كيف احسب بالآله في اللوغاريتم ياجماعه ساعدوني ..

[صعب تمتلكني]

المشاركة الأصلية كتبت بواسطة يارب انقبل كملي ياعسل وربي شرحك روووعه ماشاء الله لاقوة الا بالله الله يحرسك من العين يااااااااارب

ياقلبي الله يسعدك
حشرح اليوم التالث بس ياليت لو مافهمتي تقوليلي قبل لا اكمل

[صعب تمتلكني]

البــــــــاب التالث 3.1
معادله من الدرجه الاولى في مجهول واحد
((الصورة القياسية حتكون ax+b=0))
المعادلة لازم يكون فيها طرفين ايمين وطرف ايسر وبينهم علامه (=)
كيف اعرف انها معادله من درجه اولى اشوف الاس حقت x ادا مالها اس يعني درجه اولى ادا الاس ب2 معادله درجه تانيه ادا ب3 من الدرجه التالثه وزي كدا

لنحل معااله من درجه اولى بمجهول واحد
مثال: 5X-20=0 >>دي معادله لانو بين الطرفين (=) من درجه اولى لان x بواحد

اول شي نخلي نعملو انقل (-20) لطرف الايمين عشان بس ابغى بالطرف الايسر معامل x
لما انقلو حتتغير الاشاره ازا سالب اخليه موجب والعكس
حيكون 5x=20 >> انا ابغى بس الx بالطرف الايسر مايمديني انقل ال5 لانو معاها مو لوحدها اقسسم 5 على الطرفين
حيكون 5x ÷5=20÷5
x=4 >> دا الحل بس فضلي بالطرف الايسر x


مثال تاني :اوجدي قيمة x في المعادلة 3x -7=2x +1

نفس الطريقه اخلي المجاهيل بطرف والاعداد بطرف الايمين
حنقل 2x للطرف الايسر وحنقل (-7) للطرف الايمين >> مع تغير الاشارات
حيكون 3x -2x =1+7 >> اطرحي الطرف الايسر واجمعي الطرف الايمين
x =8


معادلة من الدرجه الاولى بمجهول واحد بطريقة الكسسر
حتضربي وسطين بطرفين ((عملية المقص ))
البسط الاول حيكون من المقام التاني والبسط التاني حيكون مع المقام التاني
مثال 8 ص 150::
بعد ماضربنا الوسطين وحتعملي نفس الطريقة تحلي معادله من درجه اولى


معادله من الدرجه الاولى بمجهول واحد بطريقة الجذر ::
(( ملاحظه: اي جدر عشان اتخلص منو اربعه ويطير الجدر انزل العدد بدون جدر ))


مثال 11 ص 151: اربع الطررفين مو بس الجدر لازم الطرفين كلهم يتربعو

حيكون بعد التربيع 2x+3=25 >> اللي تحت الجدر ينزل بدون جدر ولما ربعت (5) طلع 25
اعمل طريقة حل معادله من الدرجه الاولى انقل 3 للطرف الايسر مع تغير الاشاره
واقسم الطرفين على معامل




معادله درجه اولى بمجهووووووولين >>يعني حيكون معادلتين
[/COLOR] وهنا له ثلاث حالات :
1_ ادا كان a1.a2 (=) b1 b2 ادا كان a و b متساويان (( الخطان متوزايان وليس للمعادله حــــل))


2_ادا كان a=b=c ((كلهم متساويين الخطين مستقيمين منطبقين ))

3_ ادا كان a لا تساااوي b ((الخطان مستقيمان متقاطعااان في نقطه واحده ))


ايش يعني الهرج دا

2x+3y+7=0
4x+6y+9=0

دي معادلتين كل اللي تعمليه اللي فوق حتاخديه مع اللي تحتو بالترتيب
يعني 2x اللي تحتها 4x خليه على صورة كسر وبسططي الكسسر لابسط عدد حيكون (1\2) >>دا حيكون a
نعمل نفس الطريقه على b
3y على 6y وخليه على صور كسر وبسططي الكسسر لابسسط شي حيكون (1\2) >>دا حيكون b
ونفس الطريقة على 7 و 9 خليه على صوره كسر وبسطي مايتبسط اكتر من كدا حيكون (7\9)


هناااا شوفي الناتج a زي b
a=b >>حقول الخطان متوازيان وليس للمعادله حل

نفس الكلام بمثال وزي كدا اهم شي تحفظي الحالات الثالثه مثال 14 على الحاله التانيه ومثال 15 على الحاله الثالثه
>>ادا مافهمتيهم اعيدهم واشرح الامثله


