حصريا : كل ما يخص كلية الطب & الهندسة .. نبذة شاملة

[Lady Crazy]

مشاء الله موضوع رائع كامل ومتكامل
ان شاء الله الي ناوين يتخصصو طب وهندسة يستفيدو
ناااايس استمرو

[..Huda Hamad]

ما شاء الله .. موضوع حلو مره..

ومجهودكم فيه ممتاز..

يعطيكم ربي ألف عافية..

مسوري <~بأحول معاكي .. أبغى هندسة بس ما فيه أمل ..

[lovely one]

طالب طب في المستقبل جزاك الله خير
بس ممكن سؤال ..... ماذا يقصد بعمود موزون الكليه هل هيا مجموع المواد (الاحياء والكيميا والفيزيا والانقليش ١و٢؟؟
و ازا كان عمود موزون الكليه يقصد بي فعلا مجموع المواد الي زكرتها فوق هل هادي اقل النسب الي قبلت يعني دا جدول احد الطالبات وهيا جابت ٩٢.٦ في الطب طيب ممكن احد اقل منها اتقبل صح ؟؟

[sosaa]

طبعا مجهود ما أعرف كيف أشكركم عليه موضوع أكثر من رائع جزاكــم الله ألف خير

اشكر م.خالد ما قصرت ماشاالله شرحت كل شي والله يوفقك و يعطيك العافية طبعا احنا مالنا بالهندسة للأسف
بالنسبة للدكتور عبد الرحمن طبعا أكثر واحد معطي التحضيري وجه خخخخخخ و مساعدهم و موضوعكــ جدا جدا رائع و فادني مررره كثير و جبتوا في الصميم صراحة ما قصرت بالشرح أحس دخلت جو و أنا أقرأ و اتحمست و انت لفت انتباهنا لأشياء ما كنا نعرفها بخصوص الطب الله يسعدك و يوفقك و يسهل أمرك و يجعلوا بميزان حسناتك و تسير دكتور كبير و نفرح بيك

[M7mmd]

ماشاء الله

موضوع جباار ورائع بمعنى الكلمة يستاهل التثبيت والـ *

فين المعلومات هذي من اول وانا حايس في الاقسام اسأل :d

الله يسعدكم يا دكتور ويا مهندس

---

مهندس خالد 3> ... حركااات :d

ليش ما تكلمت على الـ ie200 ترى هذي مخوفتني من دحين .. شكلها مادة مقرفة

وفينك ياشيخ من اول كنت ابغا اسمع الكلام دا كنت حايس في التخصصات

ورسيت على اثنين, واحد كلمت ناس فيه وفتحولي عيني وعقلوني, وكرهوني فيه .. الله يسعدهم :d

فـ الحمدلله رسيت على دا التخصص ومرتاح له ... يلا سوي دوعاا انتا بس


ps: استعد عشان انتا اللي حتسويلي الجدول وقت ما اجي الكلية بإذن الله



ربي يوفقكم دنيا وآخره .. :)

[lovely one]

نسسسسسسيت و سؤال تاني لو سمحتو
اش قصدو بانقليش ١ و٢ هل يقصد لفلين من الانقليش ولا لفل ١ و٢؟؟ لانو لفل ون كان عدد ساعاتو صفر يعني محا يخش في المعدل كيف حيخش في النسبه الموزونه؟؟؟

[الحلم..!]

المشاركة الأصلية كتبت بواسطة lovely one نسسسسسسيت و سؤال تاني لو سمحتو اش قصدو بانقليش ١ و٢ هل يقصد لفلين من الانقليش ولا لفل ١ و٢؟؟ لانو لفل ون كان عدد ساعاتو صفر يعني محا يخش في المعدل كيف حيخش في النسبه الموزونه؟؟؟

عذرا لأصحاب الموضوع لكن حبيت أوضح هذي النقطة

احنا النظام حقنا مختلف عن السنوات اللي فاتت إحنا حيكون المستويات المطلوبة ( 2 . 3. 4 )

بحيث يأخذ كل مستوى كمادة مستقلة و يقسم على مجموع المواد ^^ للحصول على النسبة العامة أو الخاصة

وبالتوفيق

[خالد9921]

مهندس خالد 3> ... حركااات :d ليش ما تكلمت على الـ ie200 ترى هذي مخوفتني من دحين .. شكلها مادة مقرفة وفينك ياشيخ من اول كنت ابغا اسمع الكلام دا كنت حايس في التخصصات

