بترولي سابقاً ، كومة أسئلة بخصوص السنة التحضيرية :)

[بترولي مآكل هوآ]

السلام عليكم ورحمة الله ..

أتمنى إنكم كلكم بخير وصحة وعافية إن شاء الله

كتبت قبل فترة موضوع أني مو مرتاح بجامعة البترول بالشرقية !!
وكنت آخذ آراء الشباب واللي حولي كلهم ، ف لقيت إنو الواحد يرجع لمدينته وعند أهله أصرف له ..


من الآخر : أنا سحبت من الجامعة ( ) .. وبصراحة ما أدري أنا أخترت وقت مناسب أو أني غلطت !؟ لأنو باقي كثير ع بداية السنة الجديدة .

الموهيم .. مثل ما انتو عارفين باقي تقريباً خمس شهور على بداية السنة الجديدة .. و أنا بما أني طالب منسحب من جامعة ثانية فَ بقدّم على الجامعة كأني طالب ثانوية ..

يعني عندي خمس شهور فاضي .. عاطل .. باطل .. <زي صاحب الخطط المدروسة

..

اسئلتي كالتالي :

1) هل فيه إمكانية إني أتجاوز الإنقلش ، يعني ما أدرسه بالتحضيرية !! لأني حسب ما عرفت أنو ياخذ نص الدوام وساعات كثير وقلق ياليت توضحون لي النقطة هذي !! مع العلم إنو إنقليزيتي قوية بس ماني عارف اش اسوي !؟ هل آروح اختبر توفل ؟ أو بس أنتظر لإختبار تحديد المستوى !! وهمّا بيتجاوزونه لي إذا مستواي كويس ؟ وإفرض أني تجاوزته كيف بيصير معدلي !؟ مدري أنتو شوفوا لي حل الله يثيبكم

2) أتوقع إنكم تدرسون حاسب بالتحضيرية !؟ سؤالي برضو إش المطلوب مني عشان آتجاوز هالمادة الغثيثة !؟ شهادة icdl من معهد ؟ او أني مجبور بدرسها بدرسها !؟ مع العلم أني أموت بالحاسب .. بس أكره أني آخذه كدراسة ..

3) كم عدد المواد بالسمستر الواحد .. أدري فيه خطتين ومدري كيف ! بس كم عددها إجمالي !؟
وكم ساعة تقريباً بالأسبوع إجمالي ساعات الدراسة ..!! مع الإنقلش وبدونه !؟

4) السؤال الأصعب والأخطر : كيف أجيب 5 من 5

..

والله شروط كتآبة الموضوع تخوّف .. الله يستر ما اكون غلطت بشيء

الله يعطيكم العافية مقدّماً .. وشكراً جزيلا

[بترولي مآكل هوآ]

سؤال آخير نسيت أكتبه ..

لو مثلا مثلا .. يعني من باب وضع الفرضيآت ، إني بدرس طب !؟

أدرس سنة تحضيرية كاملة .. و بعدها أدرس 7 سنوآت مع الإمتيآز !؟

يمكن سؤآلي غبي شوية !! بس لأني شفت خطة الجامعة لكلية الطب وإنلحست شوي منهآ !؟ إللي فاهمها ياليت يوضح لي ؟

[Majed7]

انا بروح انام .. وأول ما أقوم راح أرد عليك ^_^

[بترولي مآكل هوآ]

نوم العوآفي .. يحق لك والله أسئلتي كثيرة هههههه ،

في إنتظآر قومتك :$

[aboood__2]

برد على بعض الاسئله اللى اعرفها

1- عشان تحذف الانجليزي اختبر توفل ..
2- الحاسب نفس الكلام شهاده مدري ايش من المعهد .. بس تراها ماده عربيه لرفع المعدل
3- عدد الساعات لخطه ب 9 ساعه والمواد (احياء - كيمياء - احصاء ) و لخطه ا (حاسب - اتصال - فيزياء رياضيات )12 ساعه
4- تجيب 5من5 اذا ذاكرت كويس
5- الطب 7 سنوات مع التحضيري والامتياز
اتمنى اني افدتك

