغبة اولى وثانية وثالثة..بعدين هم يحددوا اي دولة انقبلتي..بالتوفيق

[امـــ88اني]

يعطيك العافيه ان شاءالله انا جواز السفر ماعندي
بس انا قريت ان في التسجيل الالكتروني جواز السفر مو ضروري
بس اثناء التدقيق هو الضروري يعني انا قلت اول ماستلم الوثيقه بخرج جواز السفر عشان الاسم يكون مطابق للوثيقه وراح يكون معايا ان شاءالله وقت التدقيق

[eng-alqaidy]

المشاركة الأصلية كتبت بواسطة امـــ88اني يعطيك العافيه ان شاءالله انا جواز السفر ماعندي بس انا قريت ان في التسجيل الالكتروني جواز السفر مو ضروري بس اثناء التدقيق هو الضروري يعني انا قلت اول ماستلم الوثيقه بخرج جواز السفر عشان الاسم يكون مطابق للوثيقه وراح يكون معايا ان شاءالله وقت التدقيق

الله يعافيك. اماني تقدري تطلعيه وتاخذي صورة منه وتعطيه الجامعة يطبعو الوثيقة على نفس الاسم اللي بالجواز..

[إشراقة أمــل]

مشكور أخوي ع التوضيح الله يجزاكـ مليون خير ويوفقكـ يارب

[shada_Ak]

حتى شرط العمر عقدوه كان لا يزيد عن 30 في الماستر خلوه 27

كل مالها الشروط بتتعقد

[ساعدوني رايكم يهمني]

مين عنده خبر جامعات كندا كم تحتاج نجيب في الايلتس؟؟

[عاشقة المستحيل]

مثلا لو قدمت و انقلبت خلاص بس باقي السفر
و حصل لي ظروف انها لازم تتآجل لسنة

هل يصير و لا ارجع اقدم مره اخرى بالمرحلة الي بعدها ؟؟؟؟

[إشراقة أمــل]

المشاركة الأصلية كتبت بواسطة عاشقة المستحيل مثلا لو قدمت و انقلبت خلاص بس باقي السفر و حصل لي ظروف انها لازم تتآجل لسنة هل يصير و لا ارجع اقدم مره اخرى بالمرحلة الي بعدها ؟؟؟؟

يصير تأجلين لمدة سنة
لو تركتيها ومأجلتي مايصير تقدمين مرة ثانية