ارجوا المشوره في الجدول

[محمدالزعبي]

السلام عليكم ورحمه الله وبركاته
ياخوان هذا جدولي وياليت اللي عنده خبره في المواد من ناحيه الصعوبه ومن ناحيه الدكاتره الافاضل يفيدنا عسى اخرته للجنه ان شاء الله
التسجيل المادة أسم المادة الوحدات النوع
com 204 aa الرأي العام 3
pad 333 b1 موازنة ومالية عامة 3
pad 334 b1 نظم معلومات ادارية 3
1 pad 341 b1 ادارة محلية 3
pad 351 b1 بحوث العمليات 3
عدد الساعات الفعلية ========> 15

[محمدالزعبي]

...... :( .......

[مستشفى]

حياك اخوي اول شئ من الرياض انت او لا وبعدين اقولك ليه؟
بحوث وعمليات ملخص الطيار فقط لاغير المادة سهل جدا
الموازنة الكتاااااااااب فهم وليس حفظ
ادارة محلية الكتاااااااااااب فهم وليس حفظالبقية مااخذتها
دعواتك

[محمدالزعبي]

ارحب والله ياخوي مستشفى
لا والله ياخوك انا من الشرقيه
سلمت وبيض الله وجهك بس سمعت ان فيه دكاتره يفضل تنزل عندهم وغيرهم العكس
لو تشوف ان احد المواد غير صالحه للاستعمال بلغني ازحلقها :)

[محمدالزعبي]

افا وين الشباب وين التعاون
لاحد يخلينا قبل يقفل الحذف والاضافه

[مساعد99]

الرأي العام مره سهله وانا اخذتها عند الدكتور عبدالقرني واعتقد هو دكتورها الترم هذا ( فرصه للرفع المعدل )

موازنه عامه ماده فى معلومات بس سهله ودكتورها كويس ضيف الله النفيعي

نظم المعلومات سهله تتكلم عن الحاسب ( ماعرف اسم الدكتور )

اداره محليه ماده عجيبه وسهله بالنسبه لى بصراحه متعه

اما البحوث العمليات على كلام الشباب لانها معي الترم هذا

الماده تبي مدرس وتبي اهتمام وحل تمارين .. عشان تخلص بالاختبار باقل من الوقت الاختبار


عموما الجدول متوسط الصعوبه .. بالتوفيق يا أخوي

[محمدالزعبي]

لله يعطيك العافيه والله يابو فهد
طيبت خاطري عسى الله يطيب خاطرك
على كلامك ان شاء الله بعتمد الجدول واتوكل على الله
لاهنت يابو فهد

[مستشفى]

فيه مادة انت اخذتهاااااااا اولا
اذا ماخذتها اقترح و بقوة تاخذها وهي التخطيط الاستراتيجي 332 لسبب ؟
تغييرالدكتور و ما احب يصير مثل ماصار لنا الترم اللي راح عندما كانت عند بالخيور شفاه الله
وترا المادة تحتاج اهتمام كبير يعني مش دكتورها كوييس
اقتراح فقط وانت بكيفك
دعواتك

[محمدالزعبي]

يامرحبا والله يامستشفى ماقصرت جعل الله يطول بعمرك في صحه وعافيه
ابشرك اخذتها الترم اللي فات وعديتها ب 62 وشفت الشباب والاعتراض وكنت ناوي اعترض وتحمدت الله العافيه اني عديتها هههههههههههههه وهونت ماعد ودي اعترض