طريقه الحدف
2x-3y=1 (دي المعادله 1)
3x+4y=10 (دي المعادله 2)
انتي بتحدفي بين المعادلتين بتحدفي 2x و 3x
عشان تحدفيهم حتضربي المعادله الاولى ب (-3)
والمعادله التانيه تضربيها ب(2) عشان يطيرو x

2x-3y=1 دي حتضربيها ب-3
3x+4y=10 دي تضربيها ب 2

حتكون بعد الضرب
6x+9y=-3-
6x+8y=20

حتحدفيx 6 و-6x
وتجمعي البااقي
17y=17
نقسم الطرفين على معامل y
حيطلع بالنهاااااااااااية =1
تاخدي المعادله الاولى وتعوضي عن قيمه y=1
2x-3(1)=1
2x-3=1 >>>هنا تحلي معادله من الدرجه الاولى تنقلي (-3) للطريق الايمين الاشاره تختلف
2x=1+3
2x=4 >>نقسم الطرفين على 2
x=2



[/COLOR]

[الشامخ999]

المشاركة الأصلية كتبت بواسطة مجنونة بيبي ياجماعه ابغا احد يفهمني نقطه بسيطه في الرياضيات دحين ابغا شي بسيط في الكتاب صـ277 عند مثال (2) حق اللوغاريتم .. ابغا اعرف كيف احسبها بالآله لو جاتني زي فقره 4 و5 و6 و7و8 و9 الله يخليكم فيدوني عشان بذاكر والاختبارات مابقي عليها شي وعشان لاتكسلو حديكم مثال واحد منهم .. log2(32)=5 دحين كيف احسب اللوغاريتم بالـ 2 اللي تحتها والـ 32 بالآله بإنتظار ردكم ..

ركزي معاي اللة يصلحك انا حاولت احل المسأله حقتك ماطلع معي شي بالطريقة الي حطيتيها

بس طلع معي الحل بطريقه ثانيه كيف

اقول لك كيف log2(x)=5

وتحطين في الألة لوقريتم مربعين وتضعين في المربع الاسفل 2 ثم بعد ذلك داخل القوس في الاعلى

تضعين x بالضغط على البا ثم الزر الي عليه قوس( وبعدها تخرجين برا القوس وتضغطين البا ثم اكلاس وتضهر لك علامت = وتضعين 5 ثم بعد ذلك شيفت ثم اكلاس وانتضري ثم اضغطي في النهايه = العاديه وستضهر قيمة x 32

طبعاً هذة الطريقه مع جميع المعادلات الوغارتميه التي يظهر لها مربعين ويكون في الاسفل القيمه
لا تساوي 10 اي قيمه اخرى مثل 2 في الأسفل

اما اذا كانت القيمه الاسفل =10
فنستخدم الوغارتما الثانيه في الالة
ولو تلا حضون للذين يملكون الاله fx-991es

ان الوغرتم اثنتين الاولى في الاعلى وتحسب قيمتها اذا تغير العدد بغير العشره او مربعين اسفل وفوق

ام الاخرى تحسب في حاله واحده اذا اتتك القيمه في المربع الاسفل =10
لان قيمتها اصلاً =10 ولاحضو فوق منها مكتوب 10 با الون البني

ماطول عليك اختي وفقك الله ووفق الجميع

[M!ss Nafo0osha]

بنات احنا الانتساب مو مطالبين نخرج قيمه اللوغرتم فقط نحل المسئله ...

[M!ss Nafo0osha]

بنات الاله ممنوعه منعا باتا الكلام دا من الاستاده اليوم تقول لو دخلت بالاله اي طالبه راح يعتبر محاوله غش .. وتقول ترى طردو بنات كان يدخلوونها معاهم ادوهم محاوله غش ..

[مجنونة بيبي]

مشكور اخويا عالشرح والله يوفقك يارب



اختي كيف ممنوعه ؟؟ خير دي رياضيات مو عربي فين احنا



ايش التخلف دا ؟؟ وربي ناس مو صاحيه .. قال مافي اله قال ..



كيف حنحل الاسئله اللي فيها لوغاريتم وجذور والاشياء اللي تحتاج لآله



ترى لاتصدقي كله كلاااااااااام والترم الاول اعرف صحبتي خطه أ




ودخلت وحلت بيها والكل نفس الحال وخلصت الاختبار على خير



طنشيكي بس .. والله يوفقنا جميعا ياااارب ..