[a040404]

1- الانقلش ممكن تحذفه اذا جبت درجة عاليه في اختبار تحديد المستوى الذي يكون في بدايه السنة


2-حاسب حتى لو معك شهادة لا تعادلها لانه لرفع المعدل ومررررررررررررررررررره سهل


3-عدد الساعات لخطه ب 9 ساعه والمواد (احياء - كيمياء - احصاء ) و لخطه ا (حاسب - اتصال - فيزياء رياضيات )12 ساعه

4- عشان تجيب 5من 5 ذاااااااااااكر كوووووووويس

5-حاول تستثمر وقتك.5 شهور تقدر ترفع من لغتك او حتى لو تفل ابوها عشان لما يجي وقت الدراسة تكون نزلت اللي براسك

6- الله يوفقك وين ما تروح واي شي تبيه انا والاخوان اللي بالمنتدى ما راح نقصر

[مين قال ..!]

المشاركة الأصلية كتبت بواسطة بترولي مآكل هوآ السلام عليكم ورحمة الله .. من الآخر : أنا سحبت من الجامعة ( ) .. وبصراحة ما أدري أنا أخترت وقت مناسب أو أني غلطت !؟ لأنو باقي كثير ع بداية السنة الجديدة . متى سحبت ممكن التاريخ ؟؟ اسئلتي كالتالي : 1) هل فيه إمكانية إني أتجاوز الإنقلش ، يعني ما أدرسه بالتحضيرية !! لأني حسب ما عرفت أنو ياخذ نص الدوام وساعات كثير وقلق ياليت توضحون لي النقطة هذي !! مع العلم إنو إنقليزيتي قوية بس ماني عارف اش اسوي !؟ هل آروح اختبر توفل ؟ أو بس أنتظر لإختبار تحديد المستوى !! وهمّا بيتجاوزونه لي إذا مستواي كويس ؟ وإفرض أني تجاوزته كيف بيصير معدلي !؟ مدري أنتو شوفوا لي حل الله يثيبكم والله اانا مانصحك تتجاوز الانجلش لانك لو ضامن الايه بلس يرفع معدلك فوووووق يعني لو تقدر بالعكس في اختبار المستوى لاتحل عشان يحطوك في 2 لانو 1 مايدخل في المعدل بس خسارة فلوس للكتب اما ماشاء الله لو انتا شاطر مرا وضامن انك تجيب معدل عالي في باقي المواد عادلو بس عامتا اانا مانصحك معليش تحمل الدوام واضمن معدل عالي والحاسب نفس الهرجه ادرسو يرفع معدلك مرا 4) السؤال الأصعب والأخطر : كيف أجيب 5 من 5 سوي رجيم عن اللعب واالفله والطعام و بس كل الكتاب اكل تجيب 5 وانتا مبسوط وااذا انتا ذكي ماشاء الله بس ذاكر اول باول واقعد قدام ولاتغيب .. وبالنسبه للطب اوكل التخصصات السنة التحضيرية معدلها داخل ويطلع معاك وتعتبر سنة اولى من اي تخصص عشان كيدا احرص تااخد فيها عالي الله يعطيكم العافية مقدّماً .. وشكراً جزيلا

ههههههههههه الله يعينك كمان غريبه تركت البترول وجيت جامعه الههههههههه

[Majed7]

بسم الله ..

-1-

الانجلش هذي السنه كان فيه اختبار تحديد مستوى .. وعليه يمكن يحطونك في 4 مستويات .!

إذا كان مستواك ضعيف راح تنحط بالمستوى الاول .. متوسط الثاني ويمكن الثالث .. وإذا كان مستواك جيد وكويس راح تنحط بالرابع :)


إذا كنت في المستوى الاول .. راح تدرس إنجلش طول فترة التحظيري ,, وإذا كنت مستوى ثاني راح تدرسه ترم ونص .. مستوى ثالث ترم واحد .. مستوى رابع نص ترم فقط .