هلا والله مهندس محمد اليوم توزيع القاب على كيف كيفك !
اممم انا تعمدت ما اخوض بتفاصيل المواد كثير
بقدر ما ادخل بالحوافز وطبيعة الكلية بشكل كامل حتى أزيد همة اللي يبغى الكلية همّه ..
بالنسبة لـ ie 200 شوف حبيبي مادة لغوية اكثر شي
راح يسوو لكم اختبار تحديد مستوى اول الترم لما تتسكن بالكلية .. اختبار انقليش
وكمان مطلوب فيه تكتب عدد من البراقرفات وتسوي بالاول برقراف مقدمة وبالاخير نهاية
عن موضوع بالحياة هما يجيبوه لك زي النت او او .... مرره رايتينق عادي ..
بعد كذا تبدأ محاضرات عادي اغلب شغلها كتابة وتعتمد عاللغة جداااا
المهم مادة يبغالها تعود نفسك عالكتابة بالانقليش فيها ولا يهمك اي شي غيرووه (:
عشان كذا اذا محتاج تقوي نفسك باللغه شوف لها حل قبل ما تداوم بالكلية ان شاءالله ,,
ما عليك نحنو بالخدمة ونجي بالوقت المناسب

استعد عشان انتا اللي حتسويلي الجدول وقت ما اجي الكلية بإذن الله

ابشر والله بس ما اسوي جداول بعد ما تخلّص المكرمة

خااالد كنت ابغا اسألك دحين المعدل العالي بالنسبة في الهندسة يعتبر من كم؟ +4 , 4.5+ ؟ وشي كمان, دحين في برنامج ارامكو انتا قلت لما اخلص 30 ساعة؟ يعني قبل ما اتخصص؟ وعبارة عن ايش تدريب ولا دراسة كمان؟

شوف محمد طبيعي ان المعدل العالي 4.5 وإنتا طالع
وسؤالك طبعا لانو اكيد فكرت ببرنامج ارامكو
عشان كذا ما اخفيك العملية مو سهلة ارامكو تاخذ طلاب على عدد اصابع اليد خاصة من جامعاتنا ,,
فـ قلت فوق يبغالك معدل يكسر العين اذا تبغاهم
يعني ما ابالغ لو قلت يشيلو طلاب 5 .. و 4.9 بس !!
لكن عموما دخولك للكلية بمعدل 4 وعليها او 4 شي حلو
ومو مستحيل توصلها للخمسه كمان لو شديت حيلك كووويس واهتميت من قلبببك
بالنسبة للتخصص لا ما راح يمديك تنقبل عندهم وإنتا مو متخصص
وللاسف كليتنا لازم تخلص فيها 50 ساعة عشان يخصصوك :/
و حتى اخويه استغرب لما قلت له ولا تفكر تقولي لسه ما اتخصصت لازم اخلص 50
المهم نوعية المعدل اللي يبغوه زي ما قلت لك
والبرنامج مش تدريب .. البرنامج زي اللي يسموه إبتعاث داخلي
يعني تصير تابع لهم وعادي تكمل بجامعتنا بس انو وقت دراستك يشملك مكافئه من عندهم وتأمين طبي
وانو تتوظف عندهم بعد التخرج لانو خلاص انت مسجل انك مبتعث عندهم ويعطوك رقم وظيفي اصلا وقت القبول ,,
بالتوفيق محمد ربنا يكتبها لك (:

شاكر للجميع .. لنا عودة للردود اذا الله اراد

[خالد9921]

.خالد شكرآ على الطرح الأكثر من رائع أستاذي طبعآ عارف أن الأجازة الكبيرة لازم الطاللب يستغلها أكبر أستغلال وكمان تعرف أن نحن مشكلتنا مو في الدراسة في الفتره الحاليه لكن المشكله في اللغه والأساس الرياضي( الرياضيات)وأنا أبغى هندسة كهربائيه يقولون صعبه لان يحتاج لها هذي امشكلتين مع العلم أن المشكله الأولى أنا في حلها الأن أما الثانيه في الصيف لكن كيف أحلها وما الكتب التى تنصحني بها عشان أدخل وما ورايا مشاكل ؟ وهل الكهربائية صعبة

هلا يا استاذي ,, العفو منك ,,
طيب كويس اذا انك بتحل مشكلة الانقليش
وانصحك كمان اذا لسه بتحلها شوف لك معهد قوي باللغه ومعروف او سفريه بالصيف او حتى اذا ما تقدر مره في بعض الكتب بجرير ممتازه ومختصه بالانقليش العلمي
اما بالنسبة للماث حلّها سهل وبسيط
خاصة انك راح تدرس لاحقا تكمله للي درسته بالتحضيري تقريبا
انصحك تستوعب الفصول الاولى اللي بكتاب الماث حقكم اكبر إستيعاب
يعني حتى لو نجحت فيها بدرجه كويسه بس حاسس نفسك مو مغطي فهم المنهج كويس
ارجع وافهم كل شي فيه بحيث انك خلاص مرره فاهم وما يحتاجلك
ولو قدرت كمان بالصيف تبدأ في شابتر 5 بكتاب الماث حقكم حلو على حلو وشي كويس مرره
ادخل يا سيدي لا يردّك شي اذا معدلك ودرجاتك تسمح راح تتسهل ان شاءالله (:
اما بالنسبة للكهربائية شوف يا غالي انا ما اؤمن بالكلام اللي زي كذا
اي تخصص بالدنيا خاصة بالكليات العلميه يبغاله جهد وإجتهاد وإعطائك لحقه من الوقت والدراسه
عشان كذا اذا همتك عاليه بالحصول على معدلات اعلى اي قسم بالهندسه تدخله راح تشد حيلك فيه مره (:
بالتوفيق ان شاءالله ,,

هلا و غلا بالمهندس عندي سؤال لاهنت طبعا كله بـ اراده الله ومشيئة الله لكن بشكل عام يعني ،، لو معدلي اربعه وربع ،، 4.25 إلى 4.45 هل فيه أمل ادخل هندسه ؟؟ ،، طبعا كله بمشيئة الله سبحانه لكن بشكل عام ،، هل من الممكـــن ؟ و بالتوفيق

هلا فيك زود .. ومن قال (:
طبعا ان شاءالله فيه امل كبير جدااا للدخولك الهندسة اذا معدلك من 4.25 فأعلى
لانك تقريبا ما حتجيب هذا المعدل الا و الموزونه العامه حقك تسمح لك بدخول الهندسة
ويبقى عليك فقط تحقيق الموززنه الخاصة 80 بالماث والفيزيكس والانقليش ..
الله يوفقك اذا وضعك قريب من هذا المعدل اتوقع لك بشكل كبير جدا ان شاءالله تنقبل بالهندسة
موفق ان شاءالله (:

اممممممواهـ .. اممممممواهـ لكـ ياخالد << عارف انكـ قاعد تقول ليتكـ بنت :p ..

خخخخخ اتحطمت لما شفت نوع الجنس ذكر

عندي توضيح واستفسار التوضيح : المواد الداخلة في الموزون الخاص 6 مواد : 3 انجلش .. فيزكس .. ماث .. إحصاء :( استفسار : من فين ممكن أتعرف على طبيعة كل تخصص وايش اللي ادرس فيه .. لأني إلى الآن مضييع جداً ومو عارف ايش أدخل بالزبط .. مافي شي يوضحلي ايش ممكن أدرس في كل تخصص وايش حيكون مجالي الوظيفي

اها شكرن على توضيحك ما قصرت
بس انا مدري بالنسبة للاحصاء ما شفته بالموقع حق آلية التسكين فيما يخص القبول بالهندسة
ولا احنا كان الاحصاء مطلوب علينا بالخاصه
مدري قالو لكم الاحصاء بالاسبوع الارشادي ؟ يا ليت مصدرك عشان لو متأكد نعدل بالموضوع هاذي المعلومه (:
طبيعة كل تخصص روح شوفها على هذا الرابط حق كلية الهندسة

http://engineering.kau.edu.sa/Default.aspx?site_id=135&lng=AR

لما تفتحه تلقى عاليمين قائمة فيها ايقونة الأقسام العلمية اختار منها اي تخصص حاب تشوف عنه معلومات
وراح تلقى بكل التخصصات معلومات كثير عالموقع زي خطة القسم والمواد حقو واغلب الاشياء
او راجع الشؤوون التعليمية في الكلية اذا حاب تاخذ معلومات اكثر
لان مجالات الهندسة يطول فيها الكلام ..
العفو منك ,, بالتوفيق ..

عبدالرحمن - خالد .. توجهوا للقبله و ارفعوا ايديكم وقولوا امين لو سمحتوا يا جعل ربي يسهل اموركم و يسعدكم و يوفقكم ويحقق مرادكم <~ تحمس معكم

< توجّهه للقبلة وقال آمين
تسلم يا غالي ومن قال ان شاءالله (:

بس عندي سؤالين للمهندس خالد / 1- طريقه حساب النسبه الخاصه متأكد منها ؟ " معليش على السؤال احسه غبي بس انصدمت منها , لاني اعرف طريقه وبالاسبوع الارشادي اقصد اليوم الارشادي قالوا لنا طريقه :\ و الطريقتين تختلف عن طريقتك ؟ "

يب يب معاك حق انا كتبتها بشكل مختصر مرره وحسبه سريعه مش الكل راح يفهمها
بس هيّا تؤدي الى نفس النتيجه بالاخير
ولكن هي عموما عن
درجات كل مادة × عدد ساعاتها
ثم تجمع اللي يطلع لك من كل المادة
وتقسم على عدد ساعات المواد هاذي كلها
كمثال فيزيكس 90 درجة × 3 ساعات
ماث 90 × 3 ساعات
انقليش 90 × 3 ساعات
راح يساوي ... 270 + 270 + 270 = 810
810 تقسيم على عدد الساعات الكلي لهاذي المواد اللي هو 9 .. = 90 بالموزون الخاص حقك

اذا عندك طريقه ثانيه قولها كمان نستفيد

2- انا رغبتي هندسه كيمياء ان شاء الله , وابي منك تعطيني نصيحه لا هنت , :$ انا حطيت رغبتي الاولى فرع السليمانيه .. وان شاء الله تجي =) بس محتار في الرغبه الثانيه ! احط رابغ او شمال جده ؟

الله يكتبها لك ان شاءالله .. وحاول تشد حيلك من اول يوم بالكلية عشان تخصص بالهندسة الكيمياء
وبعد كذا كمان تشد حيلك بالتخصص ,,
الرغبه الثانيه على راحتك وحسب مكان عيشتك كمان !!
اذا تبغى شمال جده قبل رابغ اكيد حط شمال جده وبعدين رابغ
الترتيب حطه عالشي اللي تبغاه اولويات
ما راح يأثر ترتيب كل وحده اذا ما انقبلت باللي فوقها ,,

خايف اروح لرابغ وانصدم بالواقع هناك "من المختبرات و اعضاء التدريس والاسلوب " لاني ما اعرف نظامهم ! واخاف يختلف عن جده !

والله يا عزيزي للاسف ما اقدر اقولك شي ما رحتها الكليه هناك اصلا
بس شوف اظن فيه تجمع لطلاب رابغ بقسم منتدى كلية الهندسة
ادخله واسألهم ممكن يساعدوك ان شاءالله ويقولو لك كل شي (:

او احط شمال جده واتخلى عند رغبتي هندسة الكيمياء :( لاني سألتهم باليوم الارشادي وقالوا لي ان ما في تخصص هندسة الكيمياء في شمال جده ! وقالوا لي ان التحويل صعب او شبه مستحيل لفرع السليمانيه حتى لو كان معدلي يسمح لي ان ادخل هندسة كيمياء بفرع السليمانيه !! " هالمعلومه متأكد منها اخذتها من العميد "

اجل ما يبغالها كلام يا بطل حط اول شي السليمانية وبعدين رابغ اذا رابغ فيها كيميائيه كمان
طالما انت ما تبغى الا كيميائيه وهاذي مش موجوده بشمال جده على كلام العميد
بالتوفيق حبيبي وان شاءالله تنكتب لك باللي تبغاه لا تشيل هم بس شد حيلك عالآخر (:

الف شكر للكل هنا .. ويارب يفتحوا هندسة للبنات

[tkaabdu]

السلام عليكم ورحمة الله وبركاته

تسلم اخوي الطبيب و اخوي خالد,,,

.. أسئلة لـ المهندس خالد

1- بعد ما تخلص اول سنة هندسة عاممه , ما تشوف انو معدل 4.00 كثير شي مآا بالنسبة للصناعية و الكهربائية ,, الخ,,؟؟ ام سهلة و ممكن تجيبها؟
2- عشين تدخل هندسة صناعية يبغالك 4.00 هل هذا المعدل بس في سنة الهندسة العامه .؟؟
او التحضيرية + سنة الهندسة العامه؟؟
3- رأيك في الهندسة الصناعيىة؟




4- عشين ادخل هندسة لازم احقق " موزونة الكلية"؟؟ ام "النسبة الخاصة للكيلة؟
5- كيف يتم حسابها؟؟

شكرا لك و بالتوفيق , وسامحنا ل كثرة الاسئلة

و دعواتك لي بالتوفيق

تحياتي