[الشامخ999]

الألة مسموحة بل ضروريه في مادتي الاحصاء والرياضيات والي يقول غير الكلام هذا مو صاحي لانو

طريقة الحل بدون الاله يعني حنجلس نحلها با الطريقه الجبريه

وكذا يبغى لنا 6 ساعات على الاقل ويبغى لنا اقل شي عشر ورقات لكي نحل المسائل

وواتحدى ينجح اكثر من 10 % من الدوره

طبعاً مستحيل الكلام هذا اختي وفقك الله الألة الحاسبه مسموحه للجنسين طلاب وطالبات

وانصح با الألة fx-991es

وفقكم الله

[w000w]

المشاركة الأصلية كتبت بواسطة الشامخ999 الألة مسموحة بل ضروريه في مادتي الاحصاء والرياضيات والي يقول غير الكلام هذا مو صاحي لانو طريقة الحل بدون الاله يعني حنجلس نحلها با الطريقه الجبريه وكذا يبغى لنا 6 ساعات على الاقل ويبغى لنا اقل شي عشر ورقات لكي نحل المسائل وواتحدى ينجح اكثر من 10 % من الدوره طبعاً مستحيل الكلام هذا اختي وفقك الله الألة الحاسبه مسموحه للجنسين طلاب وطالبات وانصح با الألة fx-991es وفقكم الله

صح لسانك اخوي الشامخ
هذا اللي معقدني شلون ادخل بدون الآلة ؟؟
شي غريب
بس اتوقع مانعينها بسبب ان الآلة تحل اغلب المعادلات ويبونا نحلها جبريا
عالاقل نحتاج اللوغارتم
مايصير هالكلام

الله يعينا بس
وبالتوفيق

[صعب تمتلكني]

الباب الثالث 3.2
الاحداثيات المستوية
(x,y) >>
x: يسمى الاحداثي x للنقطه
y:يسمى الاحداثي y للنقطه

الرسمة ص 163 موضح فيها x ,y
لما يقولي مثلي ويديني نقطه ادور كل نقطه من x ,y وامثلها
عندك مثال 2 موضح فيها مااقدر اشرحلك لانو مافي رسمه
ومو متاكده في الاختبار حيجي رسم ولا لا

مثال 3: ارسم المعادله
y=(x)2+1

اعمل جدول واعوض عن x
مره -2 ومره -1 وووونفس الجدول
واحدد كل نقطه بx واحددها على الرسم
وكمان احدد كل نقطه على y


المساافه بين نقطتين يعني يبغى مسافه بين نقطتين هوا كاتبه بالسووال انتي بس حددي مين
x1 , x2 , y1 , y2

دي النقطه الاولى (x1,y1) (x2,y2)دي نقطه التانيه
القانون :
الجدر التربيعي
(x2-x1)+(y2-y1)

ونفس الكلام نقطه المنتصف بين نقطتين بالسوال حيكون في نقطتين
القانوووون
x1+x2\2 y1+y2\2

بس تعوضي


الباااااااااااب 3.3

الصورة العاملة لمعادله خط مستقيم
ax+bx+c=0
a,b,c تنتمتي الى الاعداد الحقيقه
a ,b لا يساوي الصفر

ميل المستقيم له قانوونين على حسب السوال اللي يجيك تختاري القانون
اول قانون :
m=y2-y1 \x2-x1
دا تختاريه ادا كان السووال موجود نقطتين

القانون التاني اللي بالسوال مو كاتب نقطتين كاتب على صوره معادله
ax+by+c=0
مااستخدم القانون الاول لانو هنا المعطيات على معادله
القانون حقها
m=-a\b


مثال :اوجدي ميل الخط المستقيم الدي يمر بالنقطتين
(8,10) (3,5)

استخدم القانون الاول لانو اداني نقطتين

الححل
(x1,y1)= (3,5) x1=3 x2=5
(x2,y2)=(8,10) x2=8 y2=10

10-5\8-3= 5\5=1


مثال 2 ص 172

بالسوال موجود معادله ازا يبغى الميل القانون التاني

3x+5y+3=0

-a\b= -3\5


حوقف هنا لاني مرا تعبت انتي داكري دا ازا مافهمتي شي قولي

[يارب انقبل]

كملي ياعسل الله يعطيك الف عافيه ولا يحرمك من تحقيق اغلى امنياتك