حذف الانجلش بـ 3 طرق :-

1- اختبار الـ ( توفل ) الامريكي .. ولازم تجيب فيه 500 على ما أعتقد .

2- اختبار الـ ( آيلتس ) البريطاني .. ولازم تجيب فيه 4.5 .. وأنا حذفت الانجلش عن طريق هذا الاختبار .

3- تجيب درجه ممتازه جدا في اختبار تحديد المستوى ..


المعدلـــــ .. راح يتأثر بحذف الانجلش وغالبا ما يرفع المعدل ,, ولكن بنسبة ضئيله .

لو تدرس المستوى الثاني والثالث والرابع يكون مجموع ساعاتك 6 .. يعني يعادل مادتين من المواد العاديه وأشوف إنو حذف الانجلش راحه وشيء حلو ^_^



--------------------------


-2-

الحاسب نصيحه لا تحذفه .. ماده جدا سهله وضمان الـ a+ فيها سهل برضوا

يعني لو بتحذف حاسب وانجلش أشوف إنو مو كويس لك .. احذف انجلش واترك الحاسب في حاله :)



لكن بالنسبه لحذفه .. عن طريق الـ icdl طبعا ^_^


-----------------------------

-3-

شوف الانجلش عباره عن 4 مستويات .. تدرس مستويين في كل ترم لو كنت بالمستوى الاول ,, والثالث تدرس مستويين بالترم الاول بس - زي ما قلت لك - ..

وعندك خطتين ..

أ : ماث .. فيزياء .. حاسب .. مهارات اتصال - وطنية الجامعه -

ب : أحيـــاء .. كيميـــاء .. إحصـــاء


كل ماده في التحضيري بـ 3 ساعات فقط .. وتعادل 3 ساعات في الجدول برضوا .!



-----------------------

-4-

كيف تجيب 5 من 5 ..

عندك الاحياء لو تحفظ من بدري تضمن الـ فل مارك ..

الـ حاسب سهله جدا .. ممكن تغلط درجه أو ثنتين في أسوأ الاحوال ولكن تجيب الـ a+إن شاء الله ..

مهارات الاتصال .. وطنيــــــه ولا تعليق

الاحصاء .. مادة التطبيق المباشر ,, كلها قانون وطبق ولكن التعقيد الوحيد فيها الاسئله الكلاميه .

الفيزياء .. سهله بس تحتاج شوية تركيز .:)


الماث والكيمياء : كيف حالك يا ولد ..!

لازم تشد حيلك في هالمادتين لانها الاصعب وكاملة الدسم في التحظيري وهيا المحك الرئيسي لاغلب الطلاب .

-----------------------------------


-5-

الطب ..


سنة تحظيريه + 5 سنوات دراسه في كلية الطب + سنة تطبيق في أحد المستشفيات

=

7 سنوات كامله



---------------------


ولو فيه أي استفسار آخر لا تستحي

[ماجي العتيبي 2009]

غلطااااااااااااااااااااااااااااااااااااااااااااااا ااااااااااااااااااااان

[Amo0ol-92]

أنا شايفه الأخوان ماقصروا معاك بحاجه بس حابه أقدم نصيحه لو تختبر توفل أفضل 100 مره من اختبارهم وأضمن إنك تعدي الإنجلش بس لما يعادلو لك ماده يعني ماتحسب في المعدل <<معلومه غبيه بس اتصدمت إنو فيه ناس يفتكروهم لما يعادلو الماده يحسبوها لهم ب100
ثاني حاجه عادل الحاسب بشهادة icdl أريح وأفضل أساسا ماده مافيها الا الغثاء والبرامج اللي أخذتها في التانوي نفسها يعيدوها لك ثاني
والخمسه بيدك إنت تقدر تجيبها بالرااااااحه بس شد حيلك شويه وبإذن الله تدخل التخصص اللي تبغاه
وعذرا للإطاله